المقادير:
كيلو و نص لحم ضاني او بتلو او كندوز مقطع
3 أرغفة عيش لبناني أو رغيفين عيش بلدي
2 كوب رز مصري
3 فصوص ثوم مفرومين
بصلة متوسطة
4 معالق سمنة
شعيرية
ملح و فلفل و حبهان (هيل) و مستكة و ورق لورا(غار) و قرفة (مسمار) و جوزة الطيب
مقادير الصلصة:
معلقتين سمنة
3 كوب عصير طماطم حمراء
معلقتين ثوم مفروم أو حسب الرغبة
نص كوب خل
ملح و فلفل و شطة حسب الرغبة
الطريقة:
-نسلق اللحمة ولى طريق خاصة فى سلق اللحمة
اضع السمن مع الورق اللورى مع المستكة والحبهان والبصل المقطع والطماطم واتركهم مع بعض دقيقتين ثم اضع اللحمة بدون ماء واتركها حنى تنتهى منه كل السوائل وبعد ذلك اضع الماء الساخن وبعد غليانه اشيل وش اللحمة وبعد نضج اللحمة تمام اضع لها الملح والفلفل والبهارات الخاصة باللحوم
-نحط السمنة في قدر لحد ما تقدح و نحط الشعيرية لحد ما تتحمر و بعدين نضيف قليل من الثوم و نقلبه و نضيف الرز مباشرة و نقلبه حوالي 5 دقايق و نضيف عليه مرقة اللحمة لحد ما تغطي الرز و نملحه و نخليه يغلي و بعدين نهدي النار لحد ما يستوي
-نقطع العيش قطع متوسطة أو صغيرة و نحمصه في الفرن
-نأخذ كوبين من مرقة اللحم و نغليهم مع باقي الثوم
-نحط العيش في طبق التقديم ( لازم يكون عميق شوية) و بعدين نسقيه بالمرقة شوية شوية لحد ما يبتدي يلين و بعدين نحط الرز فوق العيش
-نعمل الصلصة
نحط السمنة على النار و نضيف الثوم و نقلبه لحد ما يبقى ذهبي ، نرفع االقدر من على النار و نضيف الخل و بعدين نرجعه ثاني لحد ما الخل يغلي ، نضيف عصير الطماطم و نخليها على النار لحد ما تتسبك كويس و نتبلها بالملح و الفلفل و الشطة
-نصب من الصلصة على وش الفتة و نرص اللحم و ممكن نحمر اللحم في السمنة قبل ما نحطه
-نقدمها ساخنة و نحط باقي الصلصة في طبق و نقدمها مع الفتة
حيطلع منظرة وريحتة تفتح النفس
وكل عام وانتـــــــــــي بصحة وسلامــــــــــة
يسلمو حبيبتي وكل عام وانت بألف خير على مروركم الرائع
واعزرونى النت لم يساعدنى فى تنزيل الصورة ولكن اعدكم بالصورة للطبق
