طريقة رووووووعة…تخلي أولادك شطورين و مثاليين وتريحك من غلبهم باذن الله…
مساء الفل…كيفكم وكيف كتاكيتكم وكتكوتاتكم…
اليوم جايبتلكم كم طريقة حلوة…تخلي أولادكم يسمعوا كلامكم ويخخفوا شقاوتهم…ماأدري اش اقولكم غير انها مرة حلوة…ونتايجها أحلى…
أول طريقة…تعلم أطفالك الالتزام بالصلاة ع أوقاتها…وتعودهم انهم مايتركوها…
اجتمعي بأولادكم وخبريهم عن أهمية الصلاة…واتفقي معاهم ع اتفاق…انهم كل يوم واحد يؤم أهل البيت في الصلاة…وحطيلهم جدول…واشتركي انتي معاهم في الامامة عشان يزيد الحماس…
مثلا:
السبت: سارا.
الأحد: خالد.
الاثنين: أحمد.
الثلاثاء: ماما.
واتفقوا…انو لو أذن المؤذن واتأخر امام ذاك اليوم عن الصلاة أو نسيها تنتقل الامامة للي بعده بالجدول.
مثلا…الامام خالد….وأذن صلاة المغرب…وماقام ع طول…أو نسي…ع طول يؤمكم أحمد…
وحتلاقي أولادك باذن الله اتعودوا ع الصلاة والتزموا بأوقاتها…وراح يستمروا للكبر…لأنك خلاص عودتيهم…
وتراه جائز…لأن هذي الطريقة عرفتها من داعية…وهي وبناتها يسووا كذا…وماشاء الله تبارك الرحمن بناتها وحدة عمرها 5 والثانية 7…ويؤموا أمهم…
ثاني طريقة…
تعرفي الورق الكبير تبع الوسائل التعليمية…اختاري اللون اللي يناسب غرفتهم…..سعرالوحدة 1 ريال…وفي ألوان حلوة…اشتري اكثر من وحدة…وكل ورقة خصصيها لاسبوع…
اشتريتيها خلاص؟؟؟
ارسمي عليها جدول بألوان جذابة…أكتبي بالصف العمودي أسماء أطفالك بالترتيب…..وقدام اسم كل واحد حطي ترقيم 1 – 2 – 3 …..7….ع عدد أيام الاسبوع…
وبالصف الأفقي…اكتبي الأعمال اليومية زي:
سمعت كلام ماما وبابا…صليت ع الوقت…نمت بدري…كتبت واجباتي وحدي…مااتخاصمت مع أخواني…ماخربت البيت…جلست عاقل…ماخرجت بالشارع…………الخ…
وانتي اختاري الأشياء اللي مبهدلينك فيها أطفالك ولايسمعوا كلامك…
هاتي أقلام ملونة وحلوة مثلا اللي فيها جليتر…واحد فوشي وواحد بيبي بلو…
ابدأي معاهم من السبت…
اللي يسوي الشي صح…حتحطيلو شكل وجه يضحك كذا … ….باللون البيبي بلو…
واللي مايسويها تحطيلو كذا…. …بنفس الخانة…باللون الفوشي…
وتفهميهم انك ماحتجلسي طول اليوم تفكريهم بالجدول…كل واحد يراقب تصرفاته…
وآخر كل اسبوع…اجمعوا النتايج…واللي ياخذ أعلى علامات كذا …
هو اللي ياخذ الجائزة…وخللي أخوانه هم اللي يقدموها له….و يصفقولو ويبوسوه عشان تعوديهم ع التنافس الايجابي وتشيلي من قلبهم احساس الغيرة والحسد…وقوليلهم…يللا مين يبغى يفوز الاسبوع الجااااي؟؟؟أكيد كل واحد يقول أنا…وحيتشجعوا أكثر وأكثر ويلتزموا بالجدول…
ولما يكبروا يتعودوا ع ذأه المبدأ…انومو مشكلة لو خسرت هذي المرة..بس راح أشد حيلي وأفوز المرة اللي بعدها…وانو مافي احد أحسن من أحد كل واحد واجتهاده…بالعكس اللي يفوز نحبه ونقدره…لأنه انسان ناجح…
وعشان تحمسيهم جيبي الهدية من بداية الاسبوع وغلفيها…وخليهم يشوفوها وهي مغلفة من بداية الاسبوع…
وقوليلهم اللي يفوز ذأه الاسبوع حياخذ هذي الجائزة…وحطيها بمكان واضح بغرفتك…أو بغرفتهم اذا تضمني مايفتحوها….عشان كل يوم يشوفوها وماينسوا ويتشجعوا أكثر…
قبل لاأتزوج سوتها ماما…وكنا نتنافس أنا وايلان ( أختي الصغيرة)…وكان عمرها 5 سنوات…وفرق كبيييييير بيننا…طبعا أنا ماكنت منافسة حقيقية لها…بس لانو مافي غيري بالبيت…فكنا نمثل عليها اني أنافسها…ونخليها تفوز عليّا…وتصدق نفسها وتنبسط…وارتحنا من عنادها وعصبيتها…وبعد مااتزوجت…صاروا ماما وجارتها يسووا نفس المسابقة…بين أختي وبنت جيراننا لأانهم عندهم بنت بعمر أختي…وكل يوم وهم بتحسن للأفضل…
بكذا توجهي أطفالك التوجيه الصحيح وترتاحي من ياماما أجلس وياماما لاتخربي…وفيها تجديد مرة حلو…
ربي يصلحهم ويهديهم لكم …
أختكم المحبة…
سوسو دلع
