المفتول الغزاوي امممممم
المقادير
4 كيلو طحين
حفنة ملح باليد
1 كيلو سميد
زيت زيتون
سمنة تقريباً 3 مغارف
بصل مفروم مقدار جاط حجم وسط يعني كيلو ونص بصل مفروم ناعم
فلفل اخضر يعني 15 قرن فلفل واذا بدكم اياه يحرق بتحطي اكثر احيانا بحط 40 قرن
عين جرادة مطحونة ناشفة تقريبا نص كيلو
كمون وطبعا كتري لانه بضيع النفخة اللي بسببها المفتول
1- نخلي الطحين و ضعي عليه الملح والسميد وقلبيه باليدين ..
2- ضعي ماء ببراد شاي وسط تقريباً رشي شوي ماء وقلبي المكونات اللي بالجاط لحد لتخلص كمية الماء اللي بالبراد …
3- بسي المكونات مع بعض والبس (( انه تحطي من المكونات بايديك وتحركي باتجاه عقارب الساعة باليد التانية فوقيهم …)) بتمنى اكون وضحت الكم طريقة البس ….
4- طبعا بس تبسيه وتخلطيه مع بعض ومايعود مبين طحين لحاله وكله اختلط ببعض انا بجاط البراون او المولينكس اللي اله شفرات بحط كمية صغيرة واخلطها طبعا بتتفتت لحبات صغيرة كثيرة هيك بسهل عليك بالخطوة التانية …. هاي الخطوة انا بعملها جديد صرت…. طبعا في ناس بحبه المفتول حبته كبيرة بس احنا الغزازوة بنحبه صغيرة احسن طبعا لهيك بنزله من الكربالة لانه بتصير كل حبه قد اختها … ومنظره بشهي اكثر ….
5- بتجيبي الكربالة (( او الغربال او المنخل الكبير بالفتحات الكبيرة تاعته حسب كل بلد مابيسموه )) وبتصيري تنزلي منها المفتول بالفرك يعني بتحطي اللي خلطتيه وبتنزليه بالفرك من الكربالة….
6- بعدها بجاط واسع بتحطي المفتول اللي نزلتيه يعني شوية صغيرة وبتوسعي بينهم وبتحطي شوية زيت زيتون وبتحزكيه والحزكة عنا (( تحطي ايديكي بعكس بعض وتحركي دائري بعس بعض بتمنى اكون وضحت الطريقة )) …
7- بتجيب المفتولية وهي (( طنجرة كبيرة وفوقيها مصفاية بتشتريهم مع بعض )) طبعا الطنجرة بتحطي فيها لنصفها او أكثر شوية ماء وحطي بالمية ليمونة مقطعة وحطيها علي النار لتغلي بس تغلي بتجيبي المصفاية تاعت الطنجرة ودهنيها زيت قلي وحطيها علي الطنجرة منيح بحيث مايكون هناك مخرج للهوا والبخار …
8- ورشي شوية مفتول من اللي جهزتيه وحزقتيه بزيت الزيتون علي المصفاية وكل مايطلع البخار من المفتول بترجعي احطي كمان شوية مفتول وبس يطلع البخار بترشي تاني ونفس الشي لتخلص كل كمية المفتول اللي عندك وسيبه علي نار عالية لمدة ساعة …..
9- بعد ساعة تقريبا بتشيلي المصفاية (( طبعا انتبهي )) وبتقلبي المفتول بجاط واسع وحطي براد شاء مليان ماء وحركي بمغرفة علي السريع رش وبعدين حطي السمنة وقلبيها بحيث تختلط مع المفتول كله …وبتنزليه كمان مرة من ال كربالة التي سبق تعريفها مشان لو كان في شي مكتل مع بعض او ملزق …
10- طبعا بتكوني مجهزة المرتة وهي عبارة عن جاط مليان بصر مفروم ناعم والفلفل الاخضر كله ناعم والعين جرادة المطحونة والكمون طبعا افرميهم علي البراون او المولينكس مابتتعذبي فيهم وبعدها بعينك الله بتمرسيهم بايدك يعني بتعصريهم هيك اسمها عنا …
11- كملي الماء بالطنجرة لانه بتكون نقصت وخليها تغلي تاني وبتردي تدهني المصفاية بزيت القلي بتحطي شوية مفتول زي المرة الأولى وبعدين حطي المرتة ووزعيها علي المفتول اللي بالمصفاية كلها وبعدين حطي كل كمية المفتول اللي عندك فوقها واتركيها ساعة علي نار عالية لحتى تستوي البصلة اللي بالمرتة طبعا دخلي طرف معلقة طويلة وطلعي شوي وذوقيهاا ذا مستوية او لا خليها شوية …
12- طبعا اذا مستوية بتنزلي المصفاية وبتقلي المفتول وحركيه مع بعض مشان المرتة تاخد بكل المفتول …. وهيك المفتول جهز بالكامل …………..
13 – لما تسكبي المفتول بالصينية بتحطيه وبتسقيه بشوي مرق دجاج مايكون ناشف ….
الخطوات لعمل يخنة المفتول
1- بتكوني ناقعة الحمص من الليل بماء مفلتر ومعلقة كربونة صغيرة وحركيه وسيبه مغطي طول الليل والصبح صفيه واغسليه وحطي عليه ماء مفلتر واسلقيه بس يغلى هدي النار عنه تقريبا بده ليستوي 30 ساعة تقريبا ….
2- قطعي البصل تقريبا نصف كيلو شرائح وحوسيها بزيت قلي يعني قلبيها فيه وبس تذبل علي شقار شوي صغيرة …
3- اغسلي القرع وقشريه وقطعيه مكعبات وسط وقلبيه بعد ليذبل البصل وبعدين ضيفي الحمص المسلوق …
4- قطعي بندورة تقريبا شي كيلو وسط يعني اذا كانت الحبة ضغيرة نصفين واذا كبيرة اربعة ورشي شوية ملح وحطي مرقة دجاج طبعا لازم تكوني عاملة دجاج وسيبيهم علي نار هادئة بعد الغلي لحد مايستوي القرع والبصل ……
وهاي اليخنة تاعت المفتول اللي بتكون فوقه وجنبه للتسقاية …..
وطبعا في الدقة وهي عبارة عن فلفل اخضر مدقوق مع ثوم وعصير ليمون يالهوي مااطيبها ……….
بتكوني مجهزة الدجاج ومحمراه ويالهويييييي
تسلم يمناك
الف شكر
