السلام عليكم ورحمة الله وبركاته
بيت انهردة اعمل موضوع واكتب فيه قصص البنات الي اتنقبوا …
وياريت لو عندك قصة اكتبيها هنا كمان لتشجيع البنوتات 
أول قصة :
حكايتي مع النقاب دي حكايه ~
آنا اصلا كنت بفكر البسه من وآنا فـ ثانوي
بس كنت بقول لأ لما ادخل الجامعه
.
بعدها بقآآ قلت البسه رمضان بتاع اجازة ثانوي
صحابي قالولي بلاش جربي تروح اول سنه من غيره
وبعديها ابقي البسيه
دخلت الجامعه من غير نقاب بس كنت بلبس اسدال ~
بعدها بقا قلت هلبسه ف رمضان بتاع اجازة اولي جامعه ~
قلت استني شويهـ طب البسه يوم عيد ميلادي ويبقي بدايه عهد مع الله
باردو كل دا ربنا لسه مآردش
وكل دا النقاب عندي فالدولاب ومشتريه من زمان
واقعد اقوول يارب نفسي البسه بقآآآآآ
لحد آما فـ يوم قلت خلاص بجد هلبسه
حصـــــل يومها فض اعتصام رابعه
وكآنه بيقولو ع اي بنت منتقبه اخوان
وكنت هتمسكـ وش
طآآآآآآب آعمل إيه
قاعدت ادعي ربنا ف يوم كدااااا
وكنت تاني يوم خارجه مع صاحبي
قلت مش هنزل من البيت غير بيه ^^
صحبتي اتصلت بيه اننا هننزل وكده
قمت لبست النقاب ورحت قلت لماما ايه رآيك
ماما انتي بتعملي إإإإإإإيه
استحالــــــــــه
وآنا ماما بالله عليكـــــي بصي مأنا مش هنزل غير بيه
وساعتها لاقيت اذان العصر الله اكـــــبر
معرفش ايه علاقتها بالموضوع بس قلتها بصي ياماما
الله اكبر من كل شئ
قاعدت تقولي هتتمسكي بياخدو اي واحده منتقبه
بلاااش
المهم اصريت علي اللي في دماغي ولبسته
ونزلت وطبعا كل صحابي بقآآ لاا مش هنمشي معاكي
وكلهم بقا قالولي بلاش بلاش
لدرجه اني خلااص كنت هرجع تاني البيت واقلعه
بس قلت لألألأ مفيش تآجيل
ومن ساعتهااااااااااا بقآآآآآ وآنا بيه
26/9/2015 تاريخ لبسي للنقاب
وبقيت انا وهو قصه عشق
__________
مش بحكي الحكايه لأي سبب والله غير
أني ابين قد ايه كان عندي فتن
ووجهتها ومازلت كل الناس بتقولي اشيله
وإللي يقولي مش هتتجوزي
وناس كتير كانت بتزعقلي عليه بس والله
وبآذن ربي
لن اتخلي عنه ~
حتي مماتي
متخليش حد يآثر عليكــــي
هييييييييييح خلصت الحكايه الطويلــــــــه
يارب ارزق البنات بيه ^^
ثاني قصة :
اولا السلام عليكم
نقابى حدوته
حدوتى مع النقاب من وانا صغيوره بحب النقاب اووووى عشان مامتى كانت والمنتقبه طول اذا فحبى للنقاب كان موجود من صغرى
لسه بقى مرحلة الهمه والعزيمه انى اخد خطوة لبسه
جات صاحبتى اقترحت عليا اننا نلبسه سوى وانا طبعا كنت قرات عنو كتيييير وادله على وجوبه وتعمقت جدا فى حكمه
واستخرت واراتاحت جدا ثم توكلت على الله فى نية لبسه
وجات الصدمه من والدى كان رافض تماما انى البسه وانا مكنتش متوقعه كدا لان والدتى لابساه من قبل ما يتجوزو حتى
انا طبعاااا كانت واخداانى الحماااسه وقولت هلبسه ولاطاعه لمخلوق فى معصية الخالق ولبستو
وجائت الصاعقة الكبرى وهيااا تخير ابى لى بين خلع النقاب وبين محادثته معى
فاخترت النقاب وففضل مخاصمنى اكتر من سنه ونص لسانه لم يخاطب لسااانى
مفيش اصعب من الخصام لالاودا كان والدى وفى نفس البيت كنت بحس بذنب والشيطان كان يوسوسلى
بس الحمدلله الحمدلله قررب من ربنا اوووووووووى واكتر ومكنتش بسيب قيام الابدعوه ان ابى يرضى عنى
لحد ما جه فى يوم كدا عادى ومره ناحده صالحنى وساعتها كان اسعد يوم فى حياااتى
اصدقى نيتك يصدقك الله
ثالث قصة :
سلام عليكم بنانيت انا لما شوفتevent فرحت قوي
لبست النقاب إزاي
يمكن اكون من الناس المطلتش فترة اشتياقهم للنقاب تقريبا كانت ثلاث اشهر من يوم التزامي ليوم ما لبسته بس كان فيه خطط خامسيه و حاجات عجيبه كدا
طبعا كان اهلي رافضين بتاتا لاني اصخر اخواتي البنانيت و هما مش محجبات تقريبا كنت بدخل غرفتي معيطه خمس مرات في اليوم بعدد الصلوات .
كنت كل صلاة ادعي ة اروح اطلب اصلي شخصية زنانه جدا و عندية اكتر كل ما كان رفضهم بيزيد اقبالي و ثباتي بيعلي كنت بفكر طتير البسه من وراهم بس كنت متأكدة انهم هيقلعهولي
مره من ذات المرات الدخلت غرفتي معيطه فيها بعد سؤلهم السخري ليا انتي عايزة تلبسي النقاب ليه الحمد لله مكنوش مستنيين اجابة لاني مكنتش هعرف اجاوب اصلا دخلت غرفتي منهاره سرحت شوية بدأت الوم نفسي احس ان الموضوع مفهوووس نية عايزه البس نقاب كدا طب هو فرض ولا سنة زي ما تيجي و لو ربنا علم فيا اخلاص هيعني ربنا قادر يقنع اهلي في غمضة عين لو علم فيا صدق نيتي يعني مت الاخﻻ شغل العيال دا مينفعش
بدأت النرحله التانيه بقي من خطتي كانت غير مباشرة و فعالة جدا بابا سافر فانفردت باقناع ماما علشان اكسبها اشغل شرايط عن النقاب في البيت احطلها كتاب عن النقاب في غرفتها و لما تسألني اقلها بتاعي بس لو عايزه تقرأيه اتفضلي طبعا كانت عنونهم غير واضحه
بدأت اقنع الناس الملتزمة القريبين ليها يساعدوني في اقناعها
كثفت دعائي اوي قرأت كتب عن الاخلاص كتييير و عن النقاب اكتر
حتي جائت اروع لحظه في حياتي حين وافقت امي
كنت طايره في هوا اشتريت النقاب ولبسته في العربية حسيتني غاليه اوي العربيه حسيتها جناح عصفورة معقوله بقيت بروعه البنوته المنتقبة ربنا يرزقه لبنات المسلمين نسيت اقلكم اول ما نزلت من عربيه سجدت في الشارع الحمد لله كان في حراج محدش شاف….معلش طوولت عليكم
رابع قصة :
السلام عليكم ورحمه الله
انا الحمد لله حكايتى حكايه ……الحمد لله بدأت التزامى فى 2 ثانوى مع انى ازهريه بس زى اى بنت اهلها شايفين ان الالوان والبناطيل بتبقى استايل…… يوم اما قررت اتغير فى ثوانى اشتريت جيبه .. اشتريت جيبات واسعه واخدت عهد انى عمرى ماالبس ضيق ,, وطبعا كلنا عارفين كل يوم زعيق وانتى احلى بالبنطلون والجيبه مبينه انك طويله هههههه…. المهم قررت فى يوم اشترى خمار قولت لامى عاوزه اشترى خمار ,,قالت انتى صغيره المهم لبست خمار ماليزى وزى العاده كله معترض… جيت فى 3 ثانوى وبقيت بلبس جلباب اسمر وخمار اسمر وجوانتى اسمر كـــــل حاجه لونها اسمر كنت حاسه انه فعلا هوه ده اللون المناسب لوحده مسلمه,,,,,,وزى العاده الكل رافض ,, لدرجه انهم خبوا الخمار والجوانتى منى وكل حاجه ههههههه ,,, لدرجه ان والدى زعقلى فى يوم وقالى لو شوفتك لابسه جوانتى هولع فيه وفيكى…….الحمد لله جيت اولى جامعه ومازلت مستقره على افكارى بس الفكره الجديده هيه النقاب … بقالى اكتر من سنه بحاول فى والدى …لدرجه انه قال معنديش بنات يلبسوا نقاب …مش هتبقى بنتى ولا اعرفك ……ولحــــــد حالاً مش بنام الا بدموع بسبب النقاب ,,,,,,,اللهم ارزقنا الصبر والثبات
دعـــــــــواتكــــــم
وباقي كتيييير
شاركينا ..
الله يثبتكم حبايبي 