مخطوبة وحبيت اشارككم تجاربي المتواضعة والناجحة قبل الزواج للعروسة 2024.

جبت لكم اليوم خلطة وبجد عن تجربة صحيح مالي كثير من استخدمتها بس الصراحة بينت معاي
مع دعوات قلبية للي أعطتني أياها لما شافت حيرتي كيف اعتني بجسمي
لاني على وشك زواج

بجد يا بنات جربوها بس مدري عن البشرة على حسب تقبلها لاتدعون علي وتقولون كذابة
بس أنا فادت معي الحمد لله لأن الكثير صار يحط خلطات وما فيه نتيجة
على فكرة لازم تستخدمون وراها مرطب مجمع من عدة كريمات
صديقتي قالت لازم ترطيب الجسم بعد الشاور بنفس وصفتها
ومرة سهلة وما تاخذ وقت
وخلوكم من الكريمات ماتدرون اش مكوناتها
ودايم كلو فواكة وسلطات بتشوفوا النتيجة أجمل

ونبدأ بسم الله
أولا شامبو للجسم يفتح البشرة مع الاستمرارمكون من :
– علبه صابون مغربي
– صابون بابايا
– الصابونة السحريه
– صابونة الكركم
– صابونة اغادير
– صابونة المر
– صابون غار
ابشريها وبعد ما تبشرينها صبي عليها علبة او علبتين موية ورد
وخليها 24 ساعه ولاتنسي الصابون المغربي صبيه معاها
وبعدين حطيها بعلبة زجاج أفضل
على فكرة بتكون الكمية كثيرة خذي نصفها وخلي الباقي لحد ما تخلص الأولى
واستخدميها عادي لوحدها زي اي شامبو
وعني أنا افرك بسمن فارم أو زيت زيتون مع ملح المناطق الداكنة
وبتحسي بفرق واضح

وبعد الاستحمام وتنشفي جسمك صلحي هذي المرطب مرة خيالي
ويساعد على تفتيح البشرة وترطيبها بجد روعة :
علبة لوشن فازلين بالكاكاو
-فازلين لوشن بالفيتامينات
-علبة جلسوليد الاحمر
– علبة زيت لوز مر
اخلطيها كلها مع بعض
وهذي حطيها بعد كل استحمام
واذا تبغين تضيفين لها نشا بتكون أفيد

……………………….

وللوجه يفرك بملح وليمون ورطبي بعده مباشرة مرة في الأسبوع جربتها حسبوا صحباتي إني حاطة كريم اساس
ومرة زيت زيتون مع ملح
وهذي بقوة تورد بالشفايف لمدة طويلة وتشيل تقشرها صارت شفايفي حلوة كثير
ولاتنسون الماسكات الطبيعية من مطبخك
…………….
للنحيفات
ولأني نحيفة وقبل الملكة كنت مرتبكة علشان الفستان يركب علي بس الحمد لله كنت كل يوم أشرب عصير زبيب أسود وفي أسبوعين والله الشاهد رويت والكل لاحظ بقوة لانه ميؤوس من جسمي ليرتوى وجا علي الفستان جنااااااااان
طبعا الوصفة هذي للنحاف مثلي
وفوائد أخرى جات مع شرب عصير الزبيب :
– اختفاء الهالات السوداء بشكل كبير جدا
– احمرار الخدود
– تورد الشفايف
– توقف تساقط الشعر بنسبة ممتازة

……………….

إزالة الشعر

بجد الحل الوحيد الليزر
صلحت جلستين والنتيجة رائعة بقوة وما طلع إلا بعد شهرين تقريبا في الجلسة الثانية وجسمي فتح ويارب لك الحمد صحيح غالي مرة بس اش اصلح خصوصا ان الشعر في كل مكان
ومو بس كذا لاني قبل كنت استخدم الحلاوة ومرات الموس حسيت بمقدمات الترهل عليها وتقدمها في السن بشكل محزن بحكم إن الموس ييسمر بالمنطقة
يعني تخيلي حلاوة ترهل وموس يسود = خوف + حزن + عدم ثقة
وأنا لسى بأول شبابي
ومع الليزر راحت كل هالاشياء تقريبا ما شاء الله خمسة وخميسة لاتنسوا تسموا

……………..
تنظيف الأسنان :
الفرشاة والمعجون وحدها ما تكفي
لازم تستخدمي السواك دوم
وأجمل نصيحة أعطيك إياها تزوري طبيب مختص لتنظيف الأسنان علشان يشيل لك الجير وأشياء الفرشاة والمسواك ما تصل لها
كثير بيظنوا هالطريقة خطيرة عالاسنان غلط زي ما كنت فاكرة بس الطبيب فهمني ووضح لي الفرق بين التنظيف والتبييض
التبييض خطير وحذر منه بقوة رغم إنه كان من اختصاصه
وقال التنظيف أهم من التبييض
وهو بسيط جدا تحسي بانتعاش رهيب وراحة في جلستين

وقبلها تعالجي مشاكل أسنانك قبل الزواج هذا ضروري جدا

…………………
للشعر :
تصلحي له مساج يوم بعد يوم بأي زيت وهذا الزيت استمري عليه وخليكي من إعلانات الزيوت لاتها كلها بتعطي نفس النتيجة
ومشطي شعرك قبل النوم بجد ينبت الشعر ويخليه صحي

وبسسسسسسسسسسسسسس