التوبه ممدوح العضيباوي‎ – YouTube
يالله يالـلـي كــل عبادك يــم بيـتـك محرمـيـن
يـارب ثبتنـي علـى الـدرب الصحـيـح واهدني
يـــارب تغـفـر كـل ذنــبــي يــا إلــه العـالـمـيـن
تـعـبـت مـــن كثر الخطـايـا والـذنـوب تـهـدنــي
ضعيـف مالـي غير عطفـك ياكـريـم ويامعـيـن
تايـب لوجهـك عــن دروب للـضـلال تصـدنـي
عفوك وغفرانك على مافات من جرد السنين
كنـت أحسـب إن العمر لـذه والشبـاب يحـدنـي
اقول لاشيـبـت أبـنـدم وألـتـزم والعذر شـيـن
يغوينـي الشيطـان واتـمـادى بالذنب ويشدني
الحمدلـك يـارب واتعـوذ مـن إبلـيـس اللعـيـن
شـفـت السـعـاده بالهـدايـه والحـيـاة تشـدنـي
صوت المؤذن لاسمعته ينشرح صدري الحزين
ماهو بـصـوت الاغـنـيــات وبدهـا ومـابـدنـي
لا جيت للمسجد وشفـت الراكعيـن الساجديـن
ادعـــيــــك يالله يـــوم الحشر معهـم عدنـي
والمجلس اللي فيه حلقـة ذكر بيـن المهتديـن
اخير مـن مـسـرح طــرب للضايعـيـن يـردنـي
مليت من شوف النفاق ودرب نـاس غافليـن
مافيهـم اللـي لاعبـس وجـه الزمـان يسدنـي
مليت من زيف أمنيات الوقت واحلام اليدين
تـفــك بيـديـنـك تـطـيــر وبـالـجـهـل تـضـدنــي
ماعاد ابرجع للندم وأسلك طريق الجاهليـن
يــارب لامـــن مـــت للـجـنـه طلـبـتـك ودنـــي
يالله يالـلـي كــل عبادك يــم بيـتـك محرمـيـن
يـاسـامـع الـتـوبـه دعـيـتـك للهدايـــه اهدني
ممدوح العضيباوي
م ننحرم من وجودك وآبدآعكك ..
ودي
