الوسم: smart

طبعا أي واحدة معاها عربية وبتسيبها في الشمس ساعة او اتنين بترجع تلاقي العربية نار من جوة – واستعمال الشماسة الصغيرة اللي بتركب في زجاج العربية الامامي مش مجدية بالمرة – لان برضة الشمس بتسخن السقف والاجناب – وكمان الغطاء الكامل للعربية مش عملي بصراحة وممكن يتسرق بسهولة جدا – وكمان الغطاء الكامل صعب لاي واحدة تربطه في وسط الشارع عشان محتاج انك توطي تحت عشان تربطيه وده مش هينفع في الزحمة – وفي الاخر مربوط من برة بس واي حد يشده او الهواء يطيره
فكرتنا بالصور:

الفكرة زي مانتو شايفين: خامة عازلة للحرارة وجهها فضي والظهر لون نبيتي – تتفرد على السيارة بعرض السيارة بكاملها وبطول يغطي الزجاج الأمامي والسقف والزجاج الخلفي – ومن الأجناب فيه رفرفة تغطي شبابيك الأبواب من الداخل – والربط الأمامي ب 2 حبل وكليبس لسهولة الربط والربط الخلفي ب 2 أستك ممتاز وكدة تبقى فري سايز لأي عربية

الفكرة في انها ضد السرقة ان الجزء الجانبي بيدخل جوة ابواب العربية والباب يتقفل عليها – وكدة انسى ان اي حرامي يسرقها او الهواء يطيرها او حتى قطة تخربشها.

وكمان الخامة العازلة للحرارة ممتاااااازة جدا وهي هي اللي بيتصنع منها خامة الشنط العازلة للحرارة وحافظات الزجاجات الحرارية

بالإضافة لكدة: مش محتاجة توطي تربطيها من تحت العربية لان الكليبس بتاعها بيتربط من فوق – يعني مفيش معاكسات ولا مضايقات

ممكن واحدة تقول طيب وايه الفرق بينها وبين الغطاء العادي غير منع السرقة والشكل المتميز والعزل الحراري؟

اقولك: أولا: الغطاء العادي لو قماش ونزل عليه ماء او مطر لازم تنشريه عشان المياه تجف – دي ووتر بروف اصلا
ثانيا: الغطاء العادي محيط بالسيارة من كل اتجاه وبالتالي الشمس برضة هتسخن الغطاء نفسه وتسخن السيارة بالتالي – انما هنا الفكرة ان الهواء اللي بين جسم السيارة وبين الغطاء الخارجي بيتبدل باستمرار ومش محكوم لانها مش مقفولة عليه – يعني تبريد طبيعي وانسى ان صالون السيارة يسخن أبدااااااااااا
ثالثا وده أروع جزء: الغطاء التقليدي بياخد نصف شنطة العربية لان حجمه كبير – انما الغطاء بتاعنا احنا حجمه مثالي ومعمول في حافظة شيك جدا جدا وحجمه كله لا يتجاوز حجم كتاب متوسط. (وصورة الحافظة موجودة على كبوت السيارة وهي دي اللي بيتلم الغطاء كله فيها)