يابنت يأللي ماستر راسك الشال.. للشاعر عبدالكريم
يابنت ياللي ما سِتر راسك الشال**
وبزعمك أنك من كبــار العـــوايل
أنا بقــول الحق والحــق ينقــال
اللي تســتَّرهي بـنـت الحـمـــايل
ماهو في كشخه وخاتم وسلسال
السترلعـيــال الحمـــايل دلايل
يابنت لوقلتي لي المهـر بريال
والله فـلا أعنز عليـك السـلايل
والله لأخطب اللي على راسها جلال
لوكـان مطلبها ثمــانين حايل
أنا ليـا مني خـطبت أبغى عيال
أبي العيال اللي تشيل الثقايل
وليا خطبت أختـار لعيالي الخال
والدين عندي هو سيد الفضايل
قالت قسم بالله ماشفت رجَّال
مثلك بغى حِجر السنين الأوايل
قلت الصحيح يصح لو مرت أجيال
ركب الكدايش غير ركب الأصايل
ماهوب ذَنْبي ماعرفتي لك رجال
ذنْب الزمن خــلا النشاما قلايل
… ..
للشاعر عبدالكريم الجباري
