السلام عليكم
كيفكم اخواتي
اخواتي حبيت اني اطرح مشكلتي لعل وعسى اجد لكم الحل لاني خلالالالاص تعبانة نفسيا
انا عندي كم مشكلة راح اعرض كل واحدة وبينهم فاصل اوك
انا بنوتة لسه اتزوجت متخرجة من الجامعة متفوقة ولله الحمد بس للاسف التفوق سبب لي مشاكل
اولا انا مصابة بالعين والمس ولا حول ولا قوة الا بالله والله يصبرني
المهم ابويا جباااااااااااار وقاسي ما ادري افظع الخصال فيه عيشنا عيشة ما ادري حتى الحيوان يمكن احسن مننا
دائما محرومين من كل شيء ما يجينا الا بالف يا ويلاه وبعد ما تكون فاتت حلاوته مثلا اول ما اطلعت لعبة البلاي ستيشن نتمنى كل اصحابنا وقرايبنا عندنا الا نحن ويا ريت فقراء الا لا احنا نقدر ناكل ونشرب ونسكن ونلعب مثلا لكن باشياء بسيطة
لان للاسف ابويا عاطل عن العمل من قبل ما يتزوج اشتغل شوي بعد كدا طفش من الشغل فقرر يترك الشغل متسلط متجبر متحكم في حياتنا حتى في اصغر الاشياء اتخيلوا
مثلا نبى ننام في غرفتنا الي زي الزفت والي كانها قبو بسببه المهم حرانين نبى نفتح المروحة مع المكيف ما نقدر ونموت من الحر
لازم نستاذنه ونترجى عشان نقدر نفتحها الترويش ما نقدر الا قريب اتخلصنا من هذا التسلط في هذا الموضوع ولا كيف ما يسير نتروش بدون استاذان
حيتنا زززززززفت واكثر
لكن بطبعي صبورة واخاف الله وما احب الا امشي الحال
المهم قلت لكم اني مصابة بالمس والعين العين كانت بسبب تفوقي في الدارسة والمس بسبب بيتنا والله اعلم مسكون فقد كتبت مشكلتي في منتدى خاص بالرقية وهو ثقة باذن الله وكان التفسير هو مس بسبب البيت
البيت ايش اقولكم بالله ززززززفت بس اقولكم باختصار ابوي يحب يجمع اي شيء من الشارع هدية من السماء مفيد غير مفيد نظيف غير نظيف ما يفرق المهم يجمع
يجمع ورقة – لعبة -مسمار – مفتاح رخصة احد ضايعة اي شيء هالكنا البيت اربع غرف وصالة وحمامين
ولانو متسلط في كل غرفة ما عدا غرفة نومنا بس هيا الي ما قدر ولله الحمد كل البيت ملاين من هذا التجميع الي ما اسميه الا قمايم
والله اتخيلوا الصالة مربعة وفي كل زواية وجدار مليان قمايم والله اني امشي اتعور في رجولي
كاننا جالسين في ورشة او موقع بناء يعني في الشارع مو بيت
ويحب العناد لو يكفر المهم يعناد وياخد الي يبغاه قال ايش ما راح يرفع ركن من الصالة لانو طبعا احنا مو مسموح لنا نمسك الجواهر هذي والاالهلاك هو المصير لسبب تافه انو ما رضينا نبدل غرفة نومنا
المهم حضرته يموت بالسفر وفي يوم من قبل سنين وسنين جا واحد تركي اتعرف عليه وسار يمدح في تركيا وجمالها قام هو حبها وكل سنة والثانية هو هناك
ولا زم ياخدنا معاه تعذيب في تعذيب زمان لمن كنا صغار ماما تقول كان احسن يمكن تمشية وكدا
لكن قبل 6 سنين تقريبا اخدنا تركيا المهم كالعادة كل خمس دقايق يضارب مع امي على كلام تافه ليش ما شلتي دا ليش ما حطتي دا
واسباب تفقع المرارة ملت كرسي من تفاهتها لو شالت كرسي في البيت وغيرت مكانه هذي قضية ممكن ضرب عليها
المهم لمن روحنا اضاربوا لين وصلت بالايادي والادوات القريبة من قبله طبعا وهي المسكينة ما عندها غير الدفاع بالصد بس لكن ما عمرها مدت يدها وقاطعنا من الكلام بعدها لمدة طويلة
تدروا ليش لانو جينا مسكنا يده نبعده عن امي يضربها ليش جارية عنده حتى لو جارية ما يعاملها كدا
المهم كرهنا في شيء اسمه تركيا اكرهها كره العمى والله
ودحين السنة الا تروحوا تركيا ليش لانه هو مشتهي يروح فاحنا لازم ننفذ رغباته ونروح معه لانو مو عايشين الا لطاعته وتنفيذ رغباته لانو احنا مو بشر عنده احنا قطيع غنم اشتراه
دحين لمن هو قرر بدون ما ندري راح حجز للسفر وبعدين جا رمى الامر جهزوا للسفر
اخويا نفسه ياخد ترم صيفي عشان يتخرج مع اصحابه اتخيلوا الولد بتخرج بعدهم وتتاثر نفسيته اكثر مما هو فيه وبسبب تفاهه
المهم حجز وبعد مشاكل في عدم توفر اماكن قال ما في الا في اخر شعبان يعني مثلا 28 شعبان ونكمل باقي ال 15 يوم في رمضان هناك
اتخيلو نسيب بلدنا وقال ايش نتمشى في رمضان
وياريت بدو يمشينا الا ما في غير ننحط في الشقة القطران الي اشتراها الي ما فيها استعداد للحياة وبس نروح فيها كاننا كلاب عنده
ولمن نقول له ما نبى يقول انا مو على كيف احد انا لو ما رحتوا باسوي واسوي فيكم حتى الخروج من البيت هنا ما في
كل ما نقول له نبى كدا او كدا يقول انا مااحد يتشرط عليا
ايش يتشرط بالله لمن نقوله بابا نبغى تستر غرفة الجلسة الي في تركيا لانها ترمي على الشارع ولانو حتى اهل البلاد وهما كفار لازم يستروا بيتهم على الاقل خصوصية
فما بالك بينا احنا الحريم
يقول لا انتو ستروها
شيء مو طبيعي وطبعا لانو متعود يتهدد ويتوعد خلى الكل جبان ما عنده شخصية مترردد يخاف من كل شيء
بعد ما هدد واتوعد امي رضيت واخواني وما في غيري انا واختي الكبيرة
ما نبغى وقلنا لا قام هو ما عجبه وسار ما يكلمني الا للضرورة ولا يطالع في وجهي غير معاملته البطالة
بالله ايش تقولوا في هذا الرجال
ايش اسوي في حياتي حتى لامس ما يدري عنه لانه عنده هذي الاشياء ما تسير ولو نقرا كتاب في كلمتين عن المس حتى لو طريقة علاجه يقوم الدنيا وما يقعدها
انا تعبانة نفسيا وجسديا بسبب المس وبسسب معاملته هو كرهته والله بعد ما كنت احبه
وسرت عصبية جدا بسبب المرض حتى امي يوم وافقت زعلت عليها ليش وافقتي وزعقت وخاصمت لين زعلت مني وياريت مرة الا كم مرة وترجع ترضى لانها طيبة
انا احس ازعلها بدون وعي
لمن يجيبوا سيرة السفرة كان نار شبت في جسمي وما ادري ايش يصيرلي
هو مو مقتنع ولا همه في الدين ولا شيء اصلا الصلاة ما يصليها الا في البيت معانا احنا الرحيم واخواني بيحاول يبطلهم من المسجد
ايش اسوي ايش الحل سااااااعدوني راح امووووووووووووت
لدرجة فكرت في الانتحار استغفر الله ولولا ايماني واني ماسكة القران والاستغفار
الا كان من زماااااااان
الله يسعدكم حلوها لي ايش اسوي
اسمحيلي يمكن ابوج مريض نفسيا ..
عليج بكثرة الاستغفار و قراءة سورة البقره لانها تبطل المس والسحر وغيره
واصبروا … انه الله مع الصابرييييييين
والله ما ادري بس هو عنده عقد من اشياء معينة لمواقف حصلت له وهو صغير
وياريت يتفاهم كان والله احطه فوق راسي ومهما يسوى ما ازعل
بس شكله هو كمان يا مسحور يا فيه شيء مو طبيعي
وجزاك الله خير
بانتظار بقية الاخوات لانو عندي كمان مشكلة بدي اطرحها بس امس ما مداني
