كل الي سواه فيني وفي النهايه طلع مقلب منه بس شوفو انا وش سويت له .!! -لصحتك 2024.

السلام عليكم اخواتي كتبت مشكلتي على امل انكم تجيبو ليه حل

قصتي ::

انا متزوجه وعندي ولد وقبل اسبوعين

صارت مشكله مع زوجي لاني وجدت رقم في جواله بسم بنت

وجن جنوني اول شئ هوه دخل في دورة المياه الله يكرمكم

وجواله مخليه عندي وفتحت الجوال الى بس ضغطت الزر الى هوه اثره حاطه على نفس الرقم

الى مسميه اموووله

وربي شويه وانجن لاني اموووووووووت فيه وهوه بعد ومستحيل اتوقع منه الخيانه لاني جربته كم مرره بس طلع كفوووو

المهم وطلع من دورة المياه وانا اناظر فيه مرره واضح عليه الزعل

وهوه يطالع فيه ويبتسم وربي شكيت ان فيه شئ

وجلس وقلت له ليش تسوي كذا انا وش قصرت معك قال افااا والله ماقصرتي شئ ابد

وقلت ليش الرقم ورقم مين هذا وليش امووله ومن هيه

قال تبي الصراحه قلت ايوه وانا خلاص دموعي في عيوني من القهر شويه وانفجر عليه بس قلت تحملي لين اعرف وش السالفه واسوي الي ابيه

قال يافلانه هذي اسمها امل في المستشفى ممرضه

"ملاحظه هوه زوجي مدير المستشفى "

وقال هذي ممرضه عندنا في المستشفى وتعرفت عليها

وحبتني البنت

"ملاحظه انا اول ماقلت رقم مين هذا اخذ الجوال مني بالقوه يعني ماشفت رقمها ولا اخذته"

المهم قال وحبتني البنت وهيه طيبه واخلاقها عاليه وبنت مودبه

وانا اسولف معها في وقت فراغي في العمل

قلت طيب يعني ايش قال يعني انا اقول لك اذا موافقه انتي ابي اتزوجها والشرع حلل 4 وانا اوعدك انك انتي الاصل وانتي الحب الاول ومستحيل اقصر معك بشئ

قلت هذا الي عندك قال ايوه هنا بكيت انا وهوه مايحب يشوف دموعي ابد

وحضني وقال خلاص يافلانه اذا مو موافقه بلاش منها وانا ابكي

المهم دقايق بس واحس خلاص معاد اقدر اتحمل مو مستوعبه الي يصير وقسم مو مستوعبه

وقمت وهاوشته وتفلت في وجهه وانا اصيح وقلت له قووم وديني بيت اهلي بسرعه ابي اروح اجيب اغراضي

الى قام بسرعه وسحبني من يدي وضمني احس ابي انجن قلت له عين الحيوان يسوي كذا ويحضني احس ابي امووت

واضاربه ابيه يتركني هوه ماسكتي وقسم بالله وبدون شعور تفلت في وجعع للمره الثانيه

وقال خلاص يافلانه مو لهدرجه عاد قلت طيب حسيته عصب شويه لاني تفلت في وجهه للمره الثانيه

وقال طيب شوفي شوفي الجوال يالله كلمي امل الحين وقولي لها لعاد تتصلي على فلان وامسحي رقمه وربي انا فرحت شويه قلت يالله اديني الجوال

واداني الجوال وهوه جالس ويناظرني حسيت من نظراته خوف وربي جد خفت

وبسرعه دقيت على اسم امل ابيها ترد تدرون طلع مين..؟

طلع رقمي انا وربي ياربنات طلع دق جوالي الى اطالع الى هوه رقمه

المهم ناضرت فيه الى هوه يطالع فيه وساكت ودخلت على الاسم الى هوه رقمي انا قلت يمكن اسم ثاني ادور الى هوه الي اوليه شفته

قام وقال خلاص ارتحتي يافلانه انا اصلن مسوي فيك مقلب وابي اشوف ردت فعلك بس بس جد ماتوقعت توصل الى انك تتفلي في وجهي وانتي تعرفي يافلانه اني انا مو من هذا النوع ولااحب الكلام هذا

بس وربي يافلانه ترا ماراح انسى تتفلي على وجهي انا احبك ولاابي اقول لك شئ او ازعلك بس راح تندمي

وطلع ورجع الساعه 1 في الليل وكان مرره رسمي معي ودخل الغرفه يبي ينام بس قال ليه انتي تعشيتي قلت ايوه وراح للغرفه

المهم مستحيل اخليه زعلان مااحبه ينام وهوه زعلان

رحت له في الغرفه وكان مرره متغطي وجيت عنده وقلت ابي اكلمك هوه ساكت قلت فلان ابي اكلمك قال قولي انا اسمعك قلت طيب ناظر فيه قال لا قولي الي عندك انا اسمعك المهم انا ماتحملة وقعدت ابكي وقام بسرعه يوم عرف انتي ابكي وحضني وقال خلاص قلت طيب سامحني قال طيب اسكتي انتي واسامحك مو قادره اسكت وهوه يقول خلاص ويسد فمي مايبيني ابكي المهم سكت قال خلاص انا مسامحكقلت احلف قال وليش يعني مو مصدقه قلت الى بس انت احلف وحلف انه مسامحني

بس قام في الصباح وحسه مو مثل دايم يضحك ويسولف معي قبل لايروح لشغله هوه يسولف بس مو مثل كل يوووم انا اقول يمكن عشانه مو فايق لانه مانام الى ساعه ونص لانه من الساعه وحده وحنا في جالسين يعني مانام

بس بنات مطلوب منكم حاجتين وش رايكم في المقلب الي سواه فيني

وابي حل وش اقول له يمكن يكون ماخذ في خاطره لانه هوه قبل يقلي يافلانه كل شئ الى انتي لاتجرحيني بكلامك كل الناس عادي ماهموني وارد عليهم عادي الى انتي يافلانه مااقدر ارد عليك لان كلامك ييثر فيني

وش اسوي له الحين

ودعواتكم ليه بتوفيق