السلام عليكم و رحمة الله و بركاته انا بنت عندى 25 سنه اتمتع بقدر عالى من الجمال و الشياكة و حسب و نسب و املك سيارة و اعيش فى مكان راقى والحمد لله و لكن لسوء الحظ اتعرفت على شبابا كتير على مدار حياتى بهدف الزواج بس المواضيع مكنتش بتكمل لأنى بطبيعتى جد و مش عايزة اصاحب واحد و خلاص انا زى كل البنات نفسى اتجوز و اعيش حياة مستقرة و من 3 شهور كده روحت اشتغلت فى مكان جديد باختصار قابلت فيه ولد مهندس عنده 32 سنه و مش لابس دبلة اول مرة قابلته كان خدوم جدا معايا بعد كده حصلت مشكلة بيننا و عاملنى فيها وحش اوى و انا قطعت معاه خالص و بعدها بقى اتغير معايا و صالحنى و اتاأسف على اللى حصل منه و بقينا كل يوم نقرب اكتر من اللى قبله لدرجة انه قالى انه متزوج و عنده بنت عندها 7 سنين و مامته و اخواته كلهم بره مصر يعنى ملهوش فى الدنيا غير مراته و بنته المهم انا اتصدمت لأنى من اول يوم و كنت حاسه انه معجب بيا و قالى انا هجبلك عريس و احد صاحبة غنى اوى و لقتنى فجأة بقولوا لاءة قالى ليه انا مستخصرك بصراحة بنت زيك متتسابش انا صاحبى محترم جدا قلتله لاءة برده وبعدها قلى نخرج خرجنا مرة و اتنين و تلاتة و ارعة و عشرة و بقينا بنشوف بعد فى الشغل و بعد الشغل و نروح نتكلم و مبقاش فى حياتى ولا فى قلبى حاجة غير ليه هو و بسسسسسس و اتكلمنا فى حاجات كتير و فوجئت انه فى شوية مشاكل بينه و بين مراته تكمن فى عدم اهتمامها بنفسها على الأطلاق يعنى تسيب شعر جسمها و تخييينة جدا و رافضة تخس و الأكبر من ذلك انه و حيد و نفسه يخلف تانى و هى رافضة لأنها تعبت فى الولادة و اتعقدت و هو نفسة فى العيال بيقولى نفسى يملوا عليا حياتى المهم فاتحنى فى موضوع الزواج و انه عايز يتجوزنى رفضت بشدة و قلتله انا مش عايزة اهدم حياة بنتك و مراتك بكره هيدعوا عليه انى هدمت بيتهم نسيت اقولكم اد ايه هو راجل و جدع و اد ايه عرفت معاه معنى الحب بجد المهم انا بحبه اوى و بدوب فيه كده و خايفة اوى خايفة من بكرة و خايفة من ربنا ينتقم منى انى هدمر حياة بنته و مراته لو وافقت و كمان خايفة من رد فعل اهلى اللى عمرهم ما هيوافقوا الا بعد كتير اوى انا عارفاهم و خايفة من الناس كلها وخايفة منه هو شخصيا بعد ما يتجوزنى يحب واحدة تانية عليه و نسيت اقولكم مراته بتديله حقه الشرعى بالعافية بالعافية و اذا طلب تانى ترفض و بشدة بحجة الخوف من الحمل مرة اخرى بس هى بتحبه اوى انا بحس بكده و انا دلوقتى محتارة و نفسى تدلونى على بر امان مش قادرة اقرب و مش قادرة ابعد ،،، آسفة انى طولت عليكم ساعدونى برأيكم
مش كل الرجاله صادقين في كلامهم بالتاكيد ممكن يكذب لانه مجرد اعجاب بيكي ويشيد بانوثتك
انتي تستاهلي واحد يحبك لوحدك فكري في دا الموضوع مش واحد حتعيشي معاه على كف عفريت ممكن يرجع لمراته في اي لحظه لو حس منك اهمال بعد انجابك للاطفال >>والاهمال ترى يكون غصب عليكي مع الحمل والاطفال >>خلي في بالك الاولى حتكون مدلله مش حتنجب وانتي اللي حتنجبي الاطفال واللي حتتبهذلي وفي احتمال كمان تخلي ليكي البنت تربيها
اعملي في بالك كل الاحتمالات ورده الفعل من زوجته >>ولاتنسي انتي تستاهلي اكثر من ده
وهناك جوانب كثيره ماتكلمنا عليها واهما خراب البيوت اللي حتعمليه
احلى بنات
