الســـلام عــــليكم ورحـــمة الله وبركاتـــــه
كيفكم يا عسولات…
اليوم جايبة لكم طريقتي في عمل المندي بالدجاج بالفرن
سههههههل ولذيييييذ يعني اذا ما فيكي حيل تدخلي المطبخ بالساعات ادخليه بربع ساعة واقل كمان خخخخخ
.
.وان شاء الله المرة الجاية بجبلكم الصور
.
.الـــمقادير*
1_ حبتين(2) بصل مقطعة حلقات
2-زيت طعام
3_كمون
4_بهارات مشكلة
5_ملح
6_فلفل اسود
7_دجاج صدور او كامل بالعظام ((انا استخدم الصدور ))
8- رز منقوع في موية حاره مو اقل من نص ساعة..(الكميه بكيفك كاستين 3 كاسات بكييفك))(( وافضل رز بنجابي المهيدب))
طريقة التحضير …
1- اذا استخدمتي الدجاج الكامل غسليه مزبوووط بشويه خل وبعد ماتغسلية قطعية ارباع وسوي بالسكينه خطوط عادجاج زي كذا \\ هههه فهمتوووا؟؟؟؟ عشان البهارات تدخل جوا هههه وتبليه بالبهارات المشكله وشويه ملح وفلفل اسود… كويس كذا؟؟
واذا استخدمتي الصدور قطعيها مربعات بس مو مرة صغير وسوي نفس الطريقه حقت الدجاج الكامل اللي فوق^ ^ ^وتبليه بنفس الطريقه
2- جيبي البصل الحلقات وحطيه في قدر وحطي عليه شويه زيت وقلبيه لحد ما يصير لونه ذهبي او احمر اذا تبي…
وانتي قاعده تقلبيه حطي شويه كمون وشويه ملح بعد ما يستوي البصل تكوني مجهزه موية مغليه وتحطيها على البصل ((مو كتير ))على قد كميه الرزاللي نقعتيه…
بس بدون ماتحطي الرز طبعا
المهم بعد ماتحطي الموية خليها تغلي عالنار دقايق وشيليها
3- دحين تجيبي الرز وتصفيه من المويه وتحطيه في صينيه بايركس
4- جيبي القدر اللي فيه البصل والمويه وذوقيه شوفي اذا ناقص ملح ولا لأ واذا ناقص حطيله شويه ملح
5- شيلي البصل من المويه بالمصفاه خلاص مانحتاجه وحطي المويه على الرز بس لاتكتري المويه خليه بس يغطي الرز بــ2 سانتي بس
6- بعد ماتحطي المويه جيبي قصدير وغطي الرز كويس …وبعدين جيبي سكينه واقعدي خرمي القصدير سوي اخرام كتير…وبعدين جيبي الدجاج المتبل وحطيه فوق القصدير وبعدها جيبي قصدير تاني وغطي الدجاج
7- ودخليه الفرن لمده ساعه وبعد ماتخلص الساعه شيلي القصدير اللي فوق اللي كان مغطي الدجاج وخلي الدجاج يتحمر من فوق شويه
وجيبي قطعه فحم وحطيها على النار
8-دحين ياقلبي شيلي الدجاج وحطيه على جنب وجيبي قطعه قصدير وسويها على شكل فنجان قهوة وحطي فيه شويه زيت وشيلي القصدير من على الرز وحطي قطعه القصدير اللي سويتيها على شكل فنجان في وسط الرز وامسكي في يدك التانيه غطاء قدر يكون قد الصينيه البايركس او اي شي يمديه يغطي الصينيه ضرووري هاا؟
وجيبي قطعة الفحم اللي حطيتيها على النار بعد ماتكون حممممرا
9- حطي قطعه الفحم في الفنجان اللي فيه الزيت وبسررررررررررررعه غطي الرز
هاذي الخطوة ضروريه
وخلي الغطا لحد ماتيجي تتغدي((لا تشيليه هااااا؟))
وممكن تحطي مع المندي سلطه خضراء او سلطه زبادي
وهاذي مقاديرها
1- علبه زبادي او علبتين
2- (1)خيار مبشور
3-(1) حبه ثوم مدقوق
4-(1) ملعقه طعام مايونيز
5- شويه ملح وفلفل اسود
طريقه التحضير…
اخلطي كل المقادير مع بعض وقدميها
10- واخيرا دحين جيبي الرز وحطي فوقو الدجاج وقدميه مع السلطه
وبالـــعافيه غلى قلبكم
وبكذا تكون خلصت المهمه بسلام والحمدلله
ويدي انكسرت من الكتابه 
ههههههه
ولو في اي سؤال انا في الخدمه
أن شاء الله أجربها اليوم على الغداء
