اهلين خواتي
تكفون مالي غيركم بقولكم سالفتي واحكمو ان اللي بسويه صح او ﻻ ويحق لي اتطلق عشانه او ﻻ
انا ملكتي كانت من شهر ونص تقريبا تزوجت شخص يكبرني ب 13 سنة وماكنت ادري كنت احسب انو بيني وبينه فقط 8 سنوات قالت لنا اخته 28 وطلع 32
ﻻتسألون كيف وليه ماتأكدتو وربي ملكتي صار كل شيء بسرعه بسرعه حتى السوأل بسرعه بسرعه وكل الامور كانت طيبه بالبدايه
بعد الملكه ماعرفت العمر اﻻ منه وانصدمت وتضايقتتتت فارق كبير كنت متردده على عمر 28 والحين 32 !!!!!!!
عموما عديت هالموضوع وقلت يله خيرة طبعا هو حيل متفاهم معي واحس عمره قريب من عمري واللي يشوفه يعطيه 26 سنة جد حتى اسلوبه حلو وعاجبني
عموما مع الايام اكتشفت اشياء ثانيه انه كان يكلم بنات !! انقهرت تضايقت كلمته وصارحني وقالي انا تركت كل هذا طبعا عرفت من نفسي ﻻن بعدها بكم يوم من الملكه جت حرمة وتكلمت لامي بهالكلام ورحت له وقال ايه بس تركت كل شيء و و و ،،، عديتها وتعوذت من ابليس وقلت ان الله غفور رحيم
بعدها جا صديق اخوي وقال ترا اللي مناسبينه اعرفه هو راعي بنات وكان ياخذ حبوب ممنوعات ؟؟؟؟!!!!!!..
اوكي لهنا وخلاص ليه يصير معي كذا انا وش سويت بعمري انا طيبه وما انذكر اﻻ بالخير مو الله سبحانه يقول الطيبون للطيبات
ببككككككيت تضايقت تأزمت وصارحته وكذبني بسالفة الحبوب وقال مو صحيحه قلت لاخوي تاكد وتاأكد اخوي من دوامه القديم و و وطلع الكلام صح
وهو مصر ان هالشيء ماسواه طبعا هو مايدري انو حنا جالسين نسأل من وراه ….. وهو برضو من النوع اللي مايهتم بكلام الناس والدليل انه كان يجاهر بالمعصيه ويكلم قدامهم عادي يعني زي ماشافوه وهو يكلم ف حتى الحبوب امرها صحيح ، !
…..
سكرت ع الموضوع وعديتها ..
لكن صارت تدور براسي وساوس ابليس ….
الممنوعات اذا كان ياخذها قبل ممكن يرجع لها باي وقت مايصبر عنها مو معناته انه ماطلع بالتحليل يعني ماياخذ ﻻ يقدر ياخذها مع العلم يابنات انو مقومات الشخص اللي يتعاطى ممنوعات تقريبا فيه ….. الشفايف الغامقة وهو بشرته فاتحححه عيونه والهالات شوي السههههههرررررر الاكل الكثثثثثثير وﻻيسمممن ابد
نحيف صرت اتبحث صرت زي المجنونه تعبت
هذي فترة خطوبتي اللي المفروض اكون فيها مبسوطة وين السعاده والراحه والامان اللي كنت ادور عليه كذا فجاءة ينقلب خوف من المستقبل
بكرا يجوني عيال يعايرونهم الناس ان ابوهم كان كذا
ليه ياربي وربي ان طول عمري ادعي بالزوج الطيب الصالح
جاني طيب وانا اشهد بهالشيء بس مافيه صلاح سيرته سيئة
من عرفته ماحبيته ابببببببببد
تعلقت باسلوبه طبعه طييته ايههههه بس
ماشتهي اشوفه اخاف اتضايق تصكني الضيقة
وش اسوي هو بعد يكسر خاطري احيان عشان كذا اعدي له بس
جبت له سيرة اني ماعاد ابيه وابي انفصل وانا برجع المهر
وقالي لا هالشيء موب سهل ﻻتتهاونين فيه وانا تعلقت فيك وحبيتك و و و و ….. بكى تضايق صار ﻻياكل وﻻيشرب
طيب والحل ابني سعادته على حساب تعاستي
* هو بالعشرينات تلعب وكلم بنات واخذ ممنوعات ووسع صدرهه وجرب كل شيء بعدين وقف كل شيء وقال خلاص !!!!!؟؟ خن اتزوج وش هالانانيه
انا وش ذنبي ياللي صاينه نفسي بعمري ماتمنيت شيء قد ماتمنيت اكون مع شخص احس معه ببالراحه والامان وتكون سيرته طيبه على كل لسان ….
وش اسوي اصر على طلاقي وانا توني صغيره 20 ويطلق علي ‘مطلقه ‘
واللا استمر وارضى باللي كاتبه ربي واعيش طول عمري بخوف وحيرة .
أنصحك بالإستخارة والدعاء لله بأن يكتب لك مافيه خير الدنيا
و الآخرة وما ندم من إستخار
و أعلمي بأنه بعد الإستخارة ما يأتيك من شيء فهو خير
لك بإذن الله
رب ييسر أمرك ويهديك لما فيه الخير
اللي ابتدوا بالكذب في عمره بتتلاحقك باقي الكذوب
بعدين كل شويه كاشفه فيه عيب
الناس لما يسمعون عن خاطب سمعه سيئه ما يزوجونه
وانتي جاتك علومه وتاكدتي و متردده
بعدين ماعاد انتي واثقه فيه كيف بتعيش معاه بشك ؟
و اربع سنين مخبيه من عمره ليييش الغش تراها تفرق كثييير
عاد بكيفك هذي حياتك وانتي حره
بس حنا ما نرضاها لبناتنا
ثانيا يا اختي فكري بعقلك لا تفكري بقلبك
فارق السن لا يعد مشكله عند الاغلبيه لوكان بينهم توافق
لكن المشكله والغلط يأتي منك ليه استعجلتي وليه سويتو كل شي بسرعه وبعد ماتم كل شيء بديتو تسألو وتبحثو عنه الغلط منكم بعد الله يهديكم
والاخ كل يوم والثاني يطلع بكذبه يحبك لا ياكل ولا يشرب هالكلام بتسمعينه كثير حتى من صديقاتك المقربات
من رأي لو هو مو تايب توبه نصوحه ونسى ماضيه اتركيه
لان اذا الى الان يكلم بنات و شاكه انه ياخذ ممنوعات ابدا لا توافقي عليه لان ممكن الممنوعات بكرا تخليه يجبرك على اشياء ماتتوقعيها
وعمرك عشرين سنه ومطلقه ولا تتزوجين واحد وتتحسرين وتقولين ياليت تطلقت ومااخذته
مو اول بنت تتطلق وياكثرهم واصغر منك ولو سألوكم الناس قولو الله يستر عليه اختلفنا على امور وبس باختصار والله بعوضك خير
