السلام عليكم
عندي مشاكل مع خطيبي وابغا استشيركم فيها
اولا الخطيب من النوع القلق و يشيل هم و دايما مضايق و زعول و اذا قلت رأي في شىء يزعل يبغا امشي ع رأيه بس حنون و طيب و يحبني جدا ماشاء الله ،،،
ولكنه مليان شبه تخين و مو على الموضة يعني مااحس لبسه زي الشباب
على حسب كلام امي و الناس انه وسيم ،، في كمان شىء مزعلني انه مو مره مثقف و في انقلش مو مره دي الاشياء خلتني افكر فيها كثير ،،،
قولولي ايش رأيكم به كرجال ؟ هل انا مكبره ولا ؟ 
الشىء الثاني انه يريدني ان اعيش في بيت من دون ما اشوفه و بعيد جدا تقريبا ساعتين عن اهلي قلت له طيب استخير و اردلك ، فجاه اتصلت علي والدته هزأتني و رفعت صوتها عليا و مره كلمتها بهدوء عشان لا يكبر الموضوع اكثر ، المهم سكرت السماعة قلت والله مااكمل معاه لاني انا كنت متقبلته شوية بسبب اهله انهم ناس مافي زيهم بعد ماسوت امه كده كرهتهم و اتصلت على ماما و قالت انها ندمت لان ماما ماتعرف ايش الي صار يعني ماحكيتها ،، المهم دحين اني بفكر كيف حكمل معاه و هيا كده كلمتني كيف اكمل و الي صار حسيته اهانه ،، لانها من طريقة كلامها انا السبب في كل شىء و ولدها ملاك
فرحي في شهر 12 هل اكمل ام انسحب قبل فوات الاوان ،، ابغا منكم مساعدة ارجوكم ماابغا كلام قوي انتقدوا و لكن بأسلوب ،، الله يحقق امنيات الي تنزل الموضوع و الي تساعدني ،، حطو نفسكم مكاني
سلام 
اتخذي القرار بسرعه دام لسه عندك وقت للفرح
شنو راي خطيبج بالي صار
ماتكلم ماقال شي
مادافع عنج عندها
مومعقول تتصل وتهزي كده من الباب للطاقة
طب ايش قالت بالظبط
صراحه احسك تدوري اعذار عشان تتركيه وتبغينا نقنعك بكده!
قرارك اهم شي حاولي تتخذيه بسرعه
طيب استخيري
ثانيا ولي مستغرابه جدا جدا اللحين الزواج هل ينقاس باللغة الانجليزيه
عجيييييييييييب وش دخل اللغه فالزواج اللهم لاشماته مشكله غريبه ومضحكه 