زوجي والشوز
انا بنت عمري 28سنة
تعرفت على زميل لي بالعمل يكبرني بـ 6 سنوات يعني عمره 35سنة
رجل لطيف ومؤدب ومثقف ، بعد ان عرفني وعرفته بحكم عملنا المباشر مع بعض طلب ان يتقدم لي وفعلا تمت الخطوبة والملكة ولم يتبقى على زواجي منه سوى شهر ونص فقط 
نأتي للمشكلة والمصيبة والفاجعة ي اخواتي
من فترة كنت أتكلم مع زوجي ونسولف المهم انا شخصيتي قوية شوي ومااحب احد يحكمني ويسيرني برأيه احب امشي باللي براسي المهم تناقشنا في شي ورفعت صوتي من غير ما انتبه وهو قال سمي ابشري ولا يهمك انا استانست وقلت زين بعدها بدقايق قال انا احب الزوجة القوية اللي تخلي الرجال خاتم في اصبعها ومدري ايش المهم طنشت ماعطيت الكلام اهتمام
وقبل أسبوعين يابنات على أيام المطر جاني المكتب وقال وش رايك نطلع يمكن الساعة 9 صباح وقلت وين قال انا زوجك مافي خوف بنروح للثمامة وننبسط وناخذ دبابات ونفلها ونرجع على 2 او 3 للمكتب قلت يالله مشينا
ورحنا يابنات للثمامة المهم انا من النوع اللي البس نقاب ما اكشف قال شيلي النقاب وطلع لي نظارات شمسية يقول شاريها لي ويبيني البسها قلت مقدر ناس وعالم قال عادي انا راضي وبعدين النظارة مغطية وجهك قلت طيب وشلت النقاب ولبست النظارة ورحنا نتمشى ونتفرج والناس ماخذين مخيمات وسعة صدر بحكم انها إجازة المهم وقفنا وقال يالله ناخذ دبابات قلت يالله
وركبنا ولفيت طرحتي مثل اللثام والنظارة ومشينا كل واحد لوحدة بس جنب بعض ويجي شباب في سيارة ويرمون حكي علي ويصارخون واغاني للأمانة انا خفت وقال زوجي طنشي بس وكل شوي احد يجي ويرمي كلمة وهو الابتسامة شاقة حلقه مبسوط المهم رجعنا الدبابات واخذنا بليلة ونمشي في البر والناس يمين ويسار وناكل ونسولف وأقول ياربي شبابنا مشافيح ما يستحون الوحدة مع أهلها وزوجها ويغازلونها قال لو انك مو حلوة ما تكلموا لا تحسبيني زعلان بالعكس مبسوط وفخور فيك وصدقيني بس نتزوج بنسافر برى المملكة وبلا عباية وبلا هم البسي شورتات وتنانير قصيرة وتتمشي معاي حتى لو احد اعجبك عادي علميني هذي حياتك وحرية شخصية الزم ماعلي رضاك انتي وسعادتك انا سويت كذا 
المهم قلت ابي توديني لحفلة لماجد المهندس ابي أتصور معه وقلت بضحك يمكن اضمه صراحتن قال ابشري والله اوديك وضميه عادي ترى مافيها شي قلت صادق انت قال ايه عادي لا تحسبيني متشدد والا مسوي فيها اني واني ترى هذي أشياء طبيعية وسكت انا
المهم قبل امس يابنات شوفوا الصدمة تكفون
تناقشنا على موضوع السفر وزعلت انا وقلت بشكل عفوي ترى بعطيك كف لا تقهرني قال حطي الكعب على وجهي عادي لو تبين الحس شوزك لحسته 
متخيلين بنات قوة الكلمة قلت خير انت وش ذا القرف
المهم جاء امس وطبعا انا شغلي مختلط حبيباتي في مستشفى جاء عندي المكتب وسكر الباب وانا مطنقرة مرة أولا من السفر ثانيا من كلامه وقام يسولف ويبوس يدي قلت انت كلامك فجعني شوفوا اقسم بالله يابنات اقسم بالله جاء ورى المكتب من عندي والله العظيم جلس ع ركبته ومسك رجلي وباسها تخيلوا بنات يبوس رجلي ولا يلحس الشوز ويضمها لوجهه انا انفجعت انخفض الضغط عندي قمت ارجف وقام قال انا اسعد واحد اليوم يوم نزلت عند رجولك وانا ساكته وطلع وانا جلست ابكي وارتجف وتجي صاحبتي وتجيب لي عصير ليمون وحالتي حالة وطلعت البيت وقفلت جوالي واليوم ماداومت ماابي اشوفه وش اسوي بنات
اكمل معه والا اطلب الطلاق
ترى باقي شهر ونص بس 
اذا تبين الصراحه لاتكملين معه زوجك ديووووث
الا اذا تبين تبيعين دينك على حساب زوجك هذا شي ثاني
أنصحك بتركه والله يعوضك باحسن منه والله يهديه
موفقه
شكله مريض نفسي وشخصيته معدومة وديوث استغفر الله العظيم يبوس رجلك بدلع ممكن نتجرعها لكن هدا شكله بحب يمثل دور المستعبد اعوذ بالله
استغفــر الله العلي العظيم
لا يغار عليك و لا على شرفك
زين بانت شخصيته لك قبل لا يفوت الفوت والله ما انصحك
تتخذي كزوج مستقبلا و أب لأبنائك مستحيييل و لا راح يغير عليكم
استغفر الله
صراحة و بدون مبالغة
😲😲
هذا قليل رجوله و دين ،،،،،
اعوذ بالله انا لو مكانك ما اكمل معو
اتطلق احسن من ان ابيع ديني و عرضي
اطلبي الطلاق ولو بعد يوم عالعرس
هاد حمار مو بس مريض نفسي بلا عقل وبلا اخلاق وبلا دين
وانتي غلطتي من البداية كمان وعليكي حق توبي عن اللي عملتيه قال نقاب وقال راكبة دباب قدام خلق الله
الله يستر علينا
واضح انه مريض نفسي .. ونصيحتي لك بعدي عنه بأسرع وقت
غير أنه مريض .. ( ديوث )
قال رسول الله صلى الله عليه وسلم 🙁 ثلاث لا يدخلون الجنة ولا ينظر الله إليهم يوم القيامة العاق والديه والمرأة المترجلة المتشبهة بالرجال والديوث )
وبالنهايه إذا استمريتي معاه انتي اللي راح تاكلينها
مايبي لها تفكير … كيف عيالك راح يتربون على يد واحد مثل كذا
لاحول ولا قوة إلا بالله ..
عزيزتي هذذا ديوووووووووث الله رحمك وبعدك عنه احذري تجوزيه افسخي الله يعوضك بالي اسحن منه
تره هل نماذج كثار
مره ع الفيس بوك كنت افرفر وشفت شخص اسمه ((نعال الملكه)) وانتو بكرامه رجال طول بعرض
وحاط صورته وبنت دايسه ع وجه وتاكدت انه صورته لانه عنده صور غيرها لحاله وصور البنت والشوز فوق وجه ومبسووووووط!!!!
اعتقد زوجك من هل نموذج افسخيها يا بنت الناس الله يحبك وكشفه لك قبل لا يفوت الاوان
لا حول ولا قوة الا بالله
)
