قال المثل العله لا عيت تطيب
انشد اللي جربها وتلقى دواها
من عاش بالدنيا شاف الأعاجيب
ويذوق من مر الليالي وحلاها
دنيا تقلب كل يوم باساليب
عجزنا نعرف وجهها من قفاها
الموت بغته موعده دون ترتيب
كل نفس له ساعته وتلقى جزاها
ولا جابت الأقدار لنا غير المكاتيب
ولا تذهب الروح قبل منتهاها
شف من جربوا الوقت تجريب
ما كل نفس حقَقت غاية مناها
ولا كل من أجتهد برايه مصيب
والناس ما كل شخص يدرك رضاها
خلق الله واجد وكلن له حسيب
والكلمه اللي تعيبك لا تبين نباها
وأبن عمك لا ضاقتبه الجبال المحاديب
خلك معه لا شانت الدنيا ودارت رحاها
وخذمني يقين يبعد الشك والريب
ان الجهل هو سم القلوب وعماها
تلقى عقل ناقص مع كامل الشيب
ورجال يكمل عقلها في صباها
وتلقى الانذال تتهم ربعها بالعيب
والعيب لو انه هدوم اكتساها
واهل الحميه تبان نهار المواجيب
واهل الردى يلزم يديها رداها
ودقون تلقى عزها من الأشانيب
وشياب تلقى عزها من لحاها
ولا فيه رجال بليا عذاريب
وكلن بفعل نفسه يحدد مستواها
شاعرها ممدوح العضيباوي
تسلمين عزيزتي
