مرحبا صبايا
انا بنت عمري 21 سنة المشكلة مو فيني المشكلة هي امي تخيلوا هي اكبر اخوانها وخواتها
وجدتي الله يرحمها كانت كاتبة بيتها الخاص باسم امي لمشاكل بينها وبين جدي
مع ان امي وقتها كانت متزوجة لكن جدتي مااختارت الا امي عشان تكتب البيت باسمها
اغلب خيلاني كبار ومتزوجين ماعدا اصغر واحد اما خالاتي في منهم بنات مابعد تزوجوا
فجدتي وصت ان اجار بيتها يشترون فيه سيارة لخالي الصغير وينزل منه مصروف للبنات
الي ماتزوجوا لان جدي مايسأل عنهم ولايعطيهم مصروف خصوصا انه عايش مع زوجته
الثانية ببيت ثاني وخيلاني مع زوجاتهم برضو ولايعطون خواتهم شئ
هالمهم توفت جدتي واتفقوا ان بيتها ماينباع ماعدا واحد من خيلاني قالوا امي صارت تعطيه
نصيبه كل شهر من الاجار لان ظروفه صعبة اما الباقين تنازلوا لخواتهم
البيت نسيت مااقولكم انه بجدة بالسعودية وحنا وكل خيلاني هنا بالرياض
جت سيول جدة الي الكل يعرفها وتضرر البيت وصار فيه مشاكل فالحكومة وقتها صرفت
تعويضات للي بيوتهم تضررت ومنها بيت جدتي تخيلوا امي سافرت جدة مع اخوي
وقدمت الاوراق للمحكمة مدري اش المهم راجعت الدوائر هناك لين ماخذت التعويض
40 الف ريال ولما رجعت كل خالاتي شكوا انها راحت تاخذ تعويض
لدرجة واجهوها وانكرت وحلفتنا بالله اننا مانجيب طاري ابد ولان هي عندها ظروف
والتزامات سرقت الفلوس ولاجابت طاري لاحد من اخوانها او خواتها
صراحة انا الموضوع قاهرني احسه سرقة مال يتيم عيني عينك وهي تقول لا
هذا حقي انا الي سافرت على حسابي وخسرت وهذه الفلوس كلها من حقي
قلت لها مايجوز اتقي الله هذه اموال يتامى بس هي متحسفة خصوصا ان عدد اخونها وخواتها
كبير 12 وتقول انا اولى منهم فانتوا بالله وش رايكم بحركتها ؟؟
الموضوع له اكثر من سنة بس انا حاسة بالذنب لانها دخلت بيتنا فلوس حرام
وصرفت عليه منها وهي مو من حقها هل ابلغ خالاتي بالموضوع او اسكت مع العلم ان هي
ماعندها حاليا هالمبلغ ولاتقدر تدبره لان عليها التزامات وقروض وغير كذا
خالاتي ممكن يقاطعونها بسبة هالموضوع لانهم حلفوها وسألوها وقالت لهم لا ماطلع لنا شئ
وهم كانوا محتاجين
قووليلها اللي ذا الشي ماينسكت عليه انه تأكل ترى انتو مشاركينها الثم لانكم سكتو على الموضوع
اللي مال اليتيم الرسول وصى فيه
وقال تعالى (واما اليتيم فلا تقهر)
وبعدين تعترف لهم وتعطي كل ذي حق حقه وخليه تشوف برامج دينيه على الا يا خذ مال اليتيم وايش يصير فيه وكلميه ان الدنيا هذا ماتستاهل انو الواحد يغضب ربه المهم حاولي تبرا ذمتك امام الله
والله يهديها
يعني البيت لها
صحيح جدتك غلطت وكتبت البيت با اسمها وتركت الباقي ماعطتهم شي وهذا حرام وتفرقه بين الاخوان والخوات
اللي يتحمل الذنب والاثم هي جدتك مو امك
امك تتعامل انه البيت ملك لها
وهذا هو الواقع
من رائي تتصلي على شيخ وتحكي له السالفه كلها واسمعي وش يقول لك
والله اعلم
2.روحي لامك وكلميها بهدوء وقولي يمه تتوقعين الفلوس حرام والا حلال اذا قالت لا حلال قولي طيب بنتصل في اكثر من شيخ اذا قالت ليه قولي نشوف اخاف هذي الفلوس تطلع حرام وبعدين بسببها تجينا مصايب يموت واحد من اخوني والا بسببها تجينا امراض او يبتلينا ربي
يعني خوفيها بالامراض والمصايب وحسسيها ان هالفلوس تأثر على عيالها ومثلا اذكريلها قصة واحد اخذ فلوس عيال اخوه ايتام وماتو عياله بحادث وبنته جاها سرطان .. بس كل هالكلام وانتم جالسين تسولفون وبهدوء بدون وانتم جالسين تتقهوون ..
وكثري هالكلام كل مره الين ربي يهديها وتقتنع
احب اوضح ان فلوس الاجار حق البيت تجي شهريا بس امي ماتاخذها وتدفع فيها اقساط
سيارة خالي الصغير مثل ماوصت جدتي
لكن الهدية الي جت من الملك تقول هذه حقي المشكلة انها مو مقتنعة انها غلطانة او انها سرقت وتعتبرها
حقها الشخصي والي يقهر اكثر انها انسانة متعلمة ودارسة جامعة وتخصصها دراسات اسلامية
والله اني قلت لها حرام مايجوز اتقي الله تقول اقول روحي بس يالارهابية
فيها هذا الطبع الله يهديها تاخذ فلوس الناس وماتبي ترجعها حتى لو خذتها سلف تطلع عيونهم لين ماترجعها
هي تقول من وجهة نظرها مااحد سعى في الموضوع وانا الي راجعت الدوائر الحكومية فالفلوس من حقي
وعشان التوضيح هي صراحة خسرت فلوس للتذاكر والسكن يوم راحت تراجع بس برضو تخصم الي خسرته
وتقسم الباقي لكن الله يهديها مو راضية تشوف نفسها صح
على فكرة احس مشكلتها نفسية لانها في كل شئ في الحياة تشوف نفسها صح مع انها غلطانة وبشهادة
الكل تجي تغلط عليك وتسوي لك شئ منرفز ومستفز وبعدين تدعي البراءة وماكانها سوت شئ
