السلام عليكم..
انا مشكلتي مره متدهوره جسدياً ونفسياً والله عوضني عاطفياً
هذي قصتي لان اذا طرحت المشكله ماحد راح يفهمني
انا بنت احس اني صغيره عمري 17
كنت متملكه استمرت الملكه 3 سنين لاني تملكت وعمري 14 عشان ينطرني اكبر بس احس اني توني
المهم
قبل العرس ب8 شهور
حسيت بأرهاق صرت ما العب رياضه كعاتي
استمريت ثلاث شهور وانا كل ماقمت من النوم اشوف وجهي متنفخ وحتى جسمي اهلي عجزو يعرفون شاللي فيني وانا كنت اعتقد حساسيه من لبس او كريم او اكل
والانتفاخ مره يخف مره يكثر ومره مايجي
امي ودتني مستشفى وخذو تحاليل وخرابيط وقالو كل شيء سليم
ياناس انا اتعب بسرعه واتنفخ وصداع شبه يومي وحتى متعوده على الصداع
من مستشفى الى مستشفى وكل مستشفى يطلب تحاليل
وماكو شيء
رحنا الطواري لان عرسي مابقى عليه ثلاث اشهر
ونوموني وسوو لي اشعة صوتيه بالقلب
قالو سائل حول القلب بنعطيها حبوب اذا ماراح السائل سوينا لها عمليه سحب سائل وهالعمليه خطيره
طبعاً المستشفى هذا فاااشل درجه اولى
فكرت وقلت هل هذا الانتفاخ والارهاق والكسل والصداع من السائل..؟
يعني عرفت مشكلتي من شهوووور
لكن للاسف السائل مو هو السبب لهذي الاشياء الانتفاخ وغيره
استمريت بالحبوب ورحنا الموعد بعدين قال اللي مسوي الاشعه لازم تنويم وعمليه
رحنا للدكتور قال بنومها وبنسوي العمليه وهو عالكمبيوتر
تراجع وقال لا لا لا مو لازم نسوي العمليه وعرفنا سبب وجود السائل بالقلب
وهي الغده
وعطاني حبوب وقال اكلي 50
انا قلت ماراح استمر كذا بهذا المستشفى اللي توه يعرف مشكلتي من شهور وانا اجيه
رحنا مستشفى الملك فهد الله يرحمه
ومشاء الله عليهم على هذا الاهتمام والاخلاق والخبره
عرفو كل شيء فيني عن طريق الملاحظه من الساعه 9 الصبح الى 1 الظهر
وهالمستشفى الفاشل اللي شهور ماعرف علتي
المهم يوم شافوني الملاحظه قالو لازم عالعنايه
ودوني العنايه لحالي من غير مرافق
واول ما دخلت على طول سدحوني وقالو لا تقومين
ويجي دكتور سعودي الله يسعده ويوفقه
معه ورقه قال نسوي لك العمليه الحين ولازم توقعين
شفت امي رايحه للبيت قلت احسن ووقعت
وسوو لي العمليه اللي خلتني يوم كامل ما انام من الالم
ولا بعد كان بيخلون السلك بقلبي يوم ثاني بس انا رفضت خلاص ماصرت اتحمل
بيخلونه يوم ثاني لاحتمال بسيط مع انهم شافو قلبي مافيه ماء بس بيشوفون اليوم الثاني كحتمال بسيط
طلعت ورحت ودوني نوموني وقالو كل مشاكلي
وهي نقص فتامين دال نقص البروتين واشياء كثيره
وقالو عندك غدتين وهي اللي سببت الماي عالقلب
وهي النخاميه نشيطه
وهي الدرقيه الخامله
وعطوني حبوب وحسيت خفيت شوي ومن يوم بديت بالحبوب الانتفاخ ماجاني ابد الا بعد مانسيت الحبوب تنفخت
قعدت اسبوعين وانا منومه وقالو مانطلعها ابد وانا عرسي باقي له 13 يوم غير عرس اخوي قبلي باسبوع
وحاولت اطلع بمسوليتي لان بهذا الوقت حسيت اني خفيت الحمدلله
طلعت وبديت بالاعداد للزفاف
الحمدلله اتزوجت وكانت نفسيتي خايسه مره بشهر العسل حتى ماتهنيت فيه من الضيقه وهو ان زوجي دايماً يطلب مني اخلص من غشاء البكاره
لان اول ليله من الجماع تركني لاني كنت خايفه وكان حاس فيني
والايام تمشي وحنا كم محاوله ومرت ايام وانا اصرفه علماً باننا برمضان
فهذا الشي زادني ضيقه اني ماعطيت زوجي حقه وكانت نفسيته خايسه وكنت حاسه فيه والحمدلله ان الله عطاني رجل واعي ومثقف ومتفتح
والله لو كان واحد غيره كان ذبحني
المهم اعطيت حقه في اخر يوم بشهر العسل<<لحقت عالشهر هههههه
بس بصراحه عرفت ان تمزيق الغشاء البكاره مايستدعي هالخوف كله والضيقه
والحين الحمدلله زانت نفسيتي وزانت نفسية زوجي
ورجعت ضيقتي وهي بهالمشكله
المشكله اني احس بالكسل والارهاق وكثره النوم واكل حبوب الغده 75
والان انا ما ابي احمل وانا نحفانه مره بعد ماكنت متوسط
الحين عود وحتى حيلي منهد اقعد 5 دقايق على ما افتح علبه الماي
قوتي تحت الصفر
فمشكلتي انا صغيره ومابي احمل هل اكل حبوب منع حمل
هل تضرني وتضر بقوه مع الغده؟؟
وهل الغده النخاميه النشيطه والدرقيه الخامله تمنع الحمل..؟
اتمنى تساعدوني 
الله لايحرمني منكم
نصيحه ي قلبي تروحين لدكتور اللي عمل لك العمليه
لانه ادرى بصحتك و تستفسرين منه اذا كان عادي
اكل حبوب منع الحمل مع ادويتك اللي وصفها لك …!!
لاتلعبين بنفسك وتسئلين احد روحي لدكتورك واسمعي كلامه
وربي يوفقك ويسسعدك بحياتك ^^
|
المشاركة الأصلية كتبت بواسطة أمؤؤؤله هأنم
 عليكم السلام
نصيحه ي قلبي تروحين لدكتور اللي عمل لك العمليه لاتلعبين بنفسك وتسئلين احد روحي لدكتورك واسمعي كلامه |
وعقب يبون يحملو ماصار حمل
والله اعلم السبب
ولكن اذا فيه مضره على صحتك الحمل شوفي دكتورة فاهمه
اذا انتي تعبانه الحين ترا الحمل بعد يتعب
يمكن اللولب يناسبك بدل الحبوب لانك بعد تستعملين حبوب
للغده ويمكن ما يتماشون مع بعض لهذا عليك بادكتورة.
اخر يوم في شهر العسل ههههههه وبعد مسمته شهر عسل
دمتي بالف خير
استغفر الله ربي واتوب اليه
