السلام عليكم
انا الوسطى بين اخواتي عمري 24 سنة متزوجة الحمدلله كملت دراستي وتخرجت ومتوظفة يعني حياتي شبه اكتملت..
المشكلة في اخواتي ، عندي ثمانية اخوات من ابوي اعمارهم تتراوح بين الثلاثين والتسعة عشر ، ماكملوا دراستهم الجامعية ، وعايشين حياتهم بالطول والعرض لامسؤولية ولا تفكير بمستقبل ولا شي ، كل حياتهم نت وجوالات وافلام واككككلللللل ، اوزانهم بين 90 وال 170 ، انحف وحدة فيهم وزنها 79 ، ادري بتقولون وش دخلك خليهم يعيشون حياتهم ، انا خايفة عليهم وعلى مستقبلهم ، خايفة السمنة تموتهم وتسبب لهم بجلطات ، وابوي شايل همهم كبر بالسن يقول فين يروحون بناتي من بعد عيني ، دخلهم الجامعة انتساب ومانفع ، دفع لهم اشتراك سنوي بنادي ولا نفع ، كل يوم والثاني مطاعم التوصيل تحت البيت لدرجة ماصاروا يسألون عن العنوان يعرفون من الصوت ، حاااااااولت كثير اجلس معاهم واصارحهم بمخاوف ابوي واكلمهم عن الصحة والرشاقة بدون فايدة ، اكلمهم عن المستقبل والزواج والاستقرار يقولون اصلت احنا مانبغى نتزوج!!!!! ، طيب فين بتروحون بكرا ؟ بتتشردون عند اخواني وحريمهم ؟؟ ، لما كل وحدة فيكم توصل الاربعيم والا الخمسين بتطيح مين بيراعيها اذا مو عيالها وزوجها ؟؟؟ ،، ماعندهم اهتمام الاناث بالجمال والاناقة ، ولا يطلعون للمناسبات والاعياد ولما يجون ضيوف يقفلون ع انفسهم الابواب ، كيف بيجون المعاريس والخطاب ؟ ، وحدة فيهم تقول انا مابتزوج الا واحد حلو!! اقولها طيب انحفي وخذي شهادة والبسي واخرجي !!!
اااخخخخخخ عارفة البعض منكم بيشوف مشكلتي سخيفة بس والله كل مااطالع فيهم والا اسمع كلام ابوي قلبي ينعصر من القهر عليهم ، لاتقولولي كلميهم فهميهم والله حتى افلام وثائقية فرجتهم عن السمنة وناس ماتوا من السمنة ، يتأثرون لحظتها وبعدين………..
لما اقول لوحدة فيهم تعالي معايا الفرح الفلاني والا بزور صاحبتي تقول والله ما اروح وجسمي كذا!! واذا نزلنا السوق مايشترون الا بجايم للبيت حتى للعيد ياناس يشترون بجايم القطن واللي تتوسع ،، ابوي يعطيهم مصروف اسبوعي كله يروح باشتراكات النت والاكل والمطاعم ، مايشترون لانفسهم الكريمات والعطور والمكياج مثل باقي البنات!!! والله حتى ريحة غرفهم كلها اكل وملابس قديمة: /
شايفين اني الاخت النفسية اللي كل همها زوج وبيت وشايفة الحياة متوقفة عليهم ، طيب خلاص لايتزوجون بس يكملون دراسه ويعيشون حياة صحية ويشتغلون عشان يشيلون انفسهم بعدين!!!!
سااااااعدوني بحلووووول عملية ، انا لوحدي وهما جماعة لما اكلم وحدة وتقتنع تجي البقية تغير رأيها وتفهمها الحياة قصيرة وعيشي حياتك لاتحرمين نفسك الخ الخ الخ الخ!!!!!!!!
المهم اخواتك لازم يعملون تحليل للغدة اذا فيها خمول يسمنون من الهوى ويصير اوزانهن فوق ال 200 كيلو
واذا مافيها خمول لااااازم عمليات وتدخل جراحي خاصة الي وزنها 170 حرام هاذي حتى رياضة ما تقدر تسوي بيتكسرو رجولها
اذا ابوك مقتدر خلي يسويلهم قص معدة والله بعد 6 بتشوفين الوحدة وزنها
60
بس لازم تخفيف مع العملية عشان تبقى المعدة صغيرة ما ترجع تكبر
خواتك لازم تدخل جراحي
اختي عشان سمرة ماعندها ثقة في نفسها مثل خواتك ماعندهم ثقة بانفسهم لازم ينحفون ويشوفون انفسهم رشيقات عشان يصيرون يهتمون بانفسهم
الحين الوحدة منهم تحس نفسها غوريلا لكن لما تنحف راح تصير نفسيتها احلا
الله ينحفنا وينحفهم على خير
حاولي دايم ترسلين لهم مقاطع عن البدكير والمنكير والعناية بالجسم والشعر
انصحك لو تقدري تجيبي صور وجيهم وتركبيها على صور بنات رشيقات وشوفيهم راح يحبو هذا الشي وراح يسعو له استعيني بلفوتوشوب
الله يعينكم
وثانينا الحمد الله ان لهم اخت مثلك تحب لهم الخير وتنصحهم وهذا يبشر با لخير اكيد مادمت تنصحينهم سيغيرون رايهم في يوم ما فلا تيئسي وتابعي في نصحهم وربي يجزاك عنهم خير
الله يعينك وتساعديهم يعدلوا وضعهم
و لا تنسو دعاكم الي و شكرا هذا من تأليفي. 
ان احسست في يوم انك وحيد وان من كانوا معك قد تخلوا عنك جميعاً
