الوسم: النظره

بالبدايه انا بنت وعمري 21سنه..
أحياناً لما اجلس واسولف مع البنات فجأه وبنص السوالف أقوم واروح اجلس بمكان لحالي احس براحه و اذا جلسو بنات خالاتي يتكلمو ويضحكو افتح جوالي واجلس ع الواتس أو امسح بعض الصور اشغل نفسي بأي حاجه بس عشان مايقولو عبري عن مشاعرك او اضحكي معانا لأني بصراحه مااحس سوالفهم تضحّك احسها عاديه (يمكن لأني جدّيه شوي ) او ماارتاح لأي احد وما اعبر عن الشي اللي احس فيه لأي أحد ع الطبيعه ، بالكتابه اعبر واحكي كل شي بس وجه لوجه اخجل مرره ، اممم وعندي أخت أصغر مني بسنه ذوقها حلو ماشاءالله لما نروح للسوق أمي دايماً تقول لها اشتري لي لبس ع ذوقك لانو حلو ولا مره قالت لي اشتري شي من ذوقك ادري ان ذوقي عادي بس نفسي لو يوم تقول لي مثل ماتقول لها لو تجبر خاطري بس أو تقولها بالغلط حتى لما نروح السووق تقول لي انتي ذوقك صعب وماتشتري لبس زين طيب وش اسوي من وين اشتري لو الملابس اللي بالاسواق مو زينه انا ايش ذنبي 🙁
حتى خالاتي يمدحو اختي ويقولو مكياجك رووعه مرره وانا لا ، اشتريت مكياج من ماك كلفني 300وجلست اتعلم عليه وافتح اليوتيوب واشوف مقاطع تعليميه احاول يعني ، ومره حطيت مكياج وقلت باخذ رآي اختي فيه قالت لي ماتعرفين ترسمين حواجبك وتجلس ع الكرسي وتقول وخري شوي بجلس ع التسريحه كأنها غرفتها لوحدها حطمتني 🙁 ومره كنت طفشانه اتحممت وقلت ابغى اتعلم ع الاستشوار جلست استشور بعد صلاة الفجر وجات اختي تقول الحمدلله والشكر احد يستشور الصبح طنشتها وكملت بس بعد ماخلصت رحت الحمام وبكيييت كنت اتمنى لو جات وقالت لي تبغيني اساعدك أو نتعلم مع بعض وامي مره قالت لي وش هالحواجب امسحيها عريضه بتضحّكين الناس عليكِ ذحين لما احط روج او ارسم عيني او استشور اغسل وامسحه بسررعه ماابغى احد يشوفني ويهزأني و يضحك علي أو أخذ مكياج بالحمام واجلس أتعلم عليه لوحدي ..
صرت مااحب أتعمق مع الناس ابغى علاقتي تكون سطحيه معاهم لأني مااثق بأحد اخاف احكي لهم واعبر ومايفهمووني وبنفس الوقت ماابغى اكون لوحدي ،،
اخواتي انا تعرضت لموقف لما كان عمري 9سنوات اغتصبني اخوي من ورا كان عمره 13 وربي كنت ابكي بحرررقه ويسد فمي ويقول اسكتي مافي شي يعور اغتصبني خمس مرات تقريباً كان يجي بغرفتنا انا واختي لما نكون نايمين اهرب منه ويمسكني بالقووه والله لما اتذكر المواقف هذي ابكي ومااحب اتعمق بتفاصيلها قرررف هذاك الوقت كان ابوي له شهر ميت وأمي عند جدتي كنت بعلمها بس خفت عليها كفايه اللي هيا فيه 🙁
تتوقعوون هالموقف يكون هو السبب اللي مخليني احس بالوحده ومااحب اجلس مع الناس كثير ومااعبر عن مشاعري ..
اوقفو معي وساعدوني ادري الشكوى لغير الله مذله ،، بس انا تعبت من كثر اللي شايلته بقلبي ماابغى اكره اهلي بس ابغاهم يحسون فيني ويزرعون ثقتي بنفسي أو ع الاقل مايقارنو بيني وبين اختي لأن لكل شخص له ميزه خاصه فيه ،،

نزلو مشكلتي لاتخذلوني والله محتاجه لأحد يوقف بجنبي ،،

وصل اللهم وسلم على سيدنا محمد

،

،