الوسم: lt;رسالة

السلام عليكم ورحمه الله وبركاته

رسالة إلي اي حد اتظلم أو في هم وكرب كبير أو ربنا وضعها في ابتلاء عظيم
ازيكم يارب تكونوا بخير
انا حبيت اوجه رسالة انهاردة لكل واحدة اتظلمت او اتأذت او وقع عليها ابتلاء كبير او عندها هم عظيم ودخلت مخصوص عشان احكيلكم على حاجة تشجعكم اكتر على تحمل مصاعب الحياة اولا انا كنت زي زيكم وجاتلي المصايب كلها ورا بعض فجأة واخرهم كان موت والدي موت الفجأة بس الحمدلله قدرت اصمد وارجع احسن من الاول بالصبر وايماني بربنا والحمدلله ان ربنا كان منزل على قلبي السكينة وقت ما وقع عليا الظلم "مش معنى كده اني ماكنش بيجيلي لحظات ضعف خصوصا انه كان ظلم كبيييير وفكرت كذا مرة في الانتقام ولكن الحمدلله استعنت بربنا وقربتله اكتر وهون عليا كتييير خصوصا فراق والدي" في اكتر وقت كنت محتاجاله ففكرت بطريقة ايجابية وقولت احسن بدل ما الحزن يسرق وقتي واغرق فيه والدنيا اساسا مش مستاهلة الافضل اني افكر ازاي اطلع نفسي من الحزن والوجع ده واقرب من ربنا وازود من الاعمال الخيرية واكتم حزني جوايا واساعد امي واختي يخرجوا من محنة فراق والدي وابان قدامهم اني قوية وان ده قدر ربنا ولازم نرضى به لان ربنا وعدنا وقال "وبشر الصابرين " والحمدلله صبرت وتحملت واستعنت بربنا ووقفت على رجلي بعد ما كان اليأس حيموتني ويضيع حياتي هدر وحاسة ان ربنا عوضني في حاجات كتييير جدااا فعلا ماكنتش اتخيلها تحصل وحصلت لان ربنا برضه قال "فَمَنْ يَعْمَلْ مِثْقَالَ ذَرَّةٍ خَيْرًا يَرَه * وَمَنْ يَعْمَلْ مِثْقَالَ ذَرَّةٍ شَرًّا يَرَه " يعني اللي بيعمل خير بيلاقي خير وده اللي لقيته بإستعاني بربنا سبحانه وتعالى عشان كده حابة اوجه رسالة امل لكل حد هنا اتظلم او حاسة ان قلبها موجوع او في كرب شديد فمش حقولك اني مش حاسة وخليكي عادي والموضوع سهل لا طبعا اللي انتي فيه محدش حيحس به غيرك انتي مهما كان الموضوع مؤلم بس برضه انتي اللي بإيدك الحل انك تشيلي الظلم ده من عليكي وتستعيني بربنا وتحسني الظن به "انا عند ظن عبدي بي فليظن بي ما يشاء" وصدقيني ربنا بيكون حاسس بينا جدااااا فإحذروا من اليأس عشان ده الشيطان وتفائلوا دايما بالخير "تفائلوا بالخير تجدوه" "ولا تيائسوا من رحمه الله" "لا تقنطوا من رحمه الله" شوفوا وانتم تصدقوني حتى لو كنتم في كرب او هم ملوش حل "ربنا مش بيدي حد ابتلاء غير لما يكون عارف ان الحد ده حيستحملوا وحيعدي بإذنه ورحمته اولا ثم استعانكم به وثقتكم في كرمه ورحمته وايمانكم ان مهما كنتم دلوقتي في عسر فإن ربنا بإذنه حيكون يسر " "إن مع العسر يسرا" لَا يُكَلِّفُ اللَّهُ نَفْسًا إِلَّا وُسْعَهَا "
طيب انا جيبتلكم كل شئ بقوله ومعاه آية قرآنية نيجي بقى لتطبيقه في الواقع: ححكيلكم على موقف حصل مع اختي لسة حكيهولي هو موقف بسيط اه بس بيوضح اد ايه ربنا كريم وحاسس بعباده ورحمته واسعة
الموقف :
اول ما والدي رحمه الله عليه وعلى جميع موتى المسلمين يارب ان اختي ووالدتي كانوا في قمة الانهيار ودايما بكاء واختي بالذات الصدمة من كتر ما كانت كبيرة علينا لان والدي الله يرحمه كان نعم الرجل الصالح وسندنا في الدنيا وربنا الحمدلله كرمه بحسن الخاتمة رغم انه موت مفاجئ فإختي ماستحملتش ودخلت في حالة هيستيرية ودايما صراخ وبكاء وانهيار فبعد نصح من اهلنا واصدقاءنا وخطيبها رجعت تحضر دراسات عليا تاني وفي دكتور عندها في الجامعة مجنون شوية وشايف نفسه عشان كبير في السن وراجع من انجلترا والغرور اعوذ بالله راكبه فطبعا اختي ماكنتش في الاول بتقدر تركز لا في محاضرات ولا في شئ وكل الدكاترة اللي في الجامعة بيعزوها جدا ومقدرين اللي هي كانت فيه ماعدا الدكتور ده وفي مرة بيسأل اختي على شئ فقالتله اسفة نسيت فصرخ وزعق جاااامد ليها وحرجها وجرحها بكلام جاااامد جدااا وقالها هو انتي فاكرة نفسك ايه ايه يعني لو ابوكي مات الدنيا خلاص وقفت ولا كل حد يموتلوا حد يقعد يتسهوك ويبكي ما كفاية قرف وكلام تاني مش قادرة اكتبه ربنا يهديه اختي طبعا انهارت اكتر لدرجة انها كان حيغمي عليها قد كده مفيش احترام لحرمه الميت ولا في تقدير لمشاعر بنت فقدت ابوها ووقتها كل الدكاترة عرفوا وفضلوا يهدوها واتضايقوا جامد منه وهي قالت كلمة واحدة بس "حسبي الله ونعم الوكيل في كل ظالم بكرة يموت له العزيز والغالي عنده ويعرف ايه معنى حرقة القلب والروح على فراق الميت خصوصا انه موت فجأة" مفيش يومين واخت الدكتور ده توفت والله العظيم اختي بتقولي انه فضل اسبوع في انهيار وهوجة وحالة هيستيرية من كتر ما كانت الصدمة كبيرة عليه لانها ماتت في حادثة بشعة وفي الاخر تلف الايام ويروح لاختي عشان يعتذرلها
شوفتوا ايه معنى الظلم وحق المظلوم عمر ربنا ما يضيعه اللهم لا شماته بس انا حابة ادي امل لكل حد من ارض الواقع واقول لكم دعوا الخلق للخالق ربنا كفيل بعباده ودايما فوضوا امركم لله واستعينوا به "واستعينوا بالصبر والصلاة" واوعوا تيأسوا من رحمته مهما يكون حالكم الفرج جاي جاي وعلى قد ما حتصبروا على قد ما حتنولوه ..

فلنكون شديدين الحذر والحرص
فلقد كانت المسألة تمر على العدد الكبير من الصحابة
فيدله على غيره تورعا منه
وخشية أن يخطيء في الحكم
وها هو رجل سافر شهرا للإمام من الآئمة الأربعة
لكي يستفتيه في مسألة
فقال له الإمام
الله أعلم
فقال له الرجل
أتيتك من مسيرة شهر لتقول لي الله اعلم
فبماذا أخبر قومي إذا رجعت عليهم
قال
قل لهم
قال لا ادري

وقال الله تعالى: { وَلاَ تَقْفُ مَا لَيْسَ لَكَ بِهِ عِلْمٌ إِنَّ السَّمْعَ وَالْبَصَرَ وَالْفُؤَادَ كُلُّ أُولـئِكَ كَانَ عَنْهُ مَسْؤُولاً}من جملة ما نهى الله عنه الإفتاء بغير علم، ولكننا نرى كثيرًا من الناس في هذه الأيام صاروا يتجرؤون على الفتوى بغير علم ويستسهلون التسرع والتهور بالإجابة عن مسائل الدين بلا تثبت ولا تحقق فنراهم في قضايا الصلاة يُفتون بغير علم وفي قضايا الزكاة كذلك، وفي موسم الحج أو في أرض الحجاز يُفتون بغير علم وفي موضوع زكاة الفطر والفِدية وكفارة اليمين يفتون بغر علم وفي موضوع الطلاق وعدة المرأة المتوفى عنها زوجها يفتون بغير علم وكثيرمن النساء هداهن الله يتخبطن في هذه المسئله وكذلك فيمن سبّ الله او الأنبياء أو الملائكة كثير منهم يفتي بغير علم

فمن علامة كون الشخص كذابًا وليس من أهل الاجتهاد أن يأتي بفتوى تخالف جميع المجتهدين الذين سبقوه، لأن المجتهد لا يؤدّي به اجتهاده إلى الخروج من الإجماع.
ليس كل إنسان حفظ حديث رسول الله صلى الله عليه وسلم صار من أهلا الاجتهاد بل المجتهد من اكتملت فيه شروط الاجتهاد التي ذكرها العلماء في كتبهم.

اشكركم على المرور لكن الرساله منقوله أنا لم أكتبهاااااااااااْْْْْ