السلام عليكم
لكل يلي بيحبو الأكولات البحريه على الصريقه الصينيه
حابه شاركون بهالوصفه كل فتره بعملها مشان التنويع
منبدأبالمقادير السمك بالصلصه
كيلو سمك فيليه مقطع مستطيلات عريضه ومبهر حسب الرغبه
حبتين فليفله خضراء مقطعه شرائح رفيعه
4 جزراتمقطعه شرائح رفيعه
بصلتين متوسطتين الحجم كمان مقطعه شرائح
علبة صلصه حامضه حلوه جاهزه بتشتريها من السوق هي اذا كنتي مستعجله اما اذا مو مستعجله عمليها بالبيت جهزيها قبل بوقت
الصلصه الحامضه الحلوه
مقادير الصلصة:
1/2 كوب ماء
1/2 كوب خل
4 ملاعق كاتشب
3/4 كوب عصير اناناس
معلقة سكر اسمر
طريقة التحضير
ضعي 1/2 كوب من الخل في اناء عميق على النار واضيفي السكر الاسمر حتى يغلي ثم اضيفي
عصير الأناناس و الكاتشب وتركيه حتى يغلى
طريقة التحضير
منقلي شرائح السمك بمقلاة تيفال مع القليل من الزيت الى ان تتحمر ومنرفع السمك عند استواءه عن النار ونضعه بحن جانيا
نضع شرائح البصل بنفيس المقلاة مع القليل من الزيت اذا احتاج الى ان يصبح لون البصل اشقر
-بعدها نضع الجزر مع التقليب ومن ثم الفليفله الخضرااء لمده خمس دقائق
-ثم نضيف الصلصه الحامضه الحلوة
ونضيف السمك بلطف ونبقيه على النار خمس دقائق اخرى ونطفئ الغاز وهي صوره للطبق
[img]
[/img]
وهلئ الرز بالروبيان
المقادير
-كاسة رز كبسه
-كاسة رز مصري
جربو خلطوهم وشوفو شو بيطلعو طيبين
-القليل من البازاليا
-جزره مفرومه مربعات صغيره
-روبيان
-بصله مقطعه ناعمه
والمطيبات يلي هي عود قرفه و4 حبات هال
وبهار الكبسه والملح وورق غار
حسب الرغبه انتي وذوقك
تحضير الرز
مننقع الرز قبل بوقت ومنغسه جيدا
منقلي البصله بشوية زيت لحتى تدبل منضيف عليها الروبيان ومنحركهم مع بعض حتى نلاحظ ان الروبيان رح يستوي
منضيف المطيبات والبهار
وبعدها منضيف المي والجزر والبازالياء ومنخليهم يغلو شوي
وآخر شي منضيف الرز وبس يغلي وتلاحظي المي رح تنشف
بتضعفي الغاز عالآخر
وهون الرز كان عالنار بس كان مستوي
[img]
[/img]بتمنى تكون عجبتكم
ناطره أسمع رأيكون الصريح
لك مني أحلى تقييم على وصفاتك الصحية الرائعة.
اكلة طيبة وانا استفدت من الصلصة الحامضة
اليوم بطنى شبعت ههههههههه
يسلمو حبيبتى الله يبارك فيك
بس ياريت كتبتى عليه اسمك
لانه من قوانين قسم مطبخ العضوات
بالاذن من مشرفتنا العسولة طائر الوئام
منورة القسم
يعطيكي العافية على الاكلة اللذيذة …:)
لكن متل ماقالت بيلسان الغالية لازم تكتبي اسمك على الصور..لانه من قوانين القسم لحفظ حقوقك على الصور
تفضلي هذا الموضوع سيفيدك بهذا
لكل من تريد طريقة تصغير الصور والكتابه عليها…. تفضلى هنا
احلى نجوم لعيونك:))
احلى تقييم لعيوونك بالعافيه عليكم00
سلم الايادي حبيبتي
واكتبي اسمك
