السلام عليكم ي الغاليات
اتمنى تكونوا بصحه وعااافيه يارب
حبيباتي انا محتاااره بجهاز الاوربتراك ودي اشتريه بسس ابي مشورتكم
بسس اللي جربته تقولي تجربتها الله يوفقكم
وشنو افضل بمقعد او بدون مقعد
وهل يضعف الفخووذ والكرش واهم شي هل يشد الجسم الترهل واللي بيها خطوط بيضااء 
تكفووون اللي جربته تجاوبني مالي غيركم 
الله يجزاكم خير 
وعليكم السلام ورحمة الله وبركاته
هلا إللاف
شوفي يالغلا اول جهاز مهم هو جهاز السير إذا عندج خلاص
ومن عقب أنا اشوف انه جهاز الاوربت تراك مهم من الدرجة الثانية
من حيث مفعوله على الجسم وبذات الخلفية والاوراك والزنود لما تمسكي بالمقابض الخاصه باليد وانصحك يكون باربع مقابض اثنين لمسك جهاز الشاشه واثنين قبضات اليد
لكن الجهاز يريد له حد يتحمله لانه بدايتاً متعب جداً
انا اتكلم على الي بدون قاعده للوقوف فقط لأن هذا الجهاز الي عندي
ماعليه قاعده لان عندي جهاز اخر الي هو السيكل بقاعده
رغم كذا مااستخدمه لانه غير موجدي لانه يحرك الرجل فقط
بصراحة ماحبيته وماعاد استخدمة وماانصح باستخدامه
لانه مو حركي وانصح بالاوربت تراك وقبله جهاز السير
لانه مهم مهم جداً
الله يوفقج يالغلا
انا نفسي فيه بس خووفووني منوووه 
هو سعره على حسب في غالي وفي مناسب
انا الي اشتريته مناسب الاوربت تراك 1600
السير 2024 بس ترا مثل ماقلت لك الاسعار تختلف
اخذي الي يناسبك
بس بشرط تستخدمينه يوميا ثانيا ابتعدي عن الانواع الرخيصة لان عمرها قصير تخرب بعد اسبوعين او اقل ثانيا خوذي المغتاطيسي انتبهي من الجنزير لانه راح ينقطع الوزن اسالي صاحب المحل الى اي وزن يتحمل المحل افضل المحلات عن تجربة الفالح
انا اخذته من الفالح مغناطيسي ب 855 ريال بدون مقعد علشان لو اتعب ما اجلس يتحمل ل 90 كيلو
احساس لايكذب ما قصررتي فديتج الف شكر
