الوسم: القضاة

مادامها وصلت بعـد حتـى المشايـخ والقضـاه
وش عاد باقي يازمـن وش عـاد باقـي يازمـن

هـذا الزمـان اللـي بـه الانسـان يتمـنـى الـوفـاه
لان الحيـاه تكـون فيـه مـن الفسـاد بـلا ثـمـن

حـنـا عرفـنـا اســم الـمـرض لكنـنـا نجـهـل دواه
حتـى العيـون مـن الرمـاد وقلـة الحيلـه عـمـن

مافيـه شــي بــه الـزمـان الـمـر يـاخـذ مسـتـواه
ماكـان فالطامـن عـلا وماكـان فالعـالـي طـمـن

واليوم يوم المرتشـي كلـن يبـي يكسـب رضـاه
يـقــول لـــه يـاسـيـدي بالله وش تـطـلـب تـمــن

والناس تمشي تتبعه والى ركض تركض وراه
حتـى البنـات بهالزمـن لارضـاه للشيـلـه رمــن

الله يـاوقــتــن بــــــه الـــرجـــال مــاكــمــل بـــنـــاه
الله يـاوقـتـن بـــه الصـعـلـوك بـالـرشـوه ســمــن