السلام عليكم
طبعا كنت بقدم شغالة واخذت جولة على المكاتب وبعض المستقدمين اللي بدون مكاتب ويشتغلون لحسابهم وانصدمت بمبالغ خيالية يطلبونها وحطتهم في مصاف الاثرياء على حساب فقر المحتاجين والمضطرين للشغالة
طبعا ماراح ادعي عليهم لأنهم عارفين ان الفلوس اللي ينصبون على الناس فيها حرام وممحوقة بركة والله يتولى حسابهم مو نحن البشر
طبعا كنت اتصفح واتابع اخر التطورات لفتح باب العمالة من اندونيسيا والهند والبقية
وانصدمت ان تكلفة استقدام من الهند تبلغ 10 الاف – 12 الف بالكثير ورواتبهم 800 ريال
والنصابين اللي ياخذون منا بال 20 وال 18 الف والرواتب 900 و1000
فحبيت اخبركم انه لاحد يستعجل ويقدم من اماكن مشبوهة وغير مضمونة خلاص فتحوا الاستقدام من الهند ووقعوا الاتفاقية وماعادت تأشيرات واستقدام الهند تباع في السوق السودا ويربحون منها خفافيش الظلام بالألوف
هذي الروابط تصديق لكلامي والله يطيح كل نصاب في شر اعماله 
صحيفة عكاظ قبل شهر
مكاتب الاستقدام تستقبل طلبات العمالة المنزلية الهندية
او ضع هذا العنوان في محرك البحث :
مكاتب استقدام تبدأ في استقبال طلبات استقدام عمالة منزلية هندية
وهذا رابط خبر توقيع الاتفاقية قبل 3 ايام
جريدة الرياض
الرياض نت : توقيع إتفاقية تنظيم استقدام العمالة المنزلية مع الهند
او ضع هذا العنوان في محرك البحث :
السعودية توقع اتفاقية مع الهند لتنظيم استقدام العمالة المنزلية
وبخصوص السماسرة النصابين اللي يستغلون وضع الناس ويلعبون في السوق السوداء
اطلعوا على هالحوار لسعد البداح رئيس اللجنة الوطنية للاستقدام
قال حقائق يمكن تغيب عن اكثركم بخصوص ذا السماسرة النصابين ورسوم الاستقدام المبالغ فيها ومشاكل وجنسيات الشغالات
ط³ط¨ظ‚ | ط§ظ„ط¨ط¯ط§ط** ظ„ظ€"ط³ط¨ظ‚" : ط§ظ„ط£ط²ظ…ط© ط³طھط**ظ„ ط®ظ„ط§ظ„ ظ£ ط£ط´ظ‡ط±.. ظˆظ¦ ط¢ظ„ط§ظپ ط±ظٹط§ظ„ ط±ط³ظˆظ… ط§ظ„ط§ط³طھظ‚ط¯ط§ظ… ط§ظ„ط¹ط§ط¯ظ„ط©
والسلام عليكم
او ادخلوا على نفس العناوين اللي كتبت لكم
والله يعلم كم التقديم من سيرلانكا ونيبال وكينيا وطقتهم تلقونه نص المبلغ اللي ياخذونه منكم
وسمعت انه فيه مكاتب وشركات معطيتها وزارة العمل تراخيص استقدام والباقين نصب في نصب
وكله كوم والتنازل كوم ههههههههههههه اجل سيرلانكية باقي لها سنة والمكتب بيتنازل عنها ب 24 الف لييييش لكزس والا ذهب
الزبدة لحد يستغلكم او ينصب عليكم تمهلوا وتحروا المكاتب المرخصة
والله يوفقنا ويوفقكم
ياشيخة الله يسامحك !
خليني اشرح لك عن الفلبين
انا وزوجي سعوديين مقيمين هناك وعندنا مكتبنا
ولو تشوفين كيف المزايدات على الاسعار الخرافية
اتهمتينا -مع العموم- بأن مكسبنا حرام وممحوقة بركته
ورب العالمين هو الي يتولانا ..
وعليه أقول لك احنا نتعب هنا في اختيار العمالة
وعندنا مكاتب وموظفين واجارات .. وسكن وتذاكر طيران
غير ان تكلفة الخادمه الي رايحه للسعوديه اغلى من باقي دول الخليج !!! بمعدل الضعف
يعني انا لو برسل خادمه لدبي ماراح تكلفني نص المبلغ لو برسلها للسعوديه
لاتحسبين الشغله جايتنا بارده مبرده
و فوق هذا اختصرنا على كثير من العوائل المحتاجه الكثير من الجهد.
كان اولى لو تكلمتي عن الخداع في ارسال عمالة -اي كلام- او سرقة الاموال وعدم الوفاء بمدة الاستقدام المحددة
اشكر لك حرصك على الاخرين يا أم الغالي
وما اعرف شيء عن الهند غير انها تبي تفتح .. والله معدل رواتبهم رووووعه مالت على الحكومة الفلبينيه
عقبال اندونيسيا الي لو فتحت راح يكون لها دور كبير في خفض الاسعار
تقبلي مروري
هيفاء الله يسامحك انتي كمان انا ماجبت سيرة الفلبين واندونيسيا لاني عارفة انهم غالين ورواتبهم غالية تحري الدقة واقري عدل ولاتطيرين في العجة
كثير مكاتب وناس يستقدمون ماعندهم فكرة عن الهند خبرتهم من اسبوعين توهم يدرون لاني ابي الاجر والرزق لناس والفرج لناس محتاجة لكن اذا مكذبتني ادخلي المواضيع يمينك وشمالك وشوفي واتفرجي عالاسعار بنفسك على اسعار سيرلانكا ونيبال واثيوبيا وكينيا وطقتهم بالعلالي
اذا السيرلانكية ب 20 الف شخلوا للاندونيسية والفلبينية ؟؟ ازود الفين 3 واجيب اندونيسية والا فلبينية انظف واحسن وصلى الله وبارك
انا مابي اقطع رزق احد لكن في ناس محتاجة وناس مستغلة هذي الحكاية والله يصلح الحال 🙂
