السلام عليكم ورحمة الله وبركاته
اخواتي …
مشكلتي اخواتي من امي وابوي عندي اخت كبيره 29 سنه وانا بعدها 25 سنه واصغر مني23 واصغر وحده 17 سنه
اللي يشوف يقول ما شالله شكلكم خوات متحابين ومتعاونين لانكم اربع واعماركم مو بعيده عن بعض بس ياليت هذا صحيح
انا من عرفت الدنيا وانا اشوف اختي الكبيره 29 سنه زعوله وتزعل وتهاوش لاسباب سخيفه ومالها داعي وكنت اقول الحمد لله والشكر كانت تزعل مني وتبقى زعلانه بالسنه والسنتين واكثر واحنا ببيت واحد المهم كبرنا وهي تزوجت وعمرها 17 سنه وراحت مع زوجها بس هي عندنا والا عند زوجها مشكله كبيره لدرجة انها اذا زعلت على زوجها كل اللي حواليها يدرون من صراخها وعصبيتها بس ماتطول معه ترضى بسرعه بس احنا خواتها وامها اذا زعلت ماتجي بيت اهلي بالشهورتخيلو تزعل حتى على امي ولا تكلمها ولا تحترمها واذا اتصلت امي عليها ماترد واذا عيالها رفعو السماعه وعرفت انها امي او وحده متزاعله معها تسكر التليفون بوجهنا وهذا طبعها من عرفناها والحين عمرها 29 وبعدها نفس الاسلوب ماتغير وانا تزوجت وعمري 19 سنه وقلبي يرق لها نفسي اشوفها واشوف اولادها وهي قلبها ما يحن لا علي ولا على خواتي واتصل عليها واكلمها احيانا بحكم اني ماحب اقاطع خواتي واذا اتصلت هي اعرف انها مومتصله تكلمني متصله عشان مصلحتها تبي فستان تبي اكسسوار تبينا نسوي لها شئ باختصار يعني مصلحشيه درجه اولى وهذا الاسلوب تتبعه مع خواتي كلهم
اختي اللي اصغر مني 23 فيها اسلوب مشابه بس تهون كثير لانها تفكر نوعا ما بتعقل شوي وتوزن الامور وتعرف ان الحق حق بس نفس المشكله مقاطعتني ولا تكلمني ولا تكلم اختي اللي اصغر مني ماادري احنا خوات احزاب الله اعلم
اختي 17 سنه تزوجت وكانت اختي الكبيره واللي اصغر مني مو راضيين على زواجها وقاطعوها من قبل زواجها من اول ما وافقت على خطيبها والى يومنا هذا ما يكلموها وهي الحين تزوجت وحملت وجابت ولد والولد عمره 3 شهور تقريبا وهي تبي تكلمهم بس هم ما يطيقونها خصوصا اختي الكبيره عقلها صغير وحقوووده بشكل فضيع وحسوده لدرجة انها تحسدنا احنا خواتها على بعض الاشياء السخيفه سواء من ناحية ماديات او جمال الشكل او اي شئ ثاني
واختي الصغيره محد بارك لها بزواجها ولا احد شالها وسوى بالعرس الا انا وامي والباقي لا بسين عن عيون الناس وكاشخين لوجه الناس
وولدت ولا احد تحمد لها بالسلامه ولا باركو لها لانهم ما يكلمونها
وانا في دوامه شلون اجمع شمل هالخوات اللي محد يكلم احد شنو هالخوات اللي من ام واب واحداختي الصغيره ولا مره بحياتي قاطعتها احس عقلها اكبر من الثنتين الكبار وتحبهم واشوفها تحاول تكلمهم بس هم ما يطيقونها واختي اللي اصغر مني 23 سنه ماتكلمني الحين صار لها سنتين وكلما بادرت اسولف معها احس كنها مو عارفه تسولف من القطيعه اللي قطعنا عن بعض ولا تعطيني وجه ابي المهم لبعض بس اختي الكبيره مااقدر عليها والحين هي مقاطعتني لاني ما سويت لها المصلحه اللي تبي مني وانا والله العظيم بسوي لها اللي تبي بس صارت ظروف وهي راحت وزعلت مني والحين صار لها شهرين ماترد على اتصالاتي وتسكر بوجهي انا احبها في الله هذي اختي وهي قلبها اسود وحاقده ودايما تتكلم علينا احنا خواتها قدام زوجها يازعم تحبه وتقدسه وكل هالحب على حسابنا وحساب بيت اهلي كل اسرار بيت اهلي زوجها يعرفها منها هي هي اللي خربتنا وفرقتنا بسخافاتها عن بعض
المشكله كل اهلنا ماتزورهم واذا زارتهم من سنه الى سنه وتكلمهم من طرف خشمها ماتطيق احد وكل الناس عندها حسودين وهي اكبر حسوده
صارو كل الاهل يتكلمون عليها واحنا امها وخواتها جالسين نرقع عليها ماودنا احد يتكلم عليهابس هي تصرفاتها خلت العالم يضحك على التفاهات اللي تقول مثل يوم كانت جمعه في العيد وهي تموت من الغيره مني وكانو الاهل كلهم موجودين وهي تتناقش عن حساب تمزح وتقول لامي انتي تحبي اختي <انا تقصدني> اكثر مني حتى خالتي قالت تشيلي ولدها وتخلي ولدي بالارض ولا تفكري تشيليه قالت امي انتو بعيوني كلكم احبكم اذا انا شلت ولدها انتي اشيلك بعيوني تدرون اختي شنو ردت قدام الاهل كلهم وهي تضحك وتتمسخر قالت خلاص يمه لها المكان واحنا بناخذ عيونك خلت الاهل كلهم ينظروها نظرة استهزاء لدرجة ان وحده منهم ماتحب اختي قالت لها هذا بدل ماتقولي تسلم عيونك ياامي و و و و تقولي بناخذ عيونك بس تفكرو انها انحرجت ولا شئ ولا همها بس جلست تسولف مع اختي الثانيه جنبها وتضحك ولا كانها سامعه شئ والكل يطالعها ومتعجب من ردة الفعل السخيفه اللي صدرت منها وهذا موقف من لاشئ غير الاشياء الثانيهاللي لواقولها كان بدل ما تشوفوها مشكله تشوفها مضحكه ومسخره
لا تقولو كلميها وفهميها لانها ماتتقبل من اي انسان اي كلمه واللي بيكلمها معناها انه خلاص بتحطعليه اكس ولا بتكلمه وبتحقد عليه مدى الحياه وانا مو قاهرني الا هالحقد اللي تشيله على الناس والحسد اللي مالي قلبها
وامي المسكينه بس تبيهم يجتمعون ويكلمون بعض منى عينها بس للاسف ماباليد حيله حتى اذا طلعنا مكان نتمشى بالبحر نجتمع كلنا مع العلم كلنا متزوجات الا اللي اصغر من 23 سنه نجتمع ونسولف ونفرح بالجمعه حتى لو متزاعلين اختي الكبيره ماترضى تجي معنا تقول انا عندي زوجي يوديني اي مكان مدري شنو قصدها يعني ماتبينا والا يعني قصدها يحبني واحبه والا شلون مدري عنها واللي يقهر اذا قالت امي ياليت بنتي < اختي الكبيره تقصد> معانا
والبنت مو عاطتنها اي اهميه مااقول لكم احيانا تجي هي لامي وتعطيها هدايا احيانا بس من سنه الى سنه ومايسوى عليها اذا زعلت وبقت زعلانه على امها اسابيع ولما امي تحاول تتصل وتكلمها والا كان تبقى عادي ماتكلم امي شهور
انا الحين احاول اعدل وضعي مع اختي 23 سنه وابي اكلمها ونصير خوات حالنا حال الناس ممكن احنا نتعدل وكلنا نخاف الله ولا احد يهجر الثاني بس اختي الكبيره صعب جدا انها تتعدل وخصوصا انها تعرفنا لمصلحتها وتقدس زوجها
ااسفه اذا تعبتكم مع مشكلتي وارشدوني عسى الله انه يصلح حالنا
ده وصلت اختي في الجبروت انها مرة قالت لماما اسكتي بدل ما اشتمك و ماما قفشت عليها و فضلت كام يوم مابتكلمش اختي و بعدها ب 5 ايام مامتي كلمتها علي التليفون لانها كانت في الشغل فقالتلها انتي عجبك كده اننا مش بنتكلم, عارفة كان ردها ايه؟؟ ما انتي اللي اخترتي!!!
ربنا يهديهالي و يهدي مامتي.
لا أدري بماذا أنصحك أختي
لأني نفسي ماني عارفة شو أعمل بمن حولي
لكن أنا متأكدة ان السبب الوحيد هو البعد عن الله و عن الدين
لو كل واحد يفكر بآخرتو ما كان أخوات تزاعلو من أجل دنيا زائلة
لو يعرفون عقوبة قاطع الرحم ما كان قاطعو خواتهم و تسلطو
حاولي بيلي تقدري عليه و الله يهدي الجميع
والله يوفقك ويسعدك ياااااااااااااااااااااارب
وين ابوك ليه مايادبها وين امك علموها هي جابتها وانجبتها علي وجه الارض بعد الله سبحانه كيف تجازيها كذا ليه ماتبر فيها عيب عليها
وغير كذا منتو اول ناس فيه كثير زيكم
وفيه اخوان يقتلون بعض علي فكره
واولهم هابيل وقابيل
وغير كذا حاولي تقربي بين خواتك
كثيري الجمعات
اربطي بين الازواج
وغير كذا يمكن اختك هي نفسها حاقده ويمكن زوجها يحضرها عليكم ووش هالزواج الي زيك كذا مايهتم ماجيكم مايسال وين امه واخواته وين ابوه مايسالون فيكم واخباركم
وغير كذا اختك هذي يبيلها تاديب مو كلام لازم تعلمونها ان الله حق من جد مغروره علي ايش وشايفه نفسها ليه كلنا بشر وكلنا عباد الله ولله عاد لو انها وشو تواضعي ان الله يحب المتواضعون علي الاقل تتواضع لله
وغير كذا
سوال كبيررررررررر ابووووك وينه
زوجها وش مسوي
وحاجه كبيره ليه مسويه زعل انتوا اهلها كيف ترضي بالشي هذا مافيها احساس ولا دم وتقول انها تكن احساس الحب لزوجها اي حب حبها خرابيط وكلام فاضي وغير كذا كيف راح تربي عيالها كيف راح تنشائهم تربيهم تربيه زي كذا
والله انا واختي لما نزعل وين ويييييييييين لما نزعل نادر واذا زعلنا نقوم متصالحين ومن النوم وننسي كل شي ولا كنه صار شي والحمدلله
وغير كذا تزوجت الان وراحت الرياض وانا بالشرقيه ووفاقدتها وساعات اجلس قدام بابا غرفتها ابكي فقدتها وهي نفس الشي بس كمان الي مصبرها حبها لزوجها
وبعدين اختك هذي وش مسويها بحياتها ماتدري انها محاسبه كويس انها تعبد ربها وتصوم وتعمل فروض الاسلام والله العالم وشو حالها مع زوجها
وغير كذا والله وثم والله وثم والله وثم والله والي خلقنا كلنا ان اعمال ماترفع لسما بعد ثالث يوم
الي يبقي بخاصم وزعل مع احد لازم يصالحه ولا ماراح ترفع اعماله حتي تتم المصالحه ومدتها ثلاث ايام هذا بالدين وعي اختك وفهميها ام عقل صغير والله لو هي اختي كاان اعرف اادبها كيف وكثير مروا علي بنات مثلها وادبتهم وعلمتهم ان الله حق وش هالكلا م مايصي ركيف ترضون انتوا بالشي هذا الكل ساكت
وزين منك انتي انك تحاولين فيها اربطي بين خواتك وحاولوا فيها
