في المجمعات…في الملاهي…
في كثير من الاماكن العامه…
نجد الكل مشغول
ويستمتع بكل دقيقه..
ومن المؤلم اخواتي
ان نجد الطفل يمشي
ويأكل والاكل
يتناثر على الارض؟؟
يكمل سيره ؛؛ ومن بعده يدوس
على نعمه من نعم الله..
هذه النعمه العظيمة
فقدها كثير من الناس..
بل كثير من الدول..
لا مأكل ولا سكن..
اين الام ..اين الاب..
التوجيه في الصغر
من اهم الامور..
اجد كثير من الاسر غافلين ..
والابناء يلعبون ويأكلون
ويستمتعون وحدهم او مع الخادمه..؟؟
لاتحرمي اطفالك من تواجدك معهم
ومشاركتهم افراحهم … وتوجيههم
وتعديل اخطاءهم…
غاليتي اذا وجدتي الطعام على الارض
اطلبي من اطفالك ان يرفعوه..
في البدايه سيكون صعب عليهم ويشعرون بالخجل..
وهم يفعلون ذلك امام الناس..لكن مع الايام وعندما تفعلين
هذا الشيئ انت وابوهم ..ومع النصح والارشاد..
سيبادرون بأنفسهم وبدون أمر..
والاهم بدون خجل.
واكثر اكلتين الاحظ
انها ملقاة في الاماكن العامة
البطاطس المقلي
والفشاااااار..
وناااااااااااادر نجد منديل او ورق على الارض ؟؟؟
حديقة الحيوان رحنا مره وخلاص
ماعاد قدرت ارجعلها..
الفشار مفروش على الارض..عشان الاطفال
يأكلون الحيوانات..
والله والله يدوسون عليه وكأن اللي تحتهم
ورق مو اكل…
وانا متأكده لو بكرر ونروح للحديقه
ربي بيبتلينا ونصير مانقدر النعمه
اللي مانستغني نجلس يوم من دونها..
هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 558×404.
ولا ننسى المنظر المؤلم بالمدارس
الاكل في كل مكان على الارض…
يجب علينا التوجيه والارشاد من الصغر
فبالشكر تدوم النعم..
وانتي اختي المعلمه لاتنسي دورك
في تنشأة الاجيال…
ياليت المدرسه تفععل اسبوع
حفظ واحترام الطعام
مثل اسبوع الشجره وغيره
حتى يزيد الوعي عند الطلاب..
ولو يتم تخصيص حاويات خاصه لجمع
بواقي الاكل..يكون افضل
وتشدد الاداره على اي استهتار بالطعام ..
في كثير مدارس مطبقين هذا الشي..
بس ياليت يتعمم .
ولابد من تنبيه اطفالنا ونقولهم
لو في المدرسه شفت اكل على الارض
لازم تشيله..ولو كان كثير
لازم تبلغ الاداره..
وانا صغيره كانت امي تقول
في دول كانت جدا غنيه..واستهتروا بالنعمة ولا قدروها..
والان تعتبر من الدوله الفقير..
وتأثرت من كلامها….ونفس الشي اولادي ..
قال صلى الله عليه وسلم؛ :
«تعرّف إلى الله في الرخاء يعرفك في الشدة»
أخرجه الإمام أحمد
بجد موضوع يحتاج التفاعل فيه …
خاصة ذي الايام كثرة النعمه الحمدلله وبداء الناس يتهاونو فيها …
فكرة اني اسوي اسبوع للحفاظ على الطعام وعدم التبذير فيه فكره رااااااااااائعه وكلامك كله رائع ومفيد …
الله يجعله في ميزان حسناتك … وبانتظار مواضيعك الجديده والمفيده باذن الله …
بناااااااااااااات اي وحده تستفيد من اي شئ ياليت تبلغنا وتكتبه زي مظلومه الله يصبرها ويرفع عنها باذن الله اتمنى انك تغيري نكك الى الافضل …
اتمنى القى في الاماكن العامه سله او صندوق خاص ببقايا الطعام
والله يكتب اجرك على الموضوع القيم
