مرحبا بنات
كيفكم؟؟
جايبه لكم شعر من كتابة الشاعر
عبدالله بن فيحان السميري العتيبي
يامناي وغايتي من كل سكان الجزيره
—————— ريحيني يابعد من حطة الخاتم بيدها
لاتخليني كذا والروح من حبك خطيره
—————— الخطايا منك في حقي عجزت أحصي عددها
عن طويل السالفه ياصاحبي تكف القصيره
——————لاتزيد السالفه، محدٍ ضربك وقال زدها
وإعرف إن الأوله تكفي بلاش من الأخيره
——————لاتجيب الأوله والثانيه واللي بعدها
الخطاء والصد والهجران في حقي كبيره
——————والإهانه للعزيز جروح ، عد نظرتك عدها
راجع حسابك وقل يالله عسى فالأمر خيره
——————وإرف أن ماكل من دور على الحاجه وجدها
إرحم اللي سيرته من حبكم ماهيب سيره
——————كل مايبني صروح الحب تسعى في هددها
ياشبيه الورد مادري ياشذاه وياعبيره
——————ياهنوفٍ كن ريح المسك يؤخذ من جسدها
ياسفيرة زين حواء ، ياملكته ياوزيره
——————ياحلي المزنه اللي برقها يسبق رعدها
صح أنا عيوني بصيره ، لكن يديني قصيره
——————مابقالي صبر والحاله بعدك أمر وأدهى
وش مصير اللي تعذب من سببكم وش مصيره
——————من وفاه ليا جحدت أحلى الليالي ماجحدها
الله إنه منك ينصفني ويفتح لي بصيره
——————وأتقاضى منك في يومٍ يعديها جهدها
كان مأنتي بالثقه واللي وهبكيها جديره
——————ريحيني والعقود يحلها ربٍ عقدها
وإعرف إني باتضايق كل ماوحيت لك سيره
—————— أعتقدها لاتغارب ليه مانت بمعتقدها
إعتقدها وإعتقد موتي على يدينك وغيره
—————— لاتحسب إن القضيه هينه يامعتمدها
ياعساها ياسفير الوجه في وجهك سفيره
—————— ومره أخرى لاوعدت الناس لاتخلف وعدها
وإعرف إني لو فقدتك ، قدم واصلت المسيره
——————ماتراجع لو حياض الموت من سبتك أردها
الفراق أصعب فراق أمٍ مكانتها كبيره
—————— مايحس بلوعة الأم الحنون إلا ولدها
والبنادم مايقدم غير مايملي ضميره
——————(والمطيه ماتقدم رجلها قدام يدها)
والبخيل من البخل يحول شره دون خيره
—————— والكنايس مايقدسها يكود اللي عبدها
ياعشير اللي عشيره ماتجمل في عشيره
——————البيوت أوتادها وأطنابها تسند عمدها
يمكن إنك بالهوى والحب لازلتي صغيره
——————لو تخوضين التجارب بالهوى رحتي بيدها
والختام الحكي يكفينا قليله عن كثيره !
——————والصبا والعافيه يبكي عليها اللي فقدها
كان حبك لي مجرد عاطفه من دون غيره
———————رافضه بالأوله والثانيه واللي بعدها
اتمنى تنال اعجابكم
ولا تحرموني من ردودكم
——————ياهنوفٍ كن ريح المسك يؤخذ من جسدها
ياسفيرة زين حواء ، ياملكته ياوزيره
——————ياحلي المزنه اللي برقها يسبق رعدها
رآآآآآآآآآآآآآآآآآئعه كل كلمه في هذة القصيده رائعه
ماقصرتي عزيزتي
تسلم يديك
وإعرف إني لو فقدتك ، قدم واصلت المسيره
ماتراجع لو حياض الموت من سبتك أردهَاا
الفراق أصعب فراق .. أمٍ مكانتها كِـبيره
مايحس بـِ لوعة الأم الحنون إلااا ولدهـَاا
والبنــــَادم مايقدم غير مايملي ضميره
والمطيـــَّه ماتقدم رجلهَاا قدام يدهَاا)
رائعه/ راااائعَه/ رااااااااااااااااااااااائعَه
من أجزل ماقرأت هنـَاا .. تستحق الخمس نجوُم
سلٍمتِ nam555 ، ولااا هانت يَمينك
:
.
ياشبيه الورد مادري ياشذاه وياعبيره
الله كلمات رائعه احسنتي اختيار
كل عام وانت بخير
وزهور الشام
مشكوووووووورين على مروركم العطر
وتحيه خاصه لــ اختي الحبيبه
(ميــــــــــلاف)
الصراحه ماقصرتي على الرد العسل مثلك
لا تحرمونا من تشجيعكم
على هالنقله الرائعه
وليس بمستغرب على
راعية الذوق كله
كل عام وانتِ بالف خير
nokia
الالماسه
على مروركم
