الوسم: الشاكريه

ابي طريقة عمل الشاكريه

بليييييييييييييييييز بلييييييز
ابي طريقة عمل الشاكريه بالمقادير
كذا مره اسويها وتخرب معاي
امانه ردوا علي

هلا حبيبتي رماد اليكي مقادير الشاكرية :
كيلو ونصف لبن زبادي
نصف كيلو لحم مقطع مكعبات كبيرة اوصغيرة او اذا بتحبي دجاج منزوع الجلد
ملعقة كبيرة تشاء الذرة
ملعقة كبيرة دقيق ابيض
بصلة كبيرة مقطعة ارباع
نسلق اللحم مع وضع ورق غار وفلفل اسود حب
ونصفين بصل
وحببتان هال
بعد ما تشوفي انو زفرة اللحمة صارت تبين غيري الماء يعني شيلي اللحمة وحطيها بقدر ثاني وضيفيلها ماء منشان نقدر نستخدم مرق السلق وما تكون فيها شوائب ومنضفلها اعواد قرفة وقطعة زنجبيل صغيرة وبعد ما تستوي اللحمة نتركها ع جنب
طريقة تحضير الشاكرية :
بتذوبي النشاء بقليل من الماء وبتحطيه فوق اللبن وبتضيفي الدقيق بتخلطي اللبن جيدا وبتضيفيلو كوب ماء او اقل
وبتحطيه ع النار هون بدك تنتبهي كتييييييييير يمكن منشان هيك ما عم ينجح معك لانو بس حطيتيه ع النار بدك تضلي عم تحركي باستمرار وياتجاه واحد يعني اذا كنتي عم تحركي يمين لا تحركي ع الشمال
بس بلش يغلي بتضبفي اعواد قرفة 2 ورشة كاري ورشة كمون وفلفل ابيض و3 حبات هال بعدين بالتدريج بتضيفي مرق اللحمة ( كل البهارات حطيها صلبة لحتى مايتغير لون اللبن )هو بكون لونو مائل للاصفر بسبب الكاري هون اتركي اللبن و هاتي البصلة اللي حطيتيها مع سلق اللحمة وشوحيها بشوية سمنة وضيفيها للبن بعدها ضيفي قطع اللحم والملح واتركيه يغلي دقيقتين بامكانك تضيفي رشة من النعناع الناشف ع وجة طبق التقديم وبصير كمان تعملي شاكرية بنكهة النعناع بتاخدي قليل من اللبن المطبوخ وبتغلية مع الثوم المهروس واوراق نعناع اخضر لمدة 5 دقائق بعدين شيلي ورق النعناع من اللبن وضيفي اللبن المنكه بالثوم والنعناع لباقي اللبن وبتعملي جنبها ارز مفلفل وصحتييييين وهنا
اعمليها وخبريني اوك

[IMG]up.arab-x.com/dldchk03039.jpg.html[/IMG]

[IMG]<img src="https://up.arab-x.com/Mar11/chk03039.jpg">[/IMG]

الله يعطيكي العافيه اختي ام جنى
وان شاء الله اعملها عن قريب واخبرك

تسلم ايديكـ اختي .

الله يعافيكي حبيبتي

شكراااااااااااااا

الشاكريه مع الارز بالشعيريه

مقادير الشاكرية مع الأرز بالشعيرية:
• 1 كيلو لبن رايب .
• 4 حبة كبيرة بصل أبيض.
• 2 ملعقة كبيرة نشا الذرة.
• ملح.
• لحم ضأن ( الكميه حسب الرغبة).
• هيل.
• قرفة.
• ورق غار.
• كبش قرنفل.
• أرز أبيض ( الكمية حسب الرغبة).
• شعيرية.
طريقة عمل الشاكرية مع الأرز بالشعيرية:
ضعي اللحم بعد غسلة جيدا في قدر و اغمريه بالماء للسلق و ضعيه على النار حتى يغلي ثم يرفع الزفر ثم أضيفي القرفة و ورق الغار والقرنفل و الهيل و حبات البصل المقشرة و لكن بدون تقطيع ويترك على نار متوسطة حتى يتم استواء اللحم استواءا كاملا ويصبح طريا جدا. ثم افصلي اللحم والبصل عن المرق.
ثم نحضر قدر آخر نضع فيه لبن الروب مع مرق اللحم بحيث تكون كمية لبن الروب نفس كمية المرق يعني لكل كوب مرق كوب لبن روب. ثم توضع على النار ويتم تحريكها بشكل مستمر حتى لا يفرط اللبن من الحرارة ثم يضاف نشا الذرة و الملح ويحرك جيدا ويترك حتى يغلى اللبن غلوتان.
ضعي حبات البصل في الخلاط واخلطي جيدا حتى يصبح مرهميا ثم أضيفيه إلى اللبن المغلي مع قطع اللحم و يترك على نار خفيفة لمدة 10 دقائق ليتشرب اللحم من اللبن. و بعد ذلك يوضع في طبق عميق و يقدم مع الرز بالشعيرية. و صحتين و عافية!

يسلموووووووووووووو
تقبلي مروري

مشكوره حبيبتي
وانورت الصفحه بمرورك

يسلموووووووووووا

يسلموووووووووووووو

مشكورة
انشااللة راح اجربها

الشاكريه السوريه

نبدأ بالمقادير
1 / 1 كيلو لحمه
2 / نص كيلو لبن روب
3 / 3 ملاعق نشا
4 / كوبين أرز أبيض
5 / قليل من الملح والبهار الاسود
6 / بصلة
_____________________

الطريقة :

1 / يسلق اللحم مع البصل والبهار الأسود حتى ينضج .
2 / يغلى اللبن على النار مع النشا وقليل من الملح قم بالتحريك المستمر حتى الغليان.
3 / يوضع اللحم المسلوق مع قليل من المرق فوق اللبن المغلي .
4 / يقدم ساخنا مع الأرز الأبيض أو البرغل.

طريقة صنع الارز الابيض:

1 / قم بتذويب ملعقتين من السمنة و اقلي البعض من الشعيرية.
2 / عند احمرار الشعيرية اضف 3 اكواب من الماء و 2 اكواب من الارز الابيض.
3 / دعه يغلي لمدة معينة ( حسب حاراة الغاز )
و بأمكانك اتباع نفس الطريقة اذا احببت ان تقدم الشاكرية مع البرغل .
والف عافيه

الله يعطيكي الف عافية وصفة كثير حلوة

الله يعافيك وشكر لمرورك
مع خالص تحياتي