يابوي وانت الله عطاك مـن المهابـه والقبـول حتى القصيد ان قيل في حضرة جنابك.. ترفعـه
لا لا تحاتي.. يابعد راسي عسى عمـرك يطـول وانت اللي من خوفك علينا / زود حرصك تتبعـه
من رحمتك فينا تَعَلَّمنـا عـن الرحمـه فصـول من قلبـك الوافـي عرفنـا كـل خيـر ٍ ندفعـه
ياما على الدم والقرابه تصبر وشلـت الحمـول ياما عملـت ومـادروا لجـل القرايـب تجمعـه
من كثر ماوصيتنا بوصل الرحم ظنـت عقـول :إن الرَحَم أولى مـن الوالـد بطيـب ومنفعـه!!
يابو الفقير اللي تضايق مالقـى بعمـره حلـول يابو اليتيم اللي انمسح بأطـراف كمـك مدمعـه
من يجهلك يا اللي جرى طيبك كما مجرى السيول ما يجهلك غير الجحود اللـي ظنونـه تخدعـه
يا الحاسم اللي نعرفك ماتقبل أنصـاف الحلـول كل ما ذكرناْ إنك ورانـا.. ناخـذ الدنيـا سعـه
يامروّض صعاب الزمن مهما الصعايب بك تحول ماهو مثل من قال: إن طاع الزمـن.. وإلا طعـه
إنت المواقف في حضورك ماهي أقـوال وفعـول انت الفعل يسبق كلامـك ليـن غيـرك يسمعـه
يابوي لو ماعادتك بالطيـب والفزعـه عجـول؟ ماضـاق ديوانـك وبيبـان البيـوت مشرّعـه
ماقد خذلت انسان جاك ولا رجـع منّـك جفـول يوم إن أغلب هالبشـر حتـى الأخـو ماينفعـه
نلت المهابه من شيوخ ٍ يـوم غيـرك ماينـول الا انهم..؟؟ وإلا بلاش.. أسكت وغيري يطلّعـه
أدري القصايد في رجا شرواك مـا والله تطـول مـن رُبْـع ماتفعـل يمينـك يافخرنـا ومنبعـه
كم شاعر ٍ قبلي تغنى وجـاك فأبياتـه خجـول با الله قلي: كـم قصيـده فالـدروج موزعـه؟؟
وأدري الشهاده فيـك مجروحـه ولكنـي بقـول ان الشواهـد فـي كلامـي ياعـرب تستشفعـه
لكن وانا بنتك مانويت أكتب وأنا شاعـر ملـول بس الشعر لا لاح لي.. مافيه شـي ٍ يردعـه!!
منقوووووووووووووووووووووووووووووول ..
وبستحق هذا الاب . اجمل وعذب الكلام .
لاتحرمينا جديدك .
فألف شكر ..
حلاتي ..
