كنـت أقـول إن ضاقـت الدنيـا تـوسـع
وأتسأل ليه ضاقت فـي عيونـي هالوسيعـة
لين شفت الخافق اللي حب مـن جـد وتولـع
يحرمه وقته ووقته صارت أحزانـه طبيعيـه
منحرف حظي وأعرفه طول عمـره ماتسنـع
من عرفت الشوق قاسي والهوى هذا صنيعـه
(( ياحبيبي )) حط يدك فوق هالقلب وتسمـع
بس لا تسـأل دخيلـك ليـه دقاتـه سريعـه
يوم شفتك والحكى عيا يجـي مـدري تمنـع
والسكوت اللي ملى الدنيـا مرافقنـي جميعـه
يوم شفتك داخل عروقي نما عشـق وتربـع
يوم شفتك والحياة القاسيـه صـارت بديعـه
كيف أعيش وبعدك أنفاسي بها موتـي تمتـع
كيف وأحلامي غدت دونك كوابيـس شنيعـه
والحزن أه أه يالحزن فيني به الخافـق تشبـع
ليه حملنـي تناهيـد وحمـلٍ مـا أستطيعـه
اااااه من قلبي وانا أشوفه مع الوقـت يتقطـع
يأمر عيوني تهـل الدمـع وعيونـي تطيعـه
لو بقول اني بموت أن غبت وربي ماتصنـع
دامه غيابـك لـه الأااام ولوعـات فضيعـه
انت في بالك يوم فراقك يوم عـادي مايلـوع
تراني حاسب غيابك يوم من عمـري فجيعـه
ماتعبت؟؟ إلا تعبت وظلي ودروبـي تطـوع
والزمن يحفـر مسافاتـي غرابيـل وخديعـه
والذنوب اللي معي نبض من اللوعـه تجـزع
والخطى عشقي ولكن مالقى لـه مـن ذريعـه
والعذاب اللي من أهوالـه صـدري تصـدع
مانزع روحي من ضلوعي ولا خذها وديعـه
مستحي من حبك اللي ضمه الصـدر وتنـوع
مدري شايف ان الهوي فيني له سدودً منيعـه
وانت عشقك غير .. كل العشق لو ربعه توزع
كل واحد ماعشق قلبك يبقـى لـه صريعـه
عاد تدري لو هوي كل الخلايق لـك تجمـع
مايجي ذره من إحساسي مـدام انـك شفيعـه
ويازماني دامني ماقوى على عنـادك تشجـع
وارسم جروحي وانا بشكي على رب الشريعه
يالله اني طالبك من قلبٍ صافـي ويتضـرع
لا يجي بينه وبينـي بعـد وفـراق وقطيعـه
يالله اني طالبك وإن ضاقـت الدنيـا توسـع
لين تفرج والحياة تصيـر بوجـوده وسيعـه
وســـــــــــــــــــــــــــــــلامتكم
ماتعبت؟؟ إلا تعبت وظلي ودروبـي تطـوع
والزمن يحفـر مسافاتـي غرابيـل وخديعـه
والذنوب اللي معي نبض من اللوعـه تجـزع
والخطى عشقي ولكن مالقى لـه مـن ذريعـه
والعذاب اللي من أهوالـه صـدري تصـدع
—————————————————-
عسل
كلمات جدا رائعة
لي سؤال انت كاتبتها ؟؟؟؟؟؟؟إذا انك كاتبتها لي عودة لها من جديد والتعليق عليها لنها اعجبتني جدا
أختك بقايا روح
مبدع كعادتك في انتقاء الكلمات وكل ماهو جميل وراااقي
قصيدة في غاااية الجمال والروووعة
ربي يعطيك العاااافية
عجبتني وااااااااااااااااااايد وحطيتها بالمنتدى
اااااه من قلبي وانا أشوفه مع الوقـت يتقطـع
يأمر عيوني تهـل الدمـع وعيونـي تطيعـه
لو بقول اني بموت أن غبت وربي ماتصنـع
دامه غيابـك لـه الأااام ولوعـات فضيعـه
انت في بالك يوم فراقك يوم عـادي مايلـوع
تراني حاسب غيابك يوم من عمـري فجيعـه
ماتعبت؟؟ إلا تعبت وظلي ودروبـي تطـوع
والزمن يحفـر مسافاتـي غرابيـل وخديعـه
كلمات رائعة جداً أختي عسل 2024
تصور حجم الخوف من فراق الحبيب …
أحاسيس متلاطمة حب ورجاء وترقب ودعاء
لغة عامية محببة …
وسجع لطيف في نهاية كل سطر …
بارك الله بكِ أختي عسل 2024
وأتمنى أن أقرأ لكِ المزيد من الخواطر العاطفية الجميلة ….
