ياريت القى حل انا متزوجة من سنة ونصف تقريبا وعندي بنت زوجي تاعبني كتير كل الصفات السيئة فيه يشرب الخمر يتعاطى المخدرات واذا تناقشت معه ليش تعمل هيك يضربني ودايما مشان يبرر موقفه يحط الحق على الآخرين كل الجيران بيعرفوا انه مشكلجي ويتجنبونه انا كتير مقهورة لأني أخدته على قصة حب 5 سنين وياريت صانه بالعكس خاني مع بنت الجيران وهيه متزوجة وزو جها صاحبه الحقير نفسي افش غلي فيه كل مايييجي سكران او متعاطي نعمل مشكلة كبيرة ويقول لي لو بتحبيني كان بتخليني اشرب عندك ومعك انا بكرهك وبكره الارض اللي تمشي عليها ، شو رايكم بالهحكي ؟؟؟ مع انه كل الناس والحمد لله بتمدح بصفاتي واخلاقي العالية وبيلوموني كيف اخدته، انا تعبت منه لأأنه حرامي يسرق من امه الفلوس وانا سرقلي معظم ذهباتي والنص التاني من الذهب بعته مشانه لانه عمل مشكلة وكان رح ينحبس لولاي ، أهله كتير تعبانين منه من لما كان مراهق ، اتحديت الدنيا علشانه والله ماكنت اعرف هيك و انه مابيعرف ربنا، على سبيل المثال مباح اجا سكران وهو عارف انه بكرة رمضان والناس رايحة على صلاة الترويح وهو راح يسكر بحفلة قريبة من بيتنا وروح متأخر على البيت ، وكل ما يزعل بيكسرلي شي يعني غرفة نومي مكسرة، التلفزيون مكسر ادوات المطبخ الزجاجية مكسرة، الابواب الداخلية والخارجية كل مايحس انه معي فلوس ياخدها واذا ماعطيته يزعل مع العلم انه الفلوس الي معي بدي اصرف على بنتي فيهم، تناقشنا انا وياه اكتر من مرة وحكينا لما تعبت تعبت تعبت حتى اني حاولت اني انتحر اكتر من مرة، بس بنتي شو يصير فيها واذا اتطلقت منه راح ياخذ بنتي مني لانه دايما بيحكيلي اذا بدنا نطلق بنتك رح تظل عندي وانا خايفة عليها منه لانه دايما سكران ويجيب اصحابه السوء عنده على البيت وانا اذا تطلقت وخليتها عنده الله يعلم شو رح يصير فيها وعند اهله بخاف عليها لأنه ماحدا بتحمل حدا، دايما امه واخته وكل قرايبه يدعوا الله يهديه لكن دون فايدة وانا بددي حل مشان الله كاتمة في قلبي وساكتة ، حاولت احكي لأهلي بس مابدي اياهم يتضايقوا لأنهم عندهم يلي يكفيهم ومابدي حدا يشمت بي كل بدعيله الله يهديه وبرجع تاني يوم بمصبة أكبر من اللي قبليها ولسه في قصص طويله وهاي مختصرة حسبي الله ونعم ال********ل، شووووووووووووو الحل برأيكم
راح اعطيكي من الاخر وبالمختصر المفيد
تطلقي منه وابنتك تحصلين عليها بأمر من المحكمه لانه سكير ومدمن وسيىء الاخلاق
الحضانه من حقك
تحياتيييييييييييييييييييي
استخيري في موضوع الطلاق والله احسن لانه هاد بيتعاطى مخدرات وسكير وووووووووووو ششو ضل شي ما عمله حسبي الله ونعم الوكيل
انا نفسي اعرف كيف مأمنه على حالك وعلى بنتك تعيشي معه
الله يفرجها عليكي يا رب وربنا يعوضك بانسان احسن منه ويحفظك ويحفظ بنتك
لازم تحكي لأهلك على موضوعك لانه مو شي عادي بل جرائم مو ناقصك بكرا يبليكي معه بمخدرات او غيرو
تطلقي منه ..لعل الطلاق يخليه يرجع لعقله ويتوب .. وبنتك ما في قوة تقدر تاخذها منك … هي بحضانتك لحد سن 7 سنوات ..لكن نقول لعل الله يهديه في فترة ابتعادك عنه … ابتعدي ولا تجعلي في ذمتك بدل الطفل طفلين … انجي بطفلتك من هذا الوحش ….
شو منتظرة ؟؟؟؟؟؟؟؟؟؟؟؟
اطلبي الطلاق ورزقك ورزق بنتك على الله
الله يخفف عنك
الله يكون في عونك
عن جد شو مستنية ؟؟؟؟؟؟؟؟؟؟؟؟
اخرتها يجي يوم بيضربك فيه بيسير فيكي شي كرمال بنتك عيشتك معاه حرام انسي بلا حب بلاحكي فاضي لو بيحبك ما بيسود عيشتك هيك
الله يحميكي انتي و بنتك
