االسلام عليكم
اولا انا ترددت اني انزل مشكلتي لكن توكلت ع الله وماحد بيساعدني بعد الله الا انتم
انا عمري 23 سنه متزوجه لي اقل من سنه , ومغتربه انا وزوجي في الخارج
مشكلتي الاساسيه هي موضوع حملي , زوجي نفسه احمل من تزوجنا وانا ماكنت ابي , بس عشان رضاه وعشان افرحهه غيرت رايي ..
وجلست 5 شهور احاول احمل بس ماحملت , وقبل كم شهر ربي كتب لي الحمل وحملت .. وطررت من الفرحه وهو كان براا ولما جا وريته التحليل اني حامل , انا ماظلمه واقول مانبسط لكن ماكان بالشكل اللي توقعته .. قلت يمكن انه مصدوم لان جا فجاه من غير ماحس انا باي اعراض
المهم مر كم يوم وبرضو ماحسه مهتم ولا احس انه متحمس ودايم على النت ولا الجوال .. هو عنده هوس بالنت .. واحس خلاص الى متى ؟؟ يعني نفسي يتحمل مسؤوليه الحمل , لما اشكي له من الم او شي بسبب الحمل يقعد يتريق ويستهبل ويقول تتدلعين ولا اي شي
غير اني اعاني من صعوبات في النوم وهو مايهتم يعطيني ظهره وينام
والله اجلس فوق 5 ساعات ع فراشي اتقلب وهو نايم !
واقوله بروح المستشفى عشان ابدأ اراجع يقول اصبري انا مشغول بالجامعه والاختبارات
هو مو مقصر علي ويحبني ومالنا الا بعض بالغربة لكن ماحس بجديه بشخصيته , هو طبعه هزلي مرررره ومضحك وغير جدي
يعني بموضوع زي الحمل ماصار جدي متى يصير ؟؟؟؟
وانا دايم بالبيت ماطلع حتى دراسه مادرس ولا لي صحبات ولا شي , وحامل ووحام وتعب وماعندي اهل .. كل هذا وماحسه جدي !!
المشكله الثانيه ..آهلي
اول ماحملت طرررت اقول لأمي وكنت ميته من الفرح , لكن ماحسيتها فرحت
والله يابنات وانا اكلمها قلبي ينبض بقوووووووووووه من الحماس , واول ماقلت لها باركت لي بس ماحسيتها مرره , حسيت عادي
حتى اقولها وش رايك اراجع هنا ولا بالسعودية عشان الولاده ؟؟
تقول بكيفك
طيب هي تعرف اني بكريه وغربه ماقالت لي تولدين عندي او شي , لا ابدا قالت بكيفك
والله يابنات حسيت بخيبه امل حسيت قلبي كانه هدأ واختفى صوته وعجزت اوقف , مدري كيف اوصف لكم احساسي
انا عندي اخوات متزوجين وعندهم اطفال واصبر نفسي اقول شي طبيعي اهلي مابيفرحو مره لان مو اول حفيد وزي كذا
بس انا احس اني مخنوقه ماحس احد مهتم فيني لا بحمل ولابقبله
واهلي انا اللي ادق عليهم واسال ناااادر هما مايدقون
حتى لما ادق واقفل وارجع ادق بقول شي مثلا , احسهم يتضايقوون
..
انا احبهم واحب زوجي واحب حملي
بس مدري ماني قادره اكذب ع نفسي
وش اسوي؟؟؟؟ 🙁 🙁
انت ما تزعلي ولا تتضايقي يمكن انت لانك حامل نفسيتك اتغيرت وصرتي حساسه كتييييييييييييييير اختي حاولي انت ابسطي حالك تابعي حملك واهتمي بصحتك وما تزعلي كل هالامور بتأثر على البيبي وحاولي اعذري يلي حواليكي عشان ما تزعلي ,,,
هلأ انت حامل الحمد لله ,,, من هلأ بلشي اقرأي عن الحمل واشهر الحمل والعنايه بالصحه والغذاء وروحي سجلي عند دكتوره ,,,
وزوجك بس يبلش بطنك يكبر شوي شوي رح يحس فيكي اكتر
ونحنا هون كلنا خواتك وكلنا فراحنين لحملك مباااااااااااااااااااااااااااااااااااااارك
ويارب تضعينه بالسلامه
وكل همومك تنزاح مآعليك
حبيبتي أنتي لازم كل شيء يزعلك تكتبيه بورقه
مثلأ زوجك يتريق عليك
او انه مايوديك تراحعين
او اهلك مايفرحوا لك
قولي كيف القا لي حلا
وأنتي ذكيه
أمك دقي عليه بشريهآ
وكلمي خواتك الكبيره وغيره !!
واقري على نفسك واهتمي بنفسك
لاتنتظري هم يواسوكي
انتي الحين أم تعرفي وش معناة ام
لازم تقودين البيت وتطالبي بحقوقك
ولاتتحملي فوق طاقتك أذا مزعلك زعليه لاتكتمي بقلبك
قولي انا حامل اعذرني
قولي يالله ل دكتوره
الرجل لازم تطالبين منه
كل شيء
اذا ساكتيه يقول راضيه وعاجبه الوضع
واذا مزح معاك طير عيونك قولي انا مامزح معاك
انا تعبانه وماتحس اذا ماتبغا تقول كلمه حلوه أسكت أفضل
دعوآتي لك