My Favorite Things
_
المدونه تم افتتحها بيوم الاحد
الموافق 1445/6/23
بالرد التالي سوف يكون تعريفي بي !
يامساء الخير
اليوم قررت افتتحت هالمدونه بعد تردد لاايام من تسجيلي بهالمنتدى
بس كنت متابعه للمنتدى لفتره طويله
_
اسمي المستعار: ملاذك , الاسم اختياري له موعبث !
اولا الاسم لامسني كثير وحسيت له معاني كثيره
احد معانيه هو الملجاء لك ,
عمري :19 سنه
حاليا هالسنه طالبه لغه انجلش
والسنه الجايه ان شاء الله طالبه جامعيه
فرغت نفسي للغه اولا لانها مهمه بالجامعه الي ابيها اكون متقنه,
اكثر سؤال انساله هالسنه هو ايش اختيارك لتخصص الجامعي ؟
اجاوبهم مادري ..! كلهم يقولون بتخلص المده لتحديد بعد شهر ونص وانتي لسى ؟!
جديا مادري ؟ يعني انا اوك انسانه طموحه وهواياتي واهتماماتي كثيره
ماشوف نفسي فاشله لكن مادري وش ادخل بالجامعه
حبي لمجال علم النفس وتطوير الذات كبير وهو واحد من طموحاتي الاوليه
وباديه انجز فيه بتاليف كتاب بهالمجال , طموحي يكون لي كتاب بهالمجال بالعربي والانجلش واكون مدربه بهالمجال
الاغلب قال لي ليش ماتخذيه تخصص , كان لاسباب اولا انا اشوف ننفسي قادره ادخل المجال دا من غير ماتخخصص اربع سنوات وانا عندي القدره على هالشيء !
ثانيا ماهو متاح لي بالجامعه الي تناسب ظروفي
ومهتمه كثير بتصميم الازياء والميك اب والفاشون وديكور عشقق
مستقبلا لو بدخل البزنس يكون بها يعني ادرس اداره اعمال عشان بزنس ؟ طبعا لا
تصميم الازياء وميك اب وفاشون وديكور معاهد كثيره معروفهه توفرها بدبلوم ومعتمده !
يعني هواياتي انميها قادره على هالشيء بس موبشهاده جامعيه حابه شهاده الجامعه
تكون شيء غير هواياتي الي قادره انجزها بنفسي
مشكلتي ابي شهاده الجامعه تخصصي يكون عملي بالمستقبل ماحب سالفه اجلس على مكتب وخلاص انجزي وسلمي شغل واستلمي راتبك وخلصتي ؟!
احب الحركهه احسس بملل لوكان غير كذا
فكره بالمحاماه بجامعه الي تناسبني وهي جامعه الاكترونيه
اراجع نفسي بالفكره حاليا اذا المحاماه تناسب شخصيتي او لا ؟!
اتوقع بينت جانب بسيط من شخصيتي بالكلام الي فوق
الحين راح اتكلم عني بشكل مفصل شويتين
انا واعوذ من كلمه انا
فيني جانب من رزانه وجانب من الهبال وجانب ثاني من المزاجيهه والعناد
المزاجيهه معروفه فيها واسمع الكلام حتى من صغار السن
مثلا اختي الي عمرها 10 سنوات مرات تعصب علي تقول , انتي ليش كذا كل مره لك شخصيه ؟ ههه تقصد المزاج ماتفرق يعني مرات ضحك مرات عصبيه بثواني اقلب
العناد . ماكتشفت اني وحده عنيده الا هالفترهه ..
مثلا : انا كنت وحده ماكل الاكل الي موصحي والشوكلاه والشبسات المقليه لفتره طويله بشهور مومشكله عندي ؟ لكن متى صرت اكلها بكثره وزودتها ؟
لمن دكتوري قال لاتاكلين هالاشياء !هههه جد حركه غبيه مني
ليش سويت عكس مدري لاحد يسالني ..؟!
الرزانه والهبال على حسب المواقف
حبي للاشياء الي حوليا
الاكل: احب الاكل الخفيف مرات اكون صحيه بااكلي
احب القهوهه ككثير ومع اني ممنوعه من اشياء كثيره احبها بالاكل لصحتي
ماقدر استغني عن القهوه مايجيني مزاج ادرس الا بكوب قهوه كبتشينو ؟!
الاماكن : احب المولات ككثير حتى لو مافي شيء ببالي معين اشتريه
عادي اروح افرفر شويتين اشوف شو الجديد واتقهوى مع الي يكونو معي واطلع ..
سابقا كنت مولعه بشي اسموو بحر لكن الحين قل حبي له معرف ليش
يمكن هالشيء متعلق بشخصيتي , احس حب البحر له علاقه بالشخصيه او النفس اذا فيها شيء ؟!
احب اروح مطاعم واماكن فيها تسليه
احب العب بس مايخلوني يقولون خلك رزينه افف ليش
مرات اخربها لو لي خاطر العب بمكان مسموح فيها حتى لوكان بمولات
يمكن من حوالي شهر كنت لابسه عبايه راس وفي مول وكنت ابي العب
رحت لعبت سيارات سباق موتصادم لا سباق انا واختي عمرها 17 سنه
صحيح كان شكلي يضضحك والي كان يشغل اللعبه خليجي وماسك ضحكته بس اصلا عادي!
ولعبت لعبه ماعرف شو اسمها بس الغش كان بالعبه من اختي
ولعبت مره انا وابوي ههههه عادي خربتهه معي
مرات العب اكسب دبدوب واديه اختي الي عمرها 10 سنوات
