بسم الله الرحمن الرحيم
اول شي انا بكتب مشكلتي الله يسعدكم قولولي تفسير اللي قاعد يصير
انا زوجي قبل كم يوم حصلت السجل محذوف المهم سئلته وكان يضحك ويقول سالفه طويله بعدين قال دخلت فيه شريحه المهم حاب يرفع ضغطي وقال بعلمك بكره راح اليوم الثاني العمل وماعلمني سئلته ويضحك قال خليك على اعصابك وهو يضحك يقول مافيني اعلمك المهم بعدين انا سويت نفسي ماهمني وبعدين غيرت السالفه واليوم الثاني سئلته وقال كنت انا وابوي وواحد من اصحابهم كانو واقفين للعلم كلهم يكدون يقول جانا واحد يبيع شرائح جوال موبايلي مجهوله ب15 ريال وفيها رصيد25 ريال يقول اشترينا كلنا ودخلت الشريحه في جهازي ع شان ابغى اشوف الرقم يقول دقيت على صاحبنا وشفت الرقم وماعجبني وخليت الشريحه في السياره ويقول اليوم الثاني صاحبه قاله انو نفسه يجي الرجال اللي عنده شرايح جوال ع شان يبي يشتري منه يقول زوجي انا قلتله خذ الشريحه هذي يقول اخذها واعطاني 15 وبسس ,,,
واليوم اللي بعده كذا قلتله انا حاسه انو الشريحه لسا بالسياره وقام قال كذا ((( اقسم بالله العظيم اني ماعندي ولاشريحه بالسياره وان الشريحه بعتها)) هاه صدقتي قلتله اهاا
الحين كل شي اوكيه
بس امس زوجي كان طفشان وقال بطلع القهوه عند فلان المهم انو في نفس الوقت زوجته تراسلني وتقول زوجي طلع توه زوجي جواله عام فاتوره ومفصول كل اللي ابغى اعرفه كيف قابل فلان وجلس معاه شوي؟؟؟؟
والشي الثاني اليوم دقيت على زوجي الساعه 8 العشاء وقال الحمدلله صار دوامي الساعه 9 يو جاء فتحت السجل ماحصلت مكالمات مستلمه حصلت مكالمتين لم يرد عليها ورساله من خويه اللي بالعمل كول مي؟؟؟؟
يعني وش دراه ان غيرو نظام العملل؟؟؟
ابغى افهم واستوعب لاني اللحين ابغى اصارحه ابغاكم تعطوني كلام احشره في زاويه مايقدر يطلع منها,,,
انا تعبت من كثر التفكير خلاص والله مافيني لكثر من كذا ولا تقولون اسكتي واصبري وراقبي لانومستحيل اسكت ولا اصبر حتى والله ودي اللحين اصحيه من النوم واسئله
مبدئيا انصحك تاخذين الامور بهدوء ورويه حتى مايدخل الشيطان بينكم
او ينحسب عليك شي مو في صالحك بسبب وسوسة شيطان ..
واذا تأكدتي من شي لاسمح الله بهدوووء تناقشين عشان ماتستفزينه
ويصير بدل المشكله مشكلتين ..
وان شاء الله الاخوات اللي عندهم خبره مايقصرون معك في باقي الموضوع
بس حبيت انبهك يالغلا ع هالشغلات عشان تنحل الأمور بطريقه صحيحه في جو هادي غير متوتر ..
الله يوفقك يارب ..
…
يسعد روحك يارمش السهر
زوجي توه قام ورحت اسئله قلت له العمل كلموك واكدولك الوقت قال احنا اتفقنا الاستلام اللي راح وقالو اذا دقينا عليك يعني خلاص غيرنا الوقت هو صح الرئيس حق العمل دق العصر وكان زوجي نايم وواحد مسؤؤل ثاني ارسل كول مي وهو يقول يوم شفت اتصالاتهم عرفت وبعدين الساعه 12 ونص دق عليه رئيسه وكلمه انا سويت نفسي اني خبله ما اقصد شي بالسؤال ,,,
بس الحين الشيطان يوسوس لي واحس انو هو فهمني وقام قال كذا
وزوجة صاحبه سئلتها خليتها تسئل زوجها بس من دون مايحس انو فيه شي وقال صديقي فلان ماكلمني اللي كلمني فلان ولد خالتي للعلم اساميهم زي بعض يقول وجانا فلانه اللي هو زوجي وتكينا شوي
بس ودي تقولولي هل زوجي صادق على سالفة العمل ولا حس من ورى سؤالي
للعلم ان السيارة حقته اهله ياخذونها يعني حتى ابوه عنده مفتاح السياره يعني مرات ينزل زوجي مايحصل سيارته ويدق ويحصل ابوه مداوم فيها استلامات ولا اخوانه
الزبده اني انا كل مابعدت عن الشك ترجع لي مره ثانيه اشك ان عنده جوال في السياره ولو اني الحمدلله وماشاء الله تبارك الله ماقد لاحظت شي وحياتنا الحمدلله حلوووه وزوجي بعد الراتب بعشر ايام تقريبا يطفر ويقعد يكد مع الكداده يعني تتوقعون يخونني او يكلم احد او عند جوال
|
المشاركة الأصلية كتبت بواسطة « حـرgف من الرgحـ »
 حبيبتي اسأليه عادي بس مو بطريقة الشك ،، او الاتهام ،، وحلفيه بالله عشان ترتاحين.. وربي ان اللي تنبش ورى زوجها مايجيها الا الامراض،،هو حلف واقسم ان ماعنده شريحه خلاص صدقيه من حلف بالله فصدقوه وهو وذمته ياغلاهم،، والله ان بغى يكلم ولا يخون ولا عنده فيج بيطحن الحب اللي براسه اقول ريحي ملايكتج ولا تنبشين وراه وهو وربه ياعمري ان غلط في حقج او لعب بذيله الله اللي بيحاسبه ،، انتي حريصه عليه اكيد لكن خفي على عمرج لايصير فيج شي يامعوده ،،..الله يهديه ويسخره لج ويحط في قلبه غلاج وحبج امين.
|
يعطيك العافيه الله يسعدك يارب انتي ورموش ما اقدر اتحمل انا لازم انبش 
اذا سكت وعديت الموضوع ممكن نص يوم بس انا ما اقدر اتحمل اتعب نفسيا بس بحاول المرات الجايه لاني سئلته
للعلم مره قالي تحرمين علي بالثلاث لو اخونك ودي اشيل الشك من راسي
