الوسم: part1

السلام عليكم
هي اول مشاركة لالي و اول منتدى بشترك فيه حبيت انقل تجربتي لاكبر عدد ممكن من الناس لاني تعذبت كتير لحتى اعرف اي معلومة تساعدني بموضوع الحقن المجهري انشالله ما طول عليكم
انا فتاة متزوجة من اربع سنوات كان عمري 20و الحمدلله كتير مبسوطة مع زوجي بس الله ما رزقني بالحمل الطبيعي و حاولت كتير و السبب عند زوجي (دوالي في البداية) عمل عملية الدوالي بس للاسف النتيجة ما تغيرت كتير و ما صار حمل و الحمدلله في عندو نطاف بس مو كتير بس المشكلة الاكبر كانت بالحركة تقريبا معدومة طبعا جربنا الحقن الصناعي و باء بالفشل و بصراحة متل قلتو و ما كتير بنصح فيه بعدين قررنا نروح على دكتور عنا دراسته و اختصاصه باميركا بيعالج العقم عند الزوجين رحنا لعندو بال2017 و عطاه مقويات لزوجي و هرمونات لمدة 6 اشهر لعلى و عسى يمشي حالو الحمل الطبيعي بس من الاول قلنا نسبتو ضعيفة و يفضل عمل طفل انبوب لانو الحركة ما بتهم فيه

طبعا ما صار حمل و رجعنا بصيف 2024 و زرناه و قررنا عمل الحقن المجهري هلأ رح احكي تجربتي الناجحة بالتفصيل بس انشالله ما يديق خلقكون مني و اقدر فيدكون

مدة اخر دورة كانت من 2392016 الى 2992016
تاريخ اول زيارة للدكتور كانت 4102016 قام بمعاينة مهبلية بالسونار المهبلي لفحص وضع المبايض و كان كل شي سليم حتى يوجد اباضة طبيعية عندي ممتازة و طلب اجراء تحاليل في اليوم الثاني و مراجعته و كانت التحاليل باخذ عينة دم و اجراء خمس او ستة تحاليل من بينها هرمون الحليب البرولاكتين

اجريت التحاليل يوم 5102016 و كانت النتائج كلها ممتازة و الحمدلله مع ارتفاع بسيط بهرمون الحليب و هو مقداره الطبيعي 25 انا كان عندي 38
كلفة التحاليل تقريبا 2800 سوري و راجعت الدكتور بنفس اليوم و طلب اخذ ادوية عبارة عن : ادافول-فوليك اسيد(حمض الفوليك)حبة يوميا طول فترة العلاج
dostinex:هو دواء لهرمون الحليب مؤلف من حبتين كل حبة تؤخذ في اسبوع على قسمين و يكرر طول فترة العلاج (800 ليرة سوري)
زيتروماكسين:علبة واحدة فيها 4 حبات حبتين اول يوم و بعدين حبة كل يوم

بدأت بأخذ الدواء بتاريخ 6102016 و طلب الدكتور مراجعته بتاريخ 14102016 و تم ذلك و فحصني مجددا بالسونار المهبلي للتأكد من صحة المبيضين و طلب اخد 10 ابر من decapeptyl و هي ابر هرمون بعتقد كورتيزون لتسميك بطانة الرحم مشان يعشش الجنين و هي ابر تحت الجلد و يفضل اخدها من قبل ممرضة و كل يوم بنفس الوقت تماما بسعر 350 سوري للابرة الواحدة حتى اليوم التاني من الدورة لازم روح عالمركز عالريق لعمل فحص هرموني

سالت الدكتور عن اذا ما تأخرت عليي الدورة بسبب النفسية فعطاني اربع حبوب مانع حمل كل يوم حبة لضمان مجيء الدورة بموعدها و المقدر ب21102016

استمريت بأخد الادوية مع الابر تحت الجلد و اجت دورتي بتاريخ 23102016و كان حساب الدكتور اصح من حسابي و كان اليوم التاني من الدورة هو موعد الابرة العاشرة رحت تاني يوم عالمركز و تفاجأت انو الدكتور فحصني بالسونار المهبلي مع اني بالدورة بس هي الطريقة الوحيدة ليكشف اذا في تكيسات و الحمدلله كان الوضع كلو سليم و طلب مني فحص دم جديد للتأكد من النسب و نسبة هرمون الحليب و كان التحليل بنفس اليوم و النتائج كلها تمام و صار فيني ابدأ بالخطوة الجديدة و هي ابر التحريض

كانت كلفة التحليل 2400 ل س اما ابر التحريض فهي لتعمل البيوض كبيرة و اكبر عدد ممكن و كنت اخد كل 3 ابر في ابرة وحدة 3 علب بودرة تخلط مع عبوتين سائل اسم الابر mengon
و لازم اخد 18 ابرة منها مع نصف ابرة تحت الجلد من decapiptyl ابر التحريض بالعضل طلب الدكتور مراجعته يوم السبت الموافق ل 30102016

راجعت المركز يوم السبت و عملت فحص دم e2 بتكلفة 800 و فحص الدكتور وضع البيوض و كان متفاجئ لوجود 20 بيضة و الحمدلله و هي نسبة عالية و قال حالتي ممتاز الممتاز و تقبل جسمي عالي و بعد ما شاف نتيجة التحليل قلل جرعة ابر التحريض لابرتين لمدة يومين مع ابرة كاملة تحت الجلد كل يوم و المراجعة تكون يوم الاثنين 1112016 و الوقت المتوقع لسحب البيوض هو الاربعاء

ملاحظة: بهي الفترة كنت اشرب كتير ماء لاني قريت انه يساعد بموازنة هرمونات الجسم و في نجاح التبويض بشكل ممتاز كنت كل يوم اشرب غصب 2لتر

راجعت الدكتور يوم الاثنين و كان عندي اكتر من 4 بويضات بقياس 20 مل و بعضها 18 مل و طلب اتوقف عن اخد ابر التحريض بس ابرة وحدة تحت الجلد و بنفس اليوم اخد عند الساعة 11 ليلا 6 ابر من pregnyl كل 3 ابر بودرة ينحل ب واحد ونص ماء في العضل على شكل ابرتين كل وحدة على طرف و هي ابر تفجير و حدد موعد سحب البويضات يوم الاربعاء 3112016 الساعة 9 صباحا و يوم التلاتاء ما كان فيه و لا ابرة مع الاستمرار بدواء هرمون الحليب للحفاظ على توازن هرمونات الجسم و الفوليك اسيد و انا كنت كل هي الفترة عم اخد كل يوم حبة من المقوي العام ادافيت ام

الله يتمم حملك على خير … ويرزقك منه قرة عينك

الله يتمم حملك على خير … ويرزقك منه قرة عينك