السلام عليكم ورحمه الله وبركاته
عندي مشكله في حاسه السمع واستخدم السماعه الطبيه
..
لكن المشكله مو هنا المشكله من صار عندي ضعف سمع .,اصبحت انطوائيه واكره الحضور الامكان اللي يصير فيها تجمع مثل الافراح والعزايم.. والسبب ضعف سمعي والاحراج اللي يصير لما احد يردد الكلمه اكثر من مرره
صرت انسانه انعزاليه اتجنب الناس لدرجه من تسولف معي وحده بمكان مثل مستشفى او شي اتحاشاها كل بسبه الاحراج انها تعيد الكلمه اكثر من مره 
مالها حل الا السماعه الطبيه واحسها صعبه تعرفون الناس ماتقبل الاعاقه السمعيه
مع انه انا قبل انسانه اجتماعيه واحب اكون صداقات بس من صار سمعي ضعيف صرت اتحشى الناس حتى زوجي يضيق احيانا مني ويهاوشني اذا كرر الكلمه وماسمعته ..
طيب ياعالم وش ذنبي هذا ابتلاء من الله وماله علاج غير السماعه الطبيه اللي ماتوفي بالغرض بس تساعد السمع بنسبه بسيطه..
ماقمت احب اطلع او ادور ع وظيفه كله بسبه وضعي
ودي اعيش زي الناس احس يسولفون بصوت واطي وهادي وانا لازم يرفع صوته عشان اسمع ..
ياليت اللي تعرف مركز لعلاج ضعف السمع تدلني عليه..او تعرف شيخ يرقى للعلاج تخبرني الله يفرج همها ويرزق المحرومه ذريه..ويرزق العاطله وظيفه ويرزق كل فتاه بالزوج الصالح من ترد علي ولو بدعوه؟؟
محتاجه دعواتك …
والي تعرف مركز يعالج السمع بالرياض ياليت تساعدني
بنات ماتدرون شكثر اعاني والله خلاص تعبت..
ولكن سوف ادعوو لكِ "
اسأل الله العظيم رب العرش العظيم أن يشفيك
اسأل الله العظيم رب العرش العظيم أن يشفيك
اسأل الله العظيم رب العرش العظيم أن يشفيك
اسأل الله العظيم رب العرش العظيم أن يشفيك
اسأل الله العظيم رب العرش العظيم أن يشفيك
اسأل الله العظيم رب العرش العظيم أن يشفيك
اسأل الله العظيم رب العرش العظيم أن يشفيك
هذه بلاء من ربنا وعلينا تقبله وإذا كان العلاج هو السماعه ألبسي السماعه بس وقت النوم شيلها
ومافي شيء يعيب الإعاقه
هناك معاقين يستطعيون فعل ما لا يستطيعه الإنسان العادي والسليم
وحطي في بالش أحد هؤال الناس
الشيخ أحمد ياسين
مع إنه معاق ومشلول الجسد بكامله ومع ذلك زلزل دولة كاملة ((رحمك الله ))
هيلين كيلر
الكاتبة الأمريكية العمياء الصماء انظروا كيف وصلت شهرتها وهي بهذا الحال
عبدالله بانعمة
رحلة صمود المشلول كاملا ومع ذلك داعية من الدعاة وهو على الكرسي إن لم نقل على السرير
الشبل عبدالرحمن الحمدان
انتزع ذهبيتي السباحة في الأولمبياد الدولي لذوي الإحتياجات الخاصة ومع ذلك هو مشلول شلل نصفي إضافة إلى إعاقة ذهنية
والله يوفقك
جزاك الله خير
والله يرزقك كل ماتحبين
ياعزيزتي العلم تطور والاختراعات الجديده كلها مسخره لخدمة البشريه
ياعمري حالتك تعتبر حاله بسيطه بالنسبه لاعاقات اخرى الله يبعدنا ويبعدكم عنها
فيه سماعات حجمها صغير وشكلها لطيف وتفي بالغرض
ياعمري ضروري تتعودين على استخدام السماعه اليوم بطوله ولا تتركيها ابدا
ومالك شغل بالناس ونظراتهم
الناس الله يسلمهم لاعاجبهم اللي يسمع ولا عاجبهم اللي مايسمع
انت اعملي اللي يريحك ويريح عائلتك وبس
تحياتي لك غاليتي
الله يشفيك يا اختى.. وهدا ابتلاء من رب العباد. ما عليك الا الصبر وما فى داعى تنطوى وتنعزلى على الناس
بالعكس قوى تقتك بنفسك وتاكدى ان مافى احد احن عليك من رب العباد.. تحياتى لك
