الوسم: MonsiLagara

الســــــــــــــــــلام عليـــــــكم ورحمــــــة اللــــــه وبركاتــــــــــه

MonsiLagara

مشروعي الخاص اليديد … وهذي اول صور أعرضها لكم

طبعا حقوق الطبع محفوظة … ما أحلل اي بنت تاخذ الموديلات أو تسرق الأفكار.

وببدا اعرضلكم اولى تصاميم .. والقادم اااتي انشالله

**************************************
الصندل الفلات عبارة عن موديل بو صبع لونة وردي فية فيونكات مطعمة بفصوص وبحجر سوارفسكي … طبعا هاذي الصندل محجوزة خلاص .

واكيد نحن مانتقيد باللون .. فأي لون تبينه تسوين عليه نحن حاضرين والله

سعرها 270 درهم

………………………………………….. ………………………

النعال الصندل البرتقالية مع قاعدة صفرا مطلوبة ومحجوزة قيمتها 330 درهم
مطعمة بين السيور البرتقالية بكرستال سوارفسكي اصفر وبرتقالي اللون الحلو… تنفع لقعدة بنات أو زيارة ناس على غداء… وهاذي مطلوبة للصباحية العيد.

وومثل ماقلت نحن مانتقيد باللون .. فاي وحده تحب نغيرلها الالوان وباللي يعيبها نحن حاضرين

مثلا عندكم .. الاصفر او الذهبي مع البني / الازرق مع الاخضر / والسماوي مع البني

او اي لون انتي تحبينه

فكرة صغيرة اضفتها .. فية خاتم صغير ينلبس للنعال وعلية حجر صغير من نفس اللون سوارفسكي بعد تقدر ****ونة تلبسة بصبع ريلها او صبع ايدها كطقم.

………………………………………….. …………………………

النعال الكعب هذا معروض للبيع .. وهو مصمم خصيصا للأعراس وقيمته 480 درهم … شغل ايد ومتعوب علية من الخاطر خاصة الريش.

عبارة عن ريشتين على كل طرف والسير من فوق ذهبي كرستال سوارفسكي… ومن عند الاصابع 3 سيور كرستال ايضا سوارفسكي بلون الكحل والاخضر والذهبي… بكعب معقول .

والريش ترومين تشيلينة وتركبينة .. يعني نعالتين بوقت واحد تلسينها مرة من غير يش.. واذا عندج شيء مثل الطاووس ركبي الريش عليها بكل سهووولة … التجديد مطلوب والافكار الغريبة تخصصي

وان شاء الله بنات اللي طلبوا مني يشوفون شغلي يطمنون كلها تصاميمي وشغلي هذا … وانتظروا المزيد بعد الاسبوع الياي صندلين ونعال كعب تايجر.

وان شاء الله بديت استقبل الطلبات للصنادل او النعل بو كعب للأعراس او للعيد او العزايم والحفلات.. بنات اخر يوم استقبل الطلبات 10 رمضان عشان الضغط … الحمدلله.

اللي تريد تراسلني عالخاص. وتطمن عندي التصاميم تخبللللل بس ما احطها عالعام ومسجلتنها عندي بالدفتر للطلبات الخاصة وخاصة الاعراس والعيد .. اللي يحبن يكشخن حياكن واللي تزهب لعرسها ما بتندم معاي ..

والله عندها اي استفسار ممكن تراسلني على هالايميل الخاص بي في البروفايل مالي

اترككم في حفظ الله ورعايته