السلام عليكم
هالانسان رافع ضغطي ومنرفزني وودي انه يختفي من العالم كله
صديقتي طول عمرها تتمنى تتزوج انسان جميل جدا يعني اي احد يشوفه ينبهر بجماله
ومجرد ما تقدم لها خطيبها هذا وافقت عليه والله العظيم اني يوم شفت صورته تسالني وش رايك فيه كشيت منه ما ادري ليه كذا ماحبيته قلت لها الراي رايك طبعا هي شايفته ملك جمال وانا اشوفه عايدي صح حلو بس مو ذاك الزود مره دق علي رقم ثلاث مرات بعدين وصلتني رساله انا فلانه ردي وهذا رقم خطيبي ورديت فعلا هي قالت اني رحت معه ومع اخته نشوف الاثاث نسيت جوالي في البيت وابيك بعد نصف ساعه تروحين بيتنا قلت لامي انك بتجين انا بوصل هناك رحت وكانت تبني عشان تورني الصوره ونروح المشغل نشوف فستانها ورحت بعد كم من يوم لقيت اتصال من رقم خطيبها قلت شكلها نست الجوال مره ثانيه لو تبني بشي ضروي بترجع تدق علي اليوم الثاني الصبح جاني على الواتس اب احسبها اهي قلت هالمره بعد ناسيه جوالك وبعدين معك ضحك وقال انا خطيبها قلت نعم صاير فيها شي قالي لا بس بما انك صديقتها المقربه حبيت اعرف منك اشياء عنها لان قلت ليه ما تسالها قال ابي اسوي لها مفاجاه لان هي بعد خمس ايام بكون يوم ميلادها المهم قلت له وش نوع الهدايا الي تحبها والالوان حقتها المفضله قالي شكرا ماقصرتي واسف ازعجتك كان صادق وسوى لها حفله وهي طايره من الفرح وترسلي صور الحفله وجاب لها كل شي سالني عنه رحنا انا وهي المول نشتري باقي جاهزها لان عندها ثلاث خوات كلهم متزوجات مو كل مره يطلعون معها وامها كبيره ما تتحلم لف قالت انا بقعد عشان خطيبي بجي ياخذني هو واخته نكمل باقي الاثاث جى خطيبها ورحت
جاني على الواتس اب عاد والله العظيم كنت ناويه احظره بس راح عن بالي قالي كيفك ويدلعني بعد 
قلت شوف انا بسويلك حظر اذا تبي شي اسال خطيبتك او اسال امها ما احب اتكلم مع واحد غريب اول مره كنت متوقعه انها اهي لان سبق وكلمتني من رقمك مع السلام وحظرته ورحت شغلت خدمة جوال كنترول وحظرت رقمه
بعدها بشوي جاني على الواتس من رقم ثاني وش فيك حبيتي زعلانه انا ماسويت لك شي وانا بقولك شي لازم تعرفينه زين شوفي انا حبيتك واغرمت فيك وانا ماشفتك ومااحتكيت فيك كثير بس كل ما شفت فلانه تدق عليك احس بشعور غريب واتمنى انت الي تكوني جالسه قدامي ترى هالشي مايعتبر خيانه تبني اتركها واجي اتقدم لك عشاني تكوني مرتاحه اتركه ولاتقولين هذا خاين مثل سوى بصديقتي بسوي نفس الحركه والله انا يوم خطبتها خطبتها من كثر ما امي الحت علي بزواج لكن بعد ما ظهرتي انت في حياتي انقلب حالي 180 درجه وماافكر الا فيك ويوم شفتك بالمول معها حسيت بانجذاب فظيع كان ودي احضنك خلاص انت مسيطره على تفكيري ابي منك تكوني لي
تدرون وانا اقرا مسجه هذا حسيت قلبي شوي بوقف من الالم والعصبيه والحسره على صديقتي وعلى هالمريض الي طاحت معه مستحيل هذا مجنون او مضطرب نفسيا وش هالجراه والوقاحه الي فيه اي انجذاب الي شعر فيه المشكله اني طلعت من المكان قبل مايدخل وانا متغطيه يعني ماشاف وجهي عشان يجذب فيني
ونففس الحركه سويت حظرته مارديت عليه
وقمت اتعذر لصديقتي اقولها ما اقدر اطلع معك ما اقدر اشوفك انا فعلا مو قادره اشوفها لانها بتقعد تسولف عنه واذا سولفت عنه يمكن انفجر واقولها كل شي
رجع من رقم ثالث تخيلو الحقير المريض ارسل انا اعرف كل شي عنك وين تشغلين وين تروحين واعرف كل شي بتفصيل انا لين حطيت شي في بالي وابيه اجيبه وش ماتسوين بتلقيني وبغيت اقولك شي صديقتك احتمال كبير اتركها
انا وش سويت رميت الشريحه وجبت شريحه جديده وماعطيتها رقمي وارسلت لها قبل ما ارمي الشريحه انا اخذت اجازه وبسافر عند عمي كم يوم و الارسال هناك ضعيف وبسكر حتى الفيس بوك ارسلت بجيك اشوفك قبل لا تروحين قلت لا لان بعد ساعه بنطلع مافيه وقت
المشكله احبها مره صديقتي وانا اقرب شي لها ودي اقولها ودي اخليها تتركه قبل ماتتزوج هم باقي على زواجهم حوالي ثلاثة اشهر وخايفه يتركها مثل ما قال مو قادره اتحمل مو قادره اسكت واشوف صديقتي تضيع مع واحد مثله تكفوووون
واكبر غلط انك ماتعلمينهآ بسوآت خطيبهآ
بـ العكس لو سكتي عن هالشي ممكن تظلمين آعز صديقه لك
أنتي انسآنه جوهره والله يشهد علي آعجبت بكل تصرفآتك
تصرف بنت عآقله ورزينه , آعزميهآ بيوم وكلميهآ وقولي لهآ
انتي اقرب صديقه لي , وحبيت اعلمك بأن هذا الزوج اللي انتي طآيره فيه
طلع مو مآلي عينه الا التراب , وش فآيده الجمآل والحلآ والاخلاق صفر ع الشمآل
لآتسكتي دآم انه كلمك من كم رقم , بيجيب رقمك لو بعد حين !
الله يعوض على المسكينه صديقتك
الساكت عن الحق شيطان اخرس
بعدين الرجاال يمكن يكون صادق بمشاعره اتجاهك
لان القلب مو بيد الانسان
بس هو حقير لانه كلمك وهو مرتبط فيها
وستسلم لمشاعره وما حاول يغض البصر عنك
على كل حااال الله يعين صديقتك المسكينه
بس قولي لها لا تسكتين
لان احتماال ينفصلون حتى لو انتي غبتي عن الانظار
الله يعوضها خير
مدري شقولك بس زين سويتي
حاولي تواجهي بها يعني قوليها وخلي تختبره هي من تلفونك امامها اخاف ما تصدقك
احسن ما تكتشفة بعد الزواج واصير المشكلة اصعب
الله يفرجها عليها بجد انا حزنانه عليها ….
وإذا لسا شريحتك موجوده خليها معك وعطيها صديقتك وتراسله ع اساس انها انتي لحتى تكتشف كل شي عنه ويطلع من قلبها بكره ..
واقوى سلاح الدعاء الدعاء واكثري من الاستغفار
بس والله خايفه علي اهلي من الصدمه 