السلام عليكم
اخواتي انا طالبه ميداني
اطبق ع المرحله المتوسطه
المشكله اني ماعرف اتعامل معاهم بالشكل السليم ..
وخااصه حركات المراهقات
فيه بعض البنات يتميلحوون وناشبين لي في كل مكان والله ي بنات حسابي ف الفيسبوك وتويتر جابووه من وين والله مادري !!!
قسم خطيراات مو سهلاات
مع إني م حطيت اسمي الكامل ف الحساب
المهم جوني ويترجوني استاذه درسينا تكفين حنا نبيك وووالخ من هالكلام
وانا ماعرف اكرشهم ابتسم واقول ان شاء الله
ي نااس احس شخصيتي مااااااش ماعرف كيف اخليهم يخافون مني ومايتجرأون يكلموني
انا مقدره إنهم مراهقاات بس لازم اوقفهم عن حد
واخر مره جتني وحده وقالت استاذه هذي صديقتي الفلانيه تسلم عليك <<< ميااانه والله
المهم اللي ابيه منكم/
تعطوني من خبراتكم ي استاذااات !
وكيفية التعامل معاهم /
اهم شي الانطباع الاول اللي تعطينه الطالبات
لانه كل البنات سواء كان متوسطة ولا غيره يختبرون المعلمة
ويشوفون شخصيتها عصبية .. او خجولة .. او طيبة زيادة عن اللزوم .. او سهلة .. وغيره ..وبعدين يتصرفون وياها
انا انصحج ما تكونين لينة وياهن زيادة عن اللزوم
وتكونين شديدة فأول لقاء وياهم ومع الايام تخففين هالشدة حسب تصرفاتهن
موفقة
استغفر الله الذي لا اله الا هو الحي القيوم واتوب اليه 
كوني حازمه معهم ….ولاتردي على من تتكلم بإسلوب غير لائق وعندما تعدل اسلوبه تجاوبي معها …
لامانع ابتسمي ….لكن لاتجعلي الفتيات يتجاوزوا الحدود وإذا اكتشفوا شيء شخصي بحياتك لاتساليهم كيف ومن اين لكم هذه المعلومات…..:::::::::::::
وتستطيعي فتح حساب جديد وتسجيل جديد بالفيس بوك…بعد نهاية تدريسك لهم….
وعادي ماحصل شيء….
وبإذن تجدي من لهم الخبره في ذلك من اخواتي الغاليات…
وبراااحتك…
اول شيء كوني حازمه لينه ..كيف؟
يعني لازم يكون لك هيبه قدام البنات
مثلا: قولي (اذا جيت ولقيت وحده قدام الباب – او – وحده همست لبنت في الحصه)
بانقصها درجه وفعلا نقصيها درجه
واذا مااهتموا
نقصي من درجات الاختبار
واثناء الدرس حازمه مسيطره مبتسمه لا مجال للسواليف او النقاشات بلا فائده
اما الاختبارات لازم تكون الاسئله سهله جدا وتلخصي لهم قبل الاختبارات كثير
وبكذا تكون لك هيبه ويحبوك
ولا تسولفي معهم كثير انتي جايه تتدرسي مو تكوني علاقات صح..
نصيحه…
لكن علاقتي مع البنات بحدود
وجد يحترموني ويقدروني
لان اول انطباع عطيتهم عني اني شديده وكل شي بـ أنتظام يمشي عندي
وقت درس مراجعه اختبار حصه فاضيه
وبنفس الوقت احب اعطي البنات قد ما اقدر واساعدهم
ولا تعطين البنات وجه كثير ترى يتمادون عليك
وربي يوفقك ي اختي
انا اطبق ع بنات المتوسطه ( ميداني )
يعني للتوضيح اكثر < انا طالبة كليه في سنة ثالث اطبق على متوسطه
اتمنى فهمتو علي ومرره شكراا
انتظر ردودكم / ..
