السلام عليكم ورحمة الله وبركاته
اخواتي فالله انا صايره لي مشكله كبيره وخايفه اني اعد من الكفار مشكلتي يمكن تكون غريبه شوي بس ان شاء الله تقدرون تساعدوني يااااااااارب
مشكلتي هي ..
اني مااصلي ابد اي ياسيداتي مااصلي احب الصلاة واحب العباده بس مااصلي
اعجز عن الصلاة نومي كله ملخبط حياتي كلها مشاكل وهموم بيتنا كلـــــــه مشاكل وعندنا ضائقه ماديه فضيعه يعني كيف كنا ووين صرنا المهم ارجع لموضوعي ..
انا كثير افرط بالصلاة لدرجه اني اكذب واحلف اني صليت وانصح غير عن الصلاة واتلكم عن العذاب واقرا بعد عقاب اللي مايصلي
بس المشكله ولا اتعضت وانا ابي ارجع اتوب لربي استغفر ماادري متكاسله ماادري شفيني =(
وغير كذا اوقات حتى صيامي مو قد يعني ماانال من صيامي غير الجوع والعطش ..
اسب واشتم وادعي واحقد في قلبي اوقات ..
اااهـ مدري شقول ودي افضفض ودي انفس عن اللي في قلبي كله
متضايقه حتى ادعيه والاستغفار يومين وابطل
وكم مره اتوب لربي وارجع بوقت التوبه عارفه انها توبه مو صادقه
بنات والله اعرف كل شي عن اضرار ترك الصلاة واللي يفرط بدينه
بس والله مو بيدي ..
المشكله لو ماتضاقيني كثير ماكان فتحت لكم قلبي المشكله حاولت وعجزت ولا في فايده 
احس ان مافيني خشوع مقفل على قلبي البيت كله ربى على كذا
رغم ان الوالد يحاول جاهد انه يعدلنــــــا بس مافي فايده كلنا متدمرين والسبب الكبير هو امـــــــــــــــي..
هي بروحها ماتصلي ولا تعودنا بالبيت على الصلاة غير يوم يجي ابوي نصلي خوف منه بس ..
والله يوم اروح بيت ابوي الثاني ارتاح نفسيا كلهم هناك يصلون ويقرون قران والبيت يشرح الصدر والنفوس حلوه صااااااافيه
الا بيتنا المغث لاتقولون لي اسكني عند ابوك صعبه مره
يعني انا تعودت على غرفتي خصوصيتي بس احب اجلس كثير عند خالتي واحب العب مع اخواني الصغار وايد بس المشكله مااقدر اجلس
بنات ارجوكم ساعدوني والله تعبت نفسيا ابي اعدل نفسي والله صرت استحي من نفسي واستحي من خالقي هو خلقنا لعبادته وانا اعصيه ابي شي يحرك ضميري الخامد شوي ..
ابي شي يحييني يصحي نشوة الايمان فيني ..
انتظر حلولكم بفارغ الصبر 
( قل يا عبادي الذين أسرفوا علي انفسهم لاتقنطوا من رحمه الله ان الله يغفر الذنوب جميعا انه هو الغفور الرحيم)
صدق الله العظيم
اعقدي النيه اختي وتوكلي علي الله وتوبي اليه ومن اليوم احلفي انكي ما تضيعين ولا فرض وحاولي ان تجدي اخت او اخ لكي يصلي وصلي معاه كل يوم جماعه
اعملي هيك لمده اسبوع وان شاء الله سوف تعتادين علي الصلاه
اسأل الله الهدايه لي ولكي
اللهم اميييييييييييييين
وستجدين بإذن الرحمن كل الإجابات عن تساؤلاتك ..
وتعمدت ذلك ؛ دون أن أذكر حديثي الشخصي ؛ حتي تقتنعي بأن النصيحة موجهة من أهل الدين المختصين ..
وعنوان الرابط ..
إسلام ويب – مركز الفتوى – علاج من لا يصلي أبداً
والسلام علي الجميع ورحمة وبركاته…
وعليكي بالدعاء ومجاهده النفس والاستغفار
كيف تجعل أبنائك يصلون من أنفسهم بدون خصام أو تذكير
أولادك لا يصلون أو أتعبوك من أجل أن يصلوا ؟
تعالوا لتروا كيف تغيرونهم بإذن الله تعالى
عن إحدى الأخوات:
تقول .. اقول لكم قصة وقعت معي انا
كانت بنتي بالخامس ابتدائي
..
و الصلاة ثقيلة عليها.. لدرجة اني قلت لها يوما قومي صلي وراقبتها
فوجدتها أخذت السجادة ورمتها على الأرض وجاءتني
سألتها هل صليت قالت نعم.. صدقوني بدون شعور صفعت وجهها
أعرف أني أخطأت.. ولكن الموقف ضايقني وبكيت وخاصمتها ولمتها وخوفتها من الله
ولم بنفع معها كل هذا الكلام ..
لكن في يوم من ا لأيام … قالت لي إحدى الصديقات قصة.. منقولة .وهي:
انها زارت قريبة لها عادية (ليست كثيرة التدين)، لكن عندما حضرت الصلاة
قام أولادها يصلون بدون أن تناديهم
تقول .. قلت لها : كيف يصلي أولادك من أنفسهم بدون خصام وتذكير ؟!!!
قالت والله ليس عندي شي اقوله لك الا اني قبل أن أتزوج ادعو الله بهذا الدعاء
انا بعد نصيحتها لزمت هذا الدعاء .. في سجودي وقبل التسليم وفي الوتر .. وفي
كل اوقات الاجابه
والله يا اخواتي.. ان بنتي هذه الآن بالثانوي.. من اول مابدأت الدعاء وهي
التي توقظنا للصلاة وتذكرنا بها
واخوانها كلهم ولله الحمد حريصون على الصلاة!!
حتى امي زارتني ونامت عندي ولفت انتباهها ان بنتي تستيقظ وتدور علينا توقظنا
للصلاة!!
أعرف .. أنكم الآن متشوقون لتعرفوا هذا الدعاء..
الدعاء موجود في سورة إبراهيم
والدعاء هو…
“رب اجعلني مقيم الصلاة ومن ذريتي ربنا وتقبل دعا ء”
اطلبي من الله العن ولن تندمي
الله يعينك
اظنه حديث كاف لتعرفي نفسك اذا كافرة ولا لأ
اختي الفاضله انتي تقولي امي ماتصلي انكان امك طاحت في النار تطيحي معها اختي انتي عودي نفسك على ان تقومي الي الصلاه اذا قمتي المره الاولى والثانيه راح تتكاسلي شوي بس والله اخذي نصيحتي انك راح تتعودي في النهايه راح اذا سمعتي الاذان وانتي نايمه والله راح تصحي اذا عوتي نفسك على كذا وانتي جربي
