الوسم: Ehsass

مسائكم / صباحكم

بريحة العود والمسك والعنبر

وحشتوووووووني من زمان مانزلت لكم شي أعذروني على التقصير يا عنوناتي

جبت لكم اليوم كب كيك مظبوووووووووط وطريقته ولا أسهل أخذته من وحده الله يجزاها خير مأذكر أسمها لأن من زمان هذي الطريقه عندي
وقبل أعطيكم المقادير هذي صورته من شان تتحمسون وتجربونه

المقادير بعلبة الزبادي :
بيضتين
علبة زبادي
2 علبة سكر
½ علبة زيت
ملعقة كبيرة بيكنج بودر
3 علب دقيق
فانيليا
الحشوة :
مربى فراوله
حبتين شوكولاته جالكسي
للزينة دموع هيرشي

طريقة التحضير :
تمزج جميع المقادير بالترتيب .
توزع أوراق الكب كيك في قالب الكب كيك كما بالصورة

يوزع الخليط في ورق الكب كيك وذلك بوضع ملعقة من الخليط في كل ورقة.
توزع الحشوة أما شوكولاته أو مربى كما بالصورة …..

تغطى الحشوة بملعقة من الخليط بحيث لا يتعدى الخليط والحشو ثلاثة أرباع الورقة كما بالصورة

توزع دموع الهيرشي على الخليط المحشي بالشوكولاته حسب الرغبه …

يدخل القالب للفرن وتحمر من الأسفل والأعلى …

يخرج القالب ويترك ليبرد ثم يقدم وألف صحه وعافيه على قلوبكم

وهذي الصور النهائيه

هذي صورة الحشوة من الداخل

بسم الله الرحمن الرحيم

السلام عليكم ورحمة الله وبركاته

مرحبا صبايا

جبت لكم كيكه حلوه ولذيذه مرررره وخصوصاً انها بالتفاح

المقادير :

مثل ما أنتوا شايفين بالصوره :
4 بيضات
¾ كوب سكر
¾ كوب زيت
3 ملاعق كبيرة حليب بودره
كوبين دقيق
فانيلا
2 ملعقة صغيرة بيكنج بودر
كوب تفاح مبشور

للزينة :
توفي
مكسرات

طريقة التحضير :

1 – يخفق البيض و الفانيلا بخلاط الكيك .
2 – يضاف السكر ويخلط ثم يضاف الزيت وتخلط جيداً .
3 – يضاف الحليب البودرة والتفاح المبشور وتخلط المكونات جيدا ً .
4 – يضاف البيكنج بودر ثم الدقيق بالتدريج ويخلط الخليط حتى يتجانس وهذ شكل الخليط بعد الخلط .

5 – يسكب الخليط في صاج مدهون .

6 – يدخل القالب لفرن متوسط الحراره وفي الرف الأوسط وتترك حتى تنضج وتحمر من الأعلى مع مراعاة عدم فتح باب الفرن قبل مرور 15 دقيقه .

7 – يخرج الكيك من الفرن ويترك ليبرد قليلاً .

8 – يزين بالتوفي والمكسرات كما بالصور أو على حسب رغبتك .

تفضلوا الصور عزيزاتي
واللي تبي تذوقه تزورني بالبيت وأقطع لها قطعه >>>>>>>

شكلها روووووووعة

تقول أمي ليه ما قطعتيها وريتينا جزء منها من الداخل؟….

وجزاكِ الله خيراً تسلمين يا رب من كل شر

مميزة كعادتك

لا عدمناك

بانتظار جديدك

عزيزاتي مرتادات منتدى سيدتي

السلام عليكم ورحمة الله وبركاته

كيفكم والله وحشتوني ولي فتره ماجبت لكم شي أعذروني فقلت يابنت أدخلي مطبخك وسويلك شي سنع
المهم بعد الحوسه في الدفاتر والأوراق والكتب تذكرت حبيبتي أم يزيد >>> قبل فتره وعدتها ببروست فقلت أسويه لها وأعلمكم بأسراري في صنع البرست وأنا متأكده متى تجربونه راح تتركون المطاعم وأكلهم اللي مايندرى عن نظافته وتمتعي بأحلى برست مقرمش وذهبي اللون >>>> أن شاء الله انك تشوفين موضوعي الحين يأم يزيد وهذا هديه مني لك يالغلا
المهم مالكم بالطويله ….

تفضلوا المقادير :
حبتين دجاج مقطعه لأثمان
عصير ليمونتين
ملعقة بهارات مشكله ( كمون – فلفل أسود – كزبره ناشفه ) على حسب الرغبه وممكن تزيدين
ملعقه ونصف ملح
فنجان شاي زيت
4 فصوص ثوم مهروس
ملعقه صغيره بودرة الثوم

للتغطيه :
بيضه كبيره الحجم
ثلاثة أرباع كوب كرون فلكس مطحون ( يكون لا ناعم ولا خشن )
ثلاثة أرباع كوب دقيق أبيض
ملعقة بهارات مشكله
ملعقة ملح
زيت للقلي

طريقة التحضير :
يعمل في الدجاج ثقوب يالسكين
يوضع الدجاج في صينيه عميقه وتضاف لها بقية المقادير وتحرك حتى تمتزج جيداً وهذي صورته بعد التتبيل

.
تغطى الصينيه وتترك مابين 2 – 5 ساعات حتى يكتسب الدجاج طعم التتبيله .
تخفق البيضه في صحن ثم تسكب على الدجاج في الصينيه وتقلب .
تخلط مقادير التغطيه وتوضع في كيس لحم نظيف .

ترفع قطع الدجاج من التتبيله وتوضع في الكيس ( من قطعتين إلى ثلاث قطع في المره الواحده ) ويغلق ثم يهز الكيس حتى تتغطى جميع القطع وهكذا حتى أنتهاء الكميه وهذي صورته بعد التغطيه وأصبح جاهز للقلي

يوضع زيت غزير في قدر الضغط ويحمى .
تضاف قطع الدجاج للزيت في القدر ويكون وجهها للأسفل حتى يتغطى قعر القدر بالقطع ثم نتوقف عن إضافة القطع وهذي صورة الدجاج في القدر .

يغطى القدر جيداً ويترك على نار عاليه حتى يبدأ بالصفير ثم تهدأ النار جداً ويترك لمدة 10 دقائق ثم تطفئ النار وينزع الصمام لخروج الهواء .
أخرجي قطع الدجاج وضعيها في مصفاه .
ممكن تضيفين قطع الدجاج دفعة واحده إذا كان الزيت غزير أما إذا كان متوسط او قليل ممكن تقلين الدجاج على دفعتين .

وطبعاً مايحلى البروست الا بالبطاطس والكاتشب والمايونيز
تفضلوا الصور النهائيه عزيزاتي

وبعده الحلى عباره عن مهلبيه

لا يكتمل جمال موضوعي الا بردودكم

في أمان الله

الله يعطيكـ ألف عافيــــــه وتستاهلي أحــــــــلى نقاط[

مسائكم بروعة حضوركم

مسائكم ورد

كيفكم ان شاء الله بخير

وكل عام وانتم بخير وصحه وعافيه يارب

جبت لكم طريقة جنااااااااااااااان لتقديم التمر في المناسبات والأعياد

بصراحه هذي الصوره لها سنتين في جهازي حتى لا حظوا التصوير بس ان شاء الله تكون واضحه

المقادير :

حبة أناناس
تمر
أعواد أسنان

طريقة التحضير :

تأخذين حبة الأناناس وتقشرينها وتساوين سطحها السفلي من شان إذا حطيتيها في صحن التقديم تكون متوازنه ( اتمنى فهمتوا قصدي )

تقصين أطراف الورق الأخضر بطريقه جميله مثل الصوره .

تأخذين التمر وتغرسين في كل حبه عود أسنان ثم تغرزينه في الأناناس بشكل مرتب وهكذا حتى تنتهين من تغطية الأناناسه بالكامل .

ترفع الأناناسه وتوضع في طبق التقديم …

اتمنى تحوز على رضاكم وان أكون وفقت في طرح ما يرضي أذواقكم

لاتنسوا الصفحة مراقبة عشان اشوف الي يدخل ولا يرد خخخخخخ

كيفكم ياحلوات

أمس طبقت مكرونة البيتزا للأخت هايدي الجميله

ولو أتكلم من الحين لبكره ماراح أوفيها حقا بجد روووووووووووووعه

وانصحكم تجربونها

وهذا رابط موضوعها

بالصور مكرونة البيتزا

وهذي صور تطبيقي

قبل أدخلها للفرن

وهنا لما أخرجتها من الفرن

وهذي القطعه لأول وحده ترد

ان شاء الله يعجبكم

دعواتكم لي ولأختي هايدي

عزيزاتي إداريات ومشرفات وعضوات منتدى سيدتي .. يسعدني ان أقدم لكم هذه الهديه بسيطه وأتمنى من الله عز وجل ان يوفقني وأياكم لما فيه الخير والصلاح

تفضلوا حياكم الله …..

[

هذي قبل التزيين والتقديم

وهنا جاهزه لتقطيع

وهنا كمان

بسم الله ونقطعها

وهذي القطعه هديه مني لأختي العفو عند المقدره بمناسبة توليها الأشراف …. الله يوفقها يارب

تفضلوا كل وحده تاخذ لها قطعه بس اللي يسوون رجيم يسفطون على جنب

وهي عباره عن كيك أسفنجي محشي مربى وكريمه ومغطى بتغليفة الزبده
وهذا رابط موضوعي للكيك الأسفنجي

أحلى تورته لأحلى أعضاء من مطبخ أجمل إحساس بالصور

وأي أستفسار أنا حاضره

دعواتكم

شكلها مرره رهيبه

تسلم ايدينك يالغلا

من يد مانعدمها..

لاعدمنـــــــــــاكـِ