قصة حب صعبة ارجو المساعدة
انا فتاة عمرى 18 تعرفت على شخص كويس حلم كل فتاة فى العالم المهم بعد شهر من تعارف قال لى اهله وانى قالت لى اهلى المهم حددنا انا وياه موعد حتى اهل يتقدمو المهم قبل الموعد باسبوع صارت التورة فى ليبيا والمنطقة لى عايش فيها اتحاصرت والحرب بدت والناس اتموت انا طبعا ف حصار ف طرابلس بس مكان ف ضرب الا على الخفيف المهم لمدة شهرين مابعرف ان هو حى او ميت المهم عشيت ايام وانا ابكى ولا اكل ولا اشرب والناس تموت وانا فى عالم تانى الانى اموووووووت فيه احبه لدرجة الجنون المهم بعد شهرين كلمنى وطمنى بس الخطر مازال مستمر لان يضرب فيهم بالجراد وهو مع ثوار المهم عشيت اصعب 6شهور وانا ابكى لدرجة قريب اموت من القهر والحسرة لى ف قلبى ندعى لى الله يحميه وبعد 6شهور اتحررت ليبيا والحمد الله بس هو مازال ف جبهات لى مازال فيها كتائب المهم انه يموت فيااااا لانه كان ف الحرب والموت ومن رغم اخسر اصحابة واخوه واولاد عمه وهلبااا ناس يحبهم لدرجة يوم العيد قعد بروحة والله انى قعدت نبكى من درجة الحزن على حالته ورغم دلك كان يدفع ف المئات حتى يكلمنى عن طريق الاقمار الصناعيةلان الاتصالات مقطوعة المهم المصيبة مش هنى تو يكلم فيا عااادى اوك بس حسيت انه اتغير صح يحبنى وانى نحبه بس اصبح مش مهتم بيا ولا يسئل عليا وانى انقول حرام لى صار معاه مش ساهل وللعلم هو حالته المادية ممتازة انقول هو اخسر فلوسه وناسه وشغله وبيوته ادمرو بس لما واجهته طلع عنده حق لان خوه مات ومرت خوه صغيره عمرها23 وعندها 5اطفال صغار واهله قالوله الازم تتزوجها وهو منهار ومش قادر يقولى وانى مش عارفة المشكله انى انحبه وهو كمان يموت فيا لدرجة مش قادر يجرحنى ويقولى وهو خلااااص عليه ضغوطات بين جبهات والموت وبين انى واهله والله منجن ان احبه لدرجة انغاااااار عليه موت مش قادرة انفكرررر ان يكون فى غيري في حياته سااااااااااااااعدونى ارجوكم
اللهم يا جامع الناس في يوم لا ريب فيه اجمع بينها وبين حبيبها انك قريب تجيب الدعاء
ادعي لله حبيبتي الله يفك ضيقك وما تشوفي الاكل خير
حبيبتي انسيه .. المفروض من الاول ماتحكي مع شب ماتعرفيه . الي بده يتزوج بيدق الباب .. الحب بيجي بعد الزواج اختي .. ولو يحبك مثل مابيقول خليه يتقدم لك ويرفض مرت اخوه .. على اساس انه بيحبك .. هما الشباب هيك بيلعبوا بعواطف بنات الناس وبعدين بيتهربوا.. اختي نصيحه انسيه وتوبي لربك والله بيرزقك احسن منه ..ولاتزعلي من صراحتي انتي مثل اختي الصغيره ..
شكراااا اخواتى بس حبيت انوضحلكم اشياء اخرى هو عرض عليا انه يتزوجنى ويتزوجها وهو بيتزوجها عشان اولاد اخوه مايعشوش بعيد عليه وللعلم ان مرت اخوه يتيمة لا عندها اب ولا ام ولا اخ ولا اخت وزوجها استشهد وعندها 5اصغاروللعلم انها انجبت توام بعد ما استشهد زوجها يعنى حرام يعيشو بدون اب والله انى حايرة بجد مش قادرة انقوله خلى زواجك منها حبر على ورق والله اعلم حياتى متلخبطة
الله يكون بعونكم و يفرج همكم أكيد الضغط النفسي له دور كبير فالحرب أفقدته بعضا من أسرته وألغت عافته الله يرزقم الحلال تقبلية مروري
الله يعينك انا اشوف انو من الاحسن انك تتوكلي على الله وتقبلي زواجه بك وبمرت اخوه احسن ما تخسريه فمرة
يا بنت بلادى صلى استخارة عليه و اكيد هوا من الهم اللى شافه مش حيكون زى قبل و بالنسبة انه يتزوج فمش حيقدر يرفض انه يتزوجها لانها ماعندهاش حد و 5 صغار صعبة فما ليكش حل الا انك تقبلى انك تكونى مرته التانية هدا لو وافقو اماليك!و نقصد بمرته التانية يعنى زواج كامل واصلا حرام عليك انك تشرطى انه ما يمسهاش لان هدى مرته و حاولى تكلميه بالك فيه حد تانى يتزوجها و فى الاخير لو ما صارش منه فاعرفى انه ما ينفعكش ومش عارفة خيرنا احنى حظنا زى الزفت لان حتى انى قصة حبى صعبة وكان تبى تعرفيها خشى على احبه و لكن و اعطينى رايك سلام
شكرااااااا اخواتى وربى يسعدكم ونبى منكم تدعولى بالخييير وزيدو اعطونى اراءكم بليييييييييييز
وسلاااااااااااااااااام
