السلام عليكم ورحمة الله وبركاتة اليوم حبيت اكتب لكم قصت حياتي من اعماق قلبي فيها الحلو وفيها المرر كان ياما كان كنت بنوته عايشه بين ستة اولاد حفظهم الله وانا اكبرهم البنت الوحيده يعني دلوعة العائله درست الى تاني متوسط وبطلت الدراسه مااحب الدراسه ولا المدرسه واهلي ماقدرو يغصبوني عليها احب اقعد فالبيت وانا ولله الحمد ست بيت ممتازه 
اللهم لاحسد المهم تقدم لي خطاب كثير بس كنت ارفض اتزوج بدري ولما وصل عمري 19سنه تقدم لي ابن خالتي وحصل النصيب 
والحمدلله ونعم الزوج بعد زواجي سكنت في منطقه تبعد عن اهلي بجده اربع ساعات وكان الامر صعب علي وعليهم 
بعد شهر حملت وماتصدقو فرحتنا وخصوصا اهل زوجي لان ابو زوجي واخوان زوجي سبحان الله يقعدو 6سنوات بعدها يخلفون شيء من الله ومن الشهر الخامس عرفت ان عندي بنت وقمت اجهز كل شي لاستقبال عروستي الاولى الى ادق التفاصيل الحمدلله تم اشهر حملي التسعه وولدة طبيعي مستشفى خاص بجدة بعدمعاناة يومين لان الرحم عيا يفتح والمويه بتنشف عن الجنين ومع الطلق الصناعي تمت الولاده بابنتي 
الجوريواطمنى عليها وطلعنا من المستشفىلبيت اهلي وكانت طبيعيه بعد اربع ايام تعبت ومرضت واخذ ناها الى المستشفى بعد تحاليل واشعه قال الدكتور احتمال التهاب في الامعاء لازم يكشف عليها جراح واحنا ماعندنا فخذوها على مسؤليتكم وطلعنا بعد الف والدوران بين مستشفيات جده ولا مستشفى رضي يتقبلها لانها مو مولوده عندهم وبالواسطه لقينا مستشفى حكومي وعالطول تنويم ومعها مرافق واحد حاولو فيني اطلع وامي تقعد معها او خالتي يقولو علشان الخياطه وانتي والدة بكريه لازم ماتتحركي وحلفت مااروح عنها نسيت كل التعب والالم من تعبها وبعد انتظار ثلاث ايام نتائج التحاليل تبين عندها التؤاء والتهاب في الامعاء قررو نقلها للعنايه المركزه وطلعوني وكل يوم ازورها مره واحده وحالتي النفسيه مايعلم فيها الا ربي ادعي ان ربي يرحمها ممن تعاني ولا جزء في جسمها الا فيه جهاز اليوم 4عملو لها عمليت تعديل الامعاء قالو استجابت للعمليه بعدها تدهورة حالتها رحت ازورها وحسيت ان اخر مره راح اشوفها لانها على التنفس الصناعي الى ان قبض الله روحها وذهب بها الى عصفورة من عصافير الجنة انشاءلله ما ان وصلت البيت الا خبر وفاتها نزل علي زي الصاعقه بعد مااجتمعو زوجي واهله واهلي وخايفين علي كيف بيقولو الخبر لكن سبحان اللي نزل علي الصبر سبحان الله احتسبتها عند رب الكون شفيعه باذن الله وبعدها بشهرين حملت ماكمل شهر الا نزل الجنين لان الرحم كان لسه تعبان من الولاده وعدم الراحه استخدمت حبوب مانع لمدة 6شهور وبعدها حملت واكملت حملي بخير ولله الحمد وربي رزقني وعوضني ببنوتيغلا تيوالحين عمرها 5اشهر ربي يخليها ويحفظها مالت علينا حياتنا بالسعادة والحب ويخلي لينا ابوها ولي ثلاث سنوات متزوجه والحمدلله وجهها كمان خير علينا تم نقلنا الى جدة ياربي لك الحمد والشكر ماتضيق الا تفرج بالصبر والدعاء 000 واخيرا اتمنى ان تستفيدو من قصتي اخواتي وربي لايحرمكم الذريه الصالحه والزوج الصالح
0 ودمتم سالميييييييييين:g[108]:
الله واسع الرحمه
وربي يحفظ بنتك وتكون قره عين لك ولزوجك
سلامتك الف سلامه
~ قل لن يصيبنا إلا ما كتب الله لنا ~
الله يخليلك بنوتك ويبعد عنها وعنكم كل شر حبيبتي
كل الحب ودعوات الخير لكي غاليتي
.
يارب انها من طيور الجنه وتشفع لك انتي وابوها .
الله يخلي لك امورتك غلا ويصلح ذريتك كلها ويوفقك لكل خيريارب.
