ساعدوني على التوبة
السلام عليكم /
اخواتي انا بنت كنت متفوقة بالمدرسة ومن الاوائل محافظة على صلواتي
والاذكار مااتركها ابد واقرأ قرأن دايم وبترتيل وتجويد وكانت حياتي
الحمدلله فوق الخيال محبوبة من الكل الابتسامة ماتفارق وجههي مو
ناقصني شئ صحيح ظروفنا المادية اقل من متوسطة لكن والله مااحس
بهالنقص ابد
دخلت الجامعة وفي افضل كلية الحمدلله وهنا بدأت معاناتي
اهلي شروا لي كمبيوتر خاص فيني عشان الجامعة والمحاضرات وكذا
وانقلبت حياتي 180 درجة صرت اسهر طول الليل على المسلسلات
والافلام والاغاني صلاتي ااخرها ومااهتم فيها الاذكار تكاسلت عنها لين
ماتركتها وباقي اليوم نوم
عقوبتي الي الله ابتلاني فيها درجاتي ومستواي الدراسي نزل مررة
لاني مااذاكر ولاادري عن الدراسة اصابتني الامراض من جميع الجهات
حتى الدكاترة مايدروون وش فيني توني في عمر الزهور وعلب الادوية
الي اخذها اكثر من سيدات في الخمسين
وجسمي صار ضعيف كسلان بس ابي انام واذا قمت بس جالسة على النت
اتصفح واقرا واتفرج القران تركته وصلاتي اهملتها ااخرها عشان اتابع
مسلسل او برنامج وحياتي صارت كأبة ماعندي صاحبات الكل يبعد عني
وطبعا انا اعارفة هالشئ بسبب غضب الله علي انا في داخلي انسانة دينة
تقية لكن للاسف في الجامعة ماعندي احد يذكرني ويعضني مو زي ايام
المدرسة كانوا المدرسات دايم ينصحونا ويذكرونا وينبهونا اما بالجامعة
صياعة مااحد يدري عن احد فارجوووكم اخواتي كيف اقوي علاقتي بالله
واتووووب وابي احافظ على النوافل ومااتركها وابي اترك الاغاني والافلام
والمسلسلات ابي ارجع للراحة الي كنت فيها ابي طريقة ارجع فيها شوي
رجاء لاتقسون علي وانصحوا اختكم المسلمة ولكم الاجر وتذكروا قول
الله :(ولاتكن فظا غليظ القلب )