ماسبب هذا الالم الي اشعر به؟؟؟ 2024.

السلام عليكم

انا بنت عمري 16 سنه

مشكلتي قبل سنتين

تعرفت على شاب في احد المواقع الجتماعيه وكان عمره في العشرينات

ماكن قصدي اني اتعرف عليه لكن صار الي صار لين عطيته الايميل

ومع الوقت صار يعرف عني كل شي لكن من بداية ماكلمته كنت حاطه حدود انه صور لا والحمدلله ماعطيته ولا صوره لي يعني كل كلامنا ايميل فقط لا كام ولا تلفون

كنت دايم اتمشكل وياه اني خايفه والي اسويه غلط ويحاول يقنعني انه كلامنا عادي ومافيه شي لين اقول له ترضه على اختك يسكت مايرد

ومع الوقت كل مره اقوله خلاص اخر مره ماراح اكلمك وبحذفك والغي الايميل

واسوي الي اقوله بعدين ارجع اسوي ايميل واضيفه لين يمكن سويت عشرين ايميل في السنه

وكان شاب طيب جدا كان مثل اخوي تمام وهو اكبر مني بكثير فكان يعتبرني اخته الصغيره يعني مافيه حب ولا شي وكنت انا موسوسه دايم اقول له احذف المحادثات واترجاه لا حد يعرف عني شي ولا لجنس يتكلم عني لاحد وكان يوعدني وكل يوم اكلمه عن هذا الموضوع لين يعصب ويقولي اطلعي لا تخلني اقول كلام يزعلك ولا يرضيني واطلع وماادخل اليوم الثاني الصباح الا اشوف رساله منه يعتذر ويوعدني انه مهما صار سري في بير ماله قرار ومره خلاص قلبي صار متعبني قلت له انا مقدر اتحمل لاكن بعد تعودت عليك ليه ماصديتني ليه استمريت تكلمني وانت تعرف اني صغيره قالي تبي تعرفي ليه انا اقولك لان اخاف تروحي لواحد مايخاف ربه فيك

وهو كان ينصحني كثير وفي مشاكل واجد في المواقع الجتماعيه ساعدني فيها وكان يعصب علي يوم يكتشف اني مسويه شي غلط وكان يهزئني على جلوسي الكثير على النت ويقولي اشغلي نفسك ويصارحني انه سبب اني كلمته وتسجلي في مواقع اجتماعيه هو انه حياتي كله فاضيه مااشغل نفسي ونومي مقلوب مما يكونو اهلي نايمين وانا صاحيه مما يحسسني بالملل واسوي اي شي بس عشان اكسر الملل

كان يقول ليه الشغاله عندكم هذا احد الاسباب الي يخلي ماعندك شي تسويه او تساعدي والدتك

وبعد مرور سنه على كلامي معه خلاص انا تعبت كل حياتي خوف وبكي حتى لو كنت واثقه فيه مقدر الخوف من ربي الخوف اني خنت ثقة اهلي اني شوهت سمعتهم حتى لو معه اتعبني اهلكني صارت نفسيتي زفت دايم اتمشكل معه في النهايه طلع وهو غاضب جدا

انا ماقدرت انام تعبت من الصباح جلست وكتبت له رساله وداعيه ورسلتها على الايميل وكتبت فيها اني جداه هذي المره وفي قرارة نفسي كنت جددا مرتاحه لاكن هم في الم كبير اني بتركه كان مثل الاخ لي تماما مع ان اهلي مو مقصرين وابوي واخواني فوق راسي لكني تعودت عليه

ومن بعدها الغيت حسابي

وصرت مثل المجنونه مره افرح واصير اكرهه ومره اشتاق له لين بعد فتره قررت قرار اني اسوي لي حساب جديد في الايمل واضيف فيه اهلي وصاحباتي بس وابتدي استخدم النت بشكل صح ومفيد لي والحمدلله مارجعت ضفته والحين مرت سنه على تركي له وانا عندي ثقه انه ماراح يضرني او يحاول يجي ويكلمني هو يخاف الله وهم انه وعدني وحلف

لكن انا صحيح صرت ماافكر فيه كثير واحيانا كثير انساه

واحيانا لما اتذكره احمد ربي اني تكرته واصير اكرهه

واحيانا احس اني اشتقت له

خواتي عضوات سدتي انا مو ندمانه اني تركته بالعكس ادري الي سويته هو الصح لكني احس باألم واحس اني احبه بعكس اول كنت احسه مثل اخوي

فماني عارفه هل انا صحيح احبه وايش هذا الالم الي احس فيه مع انه مرت سنه ؟؟

ارجوكم ابغى جواب على سؤالي

فماني عارفه هل انا صحيح احبه وايش هذا الالم الي احس فيه مع انه مرت سنه ؟؟

المشاركة الأصلية كتبت بواسطة مشكلتي خواتي عضوات سدتي انا مو ندمانه اني تركته بالعكس ادري الي سويته هو الصح لكني احس باألم واحس اني احبه بعكس اول كنت احسه مثل اخوي فماني عارفه هل انا صحيح احبه وايش هذا الالم الي احس فيه مع انه مرت سنه ؟؟ ^ حبيبتي يمكن فاقده حنان معليش هذا اللي واضح

سلمتي اختي على ردك

هههههه لو قلتي هذا الكلام لبنت ثانيه كان ممكن كنت معك ووافقتك الرأي انا البنت تكون فاقده حنان

المشاركة الأصلية كتبت بواسطة mimy13900 صراحة عجبتيني انك تركتي هالشي من نفسك قبل ماتصير مصيبه الحمد لله الي هداك الانسان الي دايم يحسس بالضيق والوحده انسان بعيد عن الله لاتقوي اسوي صلاتي الدين مو بسس صلاه ومايحتاج اشرح لك انتي انسانه واعيه وفاهمه انتي كل الي عليك تملي الفراغ وراح تنسي الالم مثلا اذا اجازه دخلي نادي صيفي رياضي مواقع التواصل الاجتماعي ابتكروها لتبادل المعلومات وعلى شان ماتغلطي مره ثانيه بقولك يعني وش يضمن لك انه من دوله ثانيه بعضهم شخصيات وهميه احيانا ممكن تكلمين اخوك وانتي ماتدرين

هلا اختي

كلامك يشعني كثير ودعمني اكثر

وصدقتي ممكن الي اشعر به بسبب بعدي عن رب العالمين وبإذن الله راح ابدأ من جديد وبشكل افضل اما بخصوص الانترت اختي انا قلت اني بديت استخدمه بشكل صحيح وعارفه غلطي ومستحيل اكرره او اسوي ايش شي يخليني اغلط مره ثانيه

اما بخصوص انه من بلد ثاني لا اختي متأكده انه من بلد ثاني ولي اسبابي لتأكدي انه من بلد اخر

لكن اختي ماجاوبتيني ليه احس اني اشتاقله احيانا ؟؟

المشاركة الأصلية كتبت بواسطة Sunrise00 اختي ما شآء الله لا قوة الا بالله عزيمتك جدا قويه يعني ما في وحده تقعد مع واحد سنه كامله ووتركه في يوم و ليله و ما ترجع لان الشي ذا صعب و انتي زي ما يقولو (كنتي قدهااااااااا) حبيبتي اتمنى انك تستمررري و ما ترجعي لذا الطريق ايش ما صار و بالنسبه للاحساس اللي حسيتيه تراه من الشيطان هو بيحاول يحسسك انك ما راح تقدري تعيشي بدون ذا الشخص عشان تضعفي و ترجعيله !!! نصيييحه كوني قويه و لا تعطيه فرررصه يتغلب عليكِ . . دعواااتك لي **

حبيبتي انتي وربي رديتي لي روحي بكلامك واسعدتيني فيه كثير

اختي اذا ركزتي بكلامي اني كنت اتركه وارجع له طول سنه تعارفي فيه وكنت اقول كل مره خلاص هذي اخر مره مستحيل ارجع له ونفس الشي اكرر الغلط وارجع اضيفه ومره تركته لمدة ثلاث شهور كنت عازمه ومصره اني اتركه لكن وسوس لي الشيطان ورجعت له لكن الان وبعون الله الحين تركته سنه وانا مصره وجاده اني ماارجع له وانهي السالفه وماني عجزانه اتركه طول العمر وعندي ابوي واخوني ذول يكفوني عن كل مخاليق ربي

وشكرا لك لنك ذكرتيني بشي غافله عنه وهو انه الشعور الي احس فيه بسبب الشيطان عشان يغويني

الحين بس عرفت السبب الي كنت غافله عنه

شكرا لك كثير اختي جاوبتيني على سؤالي