اسرتني " شكرا لقلوبكم الرحبه "،، احيانا تلقين كلام ماتحسين فيه يأسر غيرك ويغير نظرته !
تدرين بنص الموضوع حكمت وقررت تقريبا 90% ماارد على موضوعك بس قلت خليني اكمل لتحت اشوف النهاية
شكرا لقلوبكم الرحبه ،، والله خلتني استحي على وجهي وارد !
اللي ابغى اقوله لك شيء بسيط اسمعيه لاني كنت ضحية كلماتك اثرت فيني واسرتني ،،!
انتي انسانة رائعة كلماتك مؤثرة لو احد يسمع لك لنهاية راح يتأثر بطريقة او باخرى ،، تعرفين تكسبين الناس بس خايفة ما تحاولين ! خايفة يتكرر الماضي ! حاولي هي تخيب كم مره وبالنهاية تصيب ! ولو خابت يا امي ماعليك خابت كم مره جت على ذي ،، الصبر والتفائل خير ،، لعل ربي يرسل لك انسان ينسيك كل ذولا اللي اتعرفتي عليهم !
انا مثلك هذا انا قدامك صديقاتي المقربات 2 بس ،،! والله عندي اكثر من 90 رقم بجوالي كلهم صديقات لي وعشنا سنين وايام وعمر،، بس انا افضل 2 منهم بس ولا اكره الباقي لا صديقات على العين والراس بس الاثنين ذولاك لا غير والله غير بـ قلبي لهم مكانة ماتكون لاحد والله ! يكفي ان قلبي يرتاح لهم !وهالتسعين هم كمان يفضلون عني انا متقبلة هالشيء منهم لانهم متقبلين هالشيء مني ! مستحيل راح يجمع على حبك كل الكوكب وتفضيلك مستحيل يا امي لو انك اطهر وانقى انسانه لازم فيه احد يكرهك اتقبلي ذا الشيء ،، حتى لو ماانتي عارفه ليه وكيف ،، ماراح تقدرين تعرفين بس ارضي ولا تنخدعي ان كل العالم ميت عليك ! من جد ياما قلتها لنفسي قبلك ملايين المرات ! اللي انا اعرفه اني احب نفسي واهلي يحبوني ولا يهمني الباقي ،،! وتاكدي فيه اللي يحبك من كل قلبه وساكت سواء من اهلك او قريباتك حبيهم اكثر اهتمي فيهم قريبها لك مازحيهم استهبلي معاهم ،،!
لما تتعرفين على احد صديق غريب لا تسكبين روحك له ! لا تلينين ويعصرونك ولا تقسين ويكسرونك !
مع الايام تكونون اصدقاء حقيقين لا تستعجلين شيء ! صديقاتي ذولا الاثنين اخذ مننا نكون اصحاب على ذي الحالة 9 سنوات من المتوسط ،، ايام المتوسط كانو في لي صديقات اقرب منهم بس بالنهاية كلهم بدو غيري علي وذولاك هم اللي بقو لي وعرفت انهم اصحاب حقيقين لي ،،! شوفي 3 سنوات ما تعطيك صديق بصورة كاملة من جد خصوصا اذا ماكنتو قراب مره ،، اصبري عليه 6 سنين واكثر يمكن بعدها تعرفيه حق المعرفة !
وابذلي كل شيء لوجهه الله ،، والله ماجمعنا الا اننا كنا نبذل لبعض احسان لبعض ولوجهه الله وللخير !
لاني بيوم كنت اشطر وحدة بالقاعه الانجليزي ! الكل صار لي صديق ،، وانا اعترف اني احب الناس وقتها كنت عارفه ليه هم يخلوني صديقة لهم وفجأة اكون قريبة والكل يحتويني وقت المحاضرة بذاك الوقت واسهر معاهم وقت الاختبار بس انتهت السنة والله مافي من الخمسين ذولاك احد سال عني غير ثلاث ! ارسل اكلم الكل سحب ولا كأنه يعرفني ! تحسبيني بكيت على تراب احد ،، صح يعور ذاك الشعور وانا كنت عارفه انها مصلحة مو حب فيني ! تضايقت كثير وتمنيت اني مااكون عاطفية كثير كرهت حتى قلبي اللي حن وحس بالمسؤولية اتجاههم ! بس قررت اني احتسبها لوجهه الله ،، عشان لا اتالم اكثر ومحد داري عن سماي !
وصرت اصبر واساعدهم لوجهه الله ولاني طالبتهم شيء ربي كافيني ،، بس سبحان الله كنت ثقيلة عليهم ! ثقيلة اني اكون وحدة منهم و مو ثقيله لما يغيبون اشرح كل شيء فاتهم مو ثقيل اشرح قروب قروب واحل واسال عنهم وثقلت عليهم نفسي ثقل شخص على 50 ولا ثقلو الخمسين على شخص ! بالنهاية هي الطبايع والاخلاق
مع الناس انصحك امشي بمبادئك !
الناس ماراح تشكر فيك طول عمرك ولا راح تذمك طول عمرك ،، امشي بمبادئك واتركي كلامهم وافعالهم لهم انتي غير شخص رائع ثاني مختلفة كل الاختلاف عنهم ،، قولي لنفسك كل يوم كذا لا تخلينها تتاثر بالناس !!
كنت امشي بـمبدأي ان ربي لما يعطيني حاجة غيري يحتاجها او تساعده ما ابخل لو بس تدفعه للامام شويه وربي يعوضني ،، والله ما تحسفت عليهم ربي عوضني اعظم عوض والحمدلله !
وعذرتهم وسامحتهم لوجهه ،، لاني طمعانه في عوضه اكثر منهم والله !
ممكن انتي شخص شخصين او 5 اللي عملو فيك الحركة ،، وشرايك في وحدة مثلي قاعة كاملة سوو لها الحركة ! نهاية السنة ادور ماالقى احد جنبي وانا احسب اننا فعلا اصحاب وانها مساعدة اصدقاء انتهى الاختبار من جهة وانتهو يكونون اصدقائي من جهة !
عشان كذا انا اتغيرت بالكامل اهتمامي وكلامي يكون عن اهلي غالبا !
غيري وغير اهلي وصديقتين ما اثق فيه والله ،، وهذي نعمة ابوس يدي وجهه وقفى اني اتعلمت بـ فضل الله ثم بفضلهم هالشيء ! عرفت كيف احط قدر وموازين لناس !
وعرفت انا كيف وشلون اتصرف مع الناس ،، بمادئي ،، اللي ارضاه لنفسي ارضاه لك واللي ما ارضاه لي ماراح ارضاه لك ،، علاقات سطحية مع العامة عميقة مع الثقة وبس !
احب اقولك بالجامعة راح تلاقي نفس الطينة هناك وبغزارة وعادي ! اليوم تضحك معاك بكره ماتعرفك او عدوتك وقت تحتاجك تقولك يادهينه لا تنكتين وقت خلاص ماتحتاجك تحلفي انها ماشافتك طول عمرك ولا تعرفو بعض ! ومره عادي !
ولا تقولين انسان يجاملني ومايجاملني اقلها مقدر العشرة اللي بينكم وكان له سبب بمجاملته لك اكيد ،، والله ينعذر اكثر من اللي ياسبحان الله ماكأنه يعرفك !
صحيح اننا كنا مختلفين عن بعض ،، بس ماكان يسبب خلاف ،،!
شفتي اخوانك واهلك كل الناس عندهم مشاكل ومصايب بس اهلك مستحيل بيوم يرمونك بالشارع ويقول ذي مو بنتنا زي غيرهم ! مستحيل يرضون عليك النتفة والله !
لا تقارنين انسان بيوم ليلة ينساك ويقدر ينكرك وانتي تنظرين ،، بين انسان فحياته ماراح ينكرك ولا يقدر او يتجرأ !
هذا هو العلم يا بنت الحلال ،، على قول جدتي 🙂 !
اهلك مقامهم غير شيء محد يوصل له !
وصديقاتك مقام ثاني !
لا تخلطين الموازين ،، لو خلطتيها الوحيدة اللي ببتخربط حياتها انتي ،،!
انا معاك الاحتكاك ببعض الناس مرض ! ،، و بعضهم لا ينبلعون ،،، وبعضهم راحة عافية على قولهم
لا تستعجلين بتسمية الكثير بصديقتي بعضهم زميل بعضهم صاحب ! مو كلهم صديق ! عرفتي !
صديقتك راح تبان مع الايام صاحبي وكوني زمالة مع الكل ،، وقتها بس تجلسين من نفسك وتعددينهم و تك! على طول يطلع لك مين فيهم الصديق ويبقون البقية زملاء واصحاب !
التلعثم لانك ما تتكلمين كثير او تخافين او تحاسبين نفسك على كل كلمة مع الغير ،،!
الثقة موجودة في الكل انتي واثقة من اشياء بس في اشياء مانتي واثقة فيها ،، الثقة مو معدومة كل البشر فيهم الثقة بتفوات وعلى حسب الموضوع تكون درجة الثقة ! ثقتك تنميها مع الممارسة ،،!
اتكلمي وعبري عن نفسك كوني صداقة ولا تشيلي هم الفقد عموما كلنا راح نفقد انفسنا ،، مالنا سلطان على ارواحنا فكيف بيكون لنا سلطان على غيرنا ،،! الفقد موجود بالموت اللي يكفينا سكراته او بظروف واوضاع في الدنيا وحياتهم !
كذا تثقين وتمارسين وما تتلعثمين اقرأي واتعلمي عشان تاخذي فكرة عن الاشياء او الاشياء اللي تحبيها لما يطرحون بفصلك شيء عن ذاك المجال بادري واوقفي قدام الكل وقولي اللي تعرفين عنه عرفيهم على نفسك وعليك لا تخافين اتجرأي لو مره عشانك ! كل اول خطوة صعبة بس هي بداية تحول الطريق لسلاسة !
* شكلك اسرتيني بقوة كنت ابقول حاجة بسيطة شوفي قد ايش كتبت عشانك ههههههههههههههههههههه *
ادفعي غرامة مافيه ،، وربي اناسرت من جد مايصير لا تقولو كلمات تجذبني وتاسرني لكم
،، وفيه تكملة تحت ،،!