اخواتي المشكله هي مشكلة صديقتي بعد الشوفه (النظره الشرعيه)
الي صار ان الرجال كان كلامه جاد ومحترم مع اخو صديقتي واتفقو ع كل
الامور من مهر وزواج وكل شي
والي جاب هذا العريس هو كان صديق اخو صديقتي
بعد النظره العريس قال لاخواها ان شا الله نرد عليك واخذ رقمه
وخلاص في نفس يوم النظره
اتصل زوجي (زوجي يصير يقرب لصديق اخوها الي جاب المعرس)
قال ها بشر وش صار مع خويك (العريس)
قال انا قلت له لاتستعجل واستخير لسه عندك وقت واذا صار نصيب بنظل اصحاب
(يقصد اخو صاحبتي) واذا ماصار كمان بنظل اصحاب
رد عليه زوجي قال له اكيد هذا زواج وارتباط لازم الواحد يستخير؟؟!!
انا يوم حكالي زوجي عن هالرد من قريبه صراحه صعقت 
قلت اكيد ماعجبته صديقتي وشكله مايبي الزواج
فقالي زوجي كلامه يتفسر بطريقه ايجابيه وكمان بطريقه سلبيه
والله حيره
بنات وش تتوقعون صار ؟؟ هل الرد هذا معناته ان العريس رفض
وقريب زوجي يقول له لاتستعجل بالرفض
او لاتستعجل بالقبول عشان يمكن وافق؟؟؟؟
وربي قلبي واجعني عليها لانها حلوه مو قاصرها شي
بس الرجال يبون الكمال المطلق واخوها بعد من عايله محترمه
ناس طيبيين جدا وكل من عاشرهم يشهدو بها الشي
طبعا انا ماحكيت لها عن شي وهي منتظره الاجابه لانه الموضوع صار له يومين فقط
وش تتوقعون؟؟
والله من يومها وانا ضايق خلقي عليها دعواتكم لها يالغوالي
ان كان خير ربي ييسر امرها وان شر ربي يصرفه عنها
ويستر عليها وع جميع بنات المسلمين
انتظر تعليقاتكم
؟؟
ليش العجله ؟؟؟؟؟؟؟؟؟؟؟؟؟؟؟؟؟؟
الله يكتب اللي فيه الخير للجميع
ويجمع بينهم بالحلال عاجل وليس أجل
