ام خطيبي تبغاني افسخ الخطوبه من ولدها
السلام عليكم حابه رأيكم في موضوعي
انا مخطوبه من سنه وشي تقريبا ومرا نحوب بعض انا و الولد بس اتاخر الزواج بسبب دراستي و دراستو لاننا الاثنين طلاب بس الولد مبتعث وانا ادرس هنا
وفي الوقت الي بابا قال ناخر الزواج الولد زعل في نفسو ما قال ولا شي غير ان شاء الله يكتب الي فيه الخير ويدعي بس اكتئب شويه وامو زعلت على حالو واتصلت عليا تقولي سيبي ولدي خلاص الله يرسلك الاحسن منو تعبتيلي هوا وانا ماابغا احط يدي في يد اهلك بعد كدا قولتلها مستحييييييل كلامك دا يسير انا وولدك بنحب بعض واتعاهدنا مانترك بعض مهما سار قالت هوا مايقدر يبعد عنك بس انتي صديه وبعديه عنك لا يخيب فدراستو من سببك وكلام كتير لدرجة بكيت وهيا على الجوال تهرج وجيت قلتلو انا ما ابغاك خلاص مستحيل افضل معاك دقيقه ودي الشاحوره امك من اولها مسويه ام زوج وعبيت راسو قد كدا على امو قال مو على كيفها انا بتزوجك وحيسير فرحنا غصبنا عن الي مايرضا والله اخدك خطف و كان مرا حريص انو مايغلط عليها وكل ما انا اغلط على امو احس بضيقتو بس مقدر موقفي شويه بس بعدين سار يقول لاتجيبي سيرتها ازا مو ف الخير خلاص اسكتي وبس دايما كل مااجبلو سيرتها يقولي انتي مالك في اهلي كلهم يسرو انتي لكي فيا انا شاريكي بالدنيا دي كلها وكل وامو معرف ايش قايله لاخلاتو عني واخواتو كلهم مبلكينني وحاذفنينني ويعلم الله اني ف حالي وما اتدخل ولا اغلط على احد بس الي يقربلي ب اذيه اكلو واهلو علاقتي معاهم مرا سطحيه بس سلام ورسالة معايده وبس مابيننا ابدا
وبس مرا خايفه اتزوجو ويجي موعد الفرح وبعدين اندم بس الله يشهد قد ايش احب الولد ويحبني وامو الي ضايقني قالت لو مابعدتي عن ولدي لا اكلم اهلك واسويلك شوشره ومحد لايرضا يزوج بنتو والام كرهت مرة ولدها بس انا خسرتها وبلكتها وغيرت ارقامي وامي غيرت رقمها بدون ماتدري ولا جبت لاحد سيره
انتو ايش رايكم في الموضوع ؟
الصراحة ما اعرف ايش اقولك
موقف محرج واذا تحبيه بجد لا عاد تذكري سيرة امه قدامه الا بالخير او بطريقة عتاب مو غلط عليها
لان هذه امو يعني الام وحدة بس لكن الزوجة يقدر يرميها ويجيب الف وحدة غيرها
واعلمي ان نقطة ضعف الرجل امو لو بقيتي تحكي عليها راح يتركك ويكرهك ويقول ايش بدي بوحدة ما تحب امي ولا تحترمها
وبما ان الامر وصل الى هذا الحد خلاص وجب عليكي الاستخارة مرة اخرة اما تفسخي الخطوبة او تستمري
وانا قبل فترة حصلت مشكلة بيني وبين زوجي كمان بسبب ابوه وانا اكره ابوه لانه شخص يتعامل بالسحر ولا يخاف الله ودايم يعملي مشاكل
شو ماحكيت عن ابو زوجي قدام زوجي مايصدق لدرجة قالي خلاص باسيبك واتزوجلي وحدة تحترم اهلي
قلت انا محترمتهم لكن هم الي مو محترميني ومدخلين نفسهم في حياتي
قالي خلاص قلت خلاص اجل نطلق انت تروح في سبيلك وانا ربي بيرزقني زوج ثاني يعوضني عن كل لحظة سيئة عشتها في سنيني الماضية شخص يحترمني ويقدرني وويحبني ويعزل حياتنا عن حياة اهله لا يحطهم فوق راسي ولا يحطني فوق روسهم
وسكرت وانا ناوية على الطلاق وكلمت امي وابوي بالموضوع وسكتو لان يعرفون ان اهل زوجي مثل العقارب مايخافون من الله ودايم يسون لي مشاكل عشان يطلقوني ويعرفون اني ماعشت يوم متهنية كله بسببهم وبسبب ابوه وامه واخوانه وخواته واخته المطلقة
والله كاني ضرتهم مو زوجة ابنهم مع ذالك بعد ماقلت لاهلي سكتو لانو يعرفون كم انا تحملت وان عمري قاعد يضيع على الفاضي
واخر الليل قمت صليت ركعتين استخارة وفوضت امري لله قلت يا رب انت الي تعلم الغيب وانا لا اعلمه وانت الي تعلم ماهو الخير لي وما هو الشر
يارب حياتي مع زوجي كذا وكذا وكذا حكيت لحد ما طلعت كل الي في قلبي وقلت يارب انا مابدي اتطلق لاني ما اعرف هل الطلاق خير لي او لا
ولا بدي ابقى مع زوجي لاني ما اعرف البقاء خير لي ولا لا
يارب وكلتك امري ان كان الطلاق خير عجل به وان ان شر اصرفه عني واصرفني عنه واصلح لي زوجي
ولما قمت من الصلاة انا مافكرت ابداً هل ارجع له او لا
كل الي في نفسي اني وكلت امري لله
اليوم الثاني اتصلي زوجي واعتذرلي وطيب خاطري وعطاني كلمتين حلوين وقال انا ما اقدر استغني عنك واعرف ان اهلي يتدخلون بحياتنا كثير لكن هذول اهلي ما اقدر امنعهم قلت ما تقدر تمنعهم يعني تقدر تعيش بدوني انا مستحيل اني ارضا يبقون يتدخلون في حياتي دمروا حياتنا حسبي الله فيهم طلاقنا راح يكون من سببهم
وقام وقال خلاص انا بحاول اعزل حياتي عنهم
ولليوم ماجابلي سيرتهم ولا دخلهم فيني ابداً صارلي بحدود شهر وهو عارف اني كنت ناوية على الطلاق بجد
انتي عاد اعملي مثلي استخيري وفوضي امرك لله وربي بيكتبلك الخير
لو كان امر طلاقي فيه خير لي كان ربي اتمه وهذا اكبر دليل ان مافيه خير لي عشان كذا ربي رجعني لزوجي
وانتي فوضي امرك لله لو ان بقائك معه فيه خير ربي بيخليك معه وبيتم امر زواجك تحت كل الظروف وبيخرس لسان امه وخالاته عنك
ولو مافيه خير لك راح يفصلكو عن بعض ويعوضك احسن منه
بس انتي استخيري وكلي امرك لله
هذا ماعندي في حفظ الرحمن
المشاركة الأصلية كتبت بواسطة خاطرة روح  الصراحة ما اعرف ايش اقولك
موقف محرج واذا تحبيه بجد لا عاد تذكري سيرة امه قدامه الا بالخير او بطريقة عتاب مو غلط عليها
لان هذه امو يعني الام وحدة بس لكن الزوجة يقدر يرميها ويجيب الف وحدة غيرها
واعلمي ان نقطة ضعف الرجل امو لو بقيتي تحكي عليها راح يتركك ويكرهك ويقول ايش بدي بوحدة ما تحب امي ولا تحترمها
وبما ان الامر وصل الى هذا الحد خلاص وجب عليكي الاستخارة مرة اخرة اما تفسخي الخطوبة او تستمري
وانا قبل فترة حصلت مشكلة بيني وبين زوجي كمان بسبب ابوه وانا اكره ابوه لانه شخص يتعامل بالسحر ولا يخاف الله ودايم يعملي مشاكل
شو ماحكيت عن ابو زوجي قدام زوجي مايصدق لدرجة قالي خلاص باسيبك واتزوجلي وحدة تحترم اهلي
قلت انا محترمتهم لكن هم الي مو محترميني ومدخلين نفسهم في حياتي
قالي خلاص قلت خلاص اجل نطلق انت تروح في سبيلك وانا ربي بيرزقني زوج ثاني يعوضني عن كل لحظة سيئة عشتها في سنيني الماضية شخص يحترمني ويقدرني وويحبني ويعزل حياتنا عن حياة اهله لا يحطهم فوق راسي ولا يحطني فوق روسهم
وسكرت وانا ناوية على الطلاق وكلمت امي وابوي بالموضوع وسكتو لان يعرفون ان اهل زوجي مثل العقارب مايخافون من الله ودايم يسون لي مشاكل عشان يطلقوني ويعرفون اني ماعشت يوم متهنية كله بسببهم وبسبب ابوه وامه واخوانه وخواته واخته المطلقة
والله كاني ضرتهم مو زوجة ابنهم مع ذالك بعد ماقلت لاهلي سكتو لانو يعرفون كم انا تحملت وان عمري قاعد يضيع على الفاضي
واخر الليل قمت صليت ركعتين استخارة وفوضت امري لله قلت يا رب انت الي تعلم الغيب وانا لا اعلمه وانت الي تعلم ماهو الخير لي وما هو الشر
يارب حياتي مع زوجي كذا وكذا وكذا حكيت لحد ما طلعت كل الي في قلبي وقلت يارب انا مابدي اتطلق لاني ما اعرف هل الطلاق خير لي او لا
ولا بدي ابقى مع زوجي لاني ما اعرف البقاء خير لي ولا لا
يارب وكلتك امري ان كان الطلاق خير عجل به وان ان شر اصرفه عني واصرفني عنه واصلح لي زوجي
ولما قمت من الصلاة انا مافكرت ابداً هل ارجع له او لا
كل الي في نفسي اني وكلت امري لله
اليوم الثاني اتصلي زوجي واعتذرلي وطيب خاطري وعطاني كلمتين حلوين وقال انا ما اقدر استغني عنك واعرف ان اهلي يتدخلون بحياتنا كثير لكن هذول اهلي ما اقدر امنعهم قلت ما تقدر تمنعهم يعني تقدر تعيش بدوني انا مستحيل اني ارضا يبقون يتدخلون في حياتي دمروا حياتنا حسبي الله فيهم طلاقنا راح يكون من سببهم
وقام وقال خلاص انا بحاول اعزل حياتي عنهم
ولليوم ماجابلي سيرتهم ولا دخلهم فيني ابداً صارلي بحدود شهر وهو عارف اني كنت ناوية على الطلاق بجد
انتي عاد اعملي مثلي استخيري وفوضي امرك لله وربي بيكتبلك الخير
لو كان امر طلاقي فيه خير لي كان ربي اتمه وهذا اكبر دليل ان مافيه خير لي عشان كذا ربي رجعني لزوجي
وانتي فوضي امرك لله لو ان بقائك معه فيه خير ربي بيخليك معه وبيتم امر زواجك تحت كل الظروف وبيخرس لسان امه وخالاته عنك
ولو مافيه خير لك راح يفصلكو عن بعض ويعوضك احسن منه
بس انتي استخيري وكلي امرك لله
هذا ماعندي في حفظ الرحمن |
كلامك موزون وحلو الاستخاره ثم الاستخاره وانا الحمدلله مستخيره ربي وقد مابتتعكس في وجهنا ومشاكل الا وبتنحل من عند الله هوا قالي اهلي مالهم سلطه عليكي ومن الاول قبل ماتدخلي علينا قايلهم مالكم في حياتي وووو هوا معرف ايش اتصرف مع اهلو بعد الموضوع بس قالي دي الفتره اقطعيهم لين تتيسر وادخلي بينهم عادي واهلي وامي طيبين بس مااعرف ليش اتصرفت كده وانا ماابغا ازعلها بس اوعدك مايسير شي بيننا هما لهم يد فيه وفي الاول والاخر انا الي حتتزوجيه وتعيشي معاه مو هما انا خايفه امو تبداء بشرها من اول مااتزوج طبعا احنا محنعيش هنا بنعيش برا حدود 10 سنوات بس الا وقت الاجازه نتقابل وحنكون هنا كتير لان دراستي هنا ورمضان لازم هنا يعني 3 شهور اغلبها بنكون هنا انا ما ابغا اخلف منو الين تعدي بيننا 11 سنه ونرجع ونسوي بيت ونرتب امورنا والقا اهلو هادين مافي مشاكل عشان صعب اخلف منو وفي بيني وبين اهلو مشاكل اخاف يطلقوني معرف ايش يسير وقلتلو على الخلفه لين تخلص البعثه قال ان شاء الله الي تأمري فيه يسير انا بحاول اني ادخل بينهم بما يرضي الله واحبب امو فيا بس خايفه انفعل لاني مااتحمل حركات امهات الزوج لا تأمر ولا تشخط مااحب احد يتدخل فيا لو للنصيحه فقط ممكن لكن اوامر اكره مرا الله يكون بالعون وانا شايفه انو الولد مرا شاريني وقبل مانملك قد ايش بابا واهلي عكسو في الملكه والامر انا قولت امكن امو انقهرت لانو من الاول بنماطل فيهم انو من باب مو ولدي الي ينرد حركات حريم مخابيل بس لسا انا ماعشرتهم ولا هما مانقدر نحكم على بعض
