الوسم: lt;<

تحايلت المنام إلي مثل بيتك تمرينه..
وأنا إلي من تفارقنا وأنا ما غمضت لي عين..

غريبة كل حلم يمر في رقادي تزورينه..
والأغرب كيف احلم الحلم وارجع أحلمه بعدين..

قبل يومين شفتك في المنام وقمت من حينه..
ونمت أمس ورجع نفس المنام إلي قبل يومين..

أنا إلي قبل أسافر شلت قلبي من شرايينه..
تركته في يدك مثل الأمانة و احفظيها زين..

ترى حفظ الأمانة دين مجبورة تردينه..
اجل ما فيه احد قد قال لك حفظ الأمانة دين..

مرد المقفي بيلفي ويستوفي وتوفينه..
بعد ليله ثلاثة أربعه عشره شهر شهرين..

إذا أنتي منتي قد الكلام إلي تقولينه..
حرام استأمنك حاجه وإذا جيت أطلبك تنسين..

تخونين وتبين أرضى واحد يرضى تخونينه..
أنا إذا جيت أخونك مع حبيبه ثانيه ترضين..؟؟

من أول ما رجعت من السفر ما شفت لك بينه..
وأنا إلي أحسبك قبل أدوس ارض المطار تجين..

تكونين أنتي أول شخص عيني تحتضن عينه..
وكنت أتخيلك من زود فرحة رجعتي تبكين..

وأشوف بدمعتك حكيك واعرفه قبل تحكين..
و أزيد أحلى من إلي بتحكينه وأتركك تحكين..

تقولين الوطن نور أقول نور مضوينه..
تقولي لي غديت أحلى أقول عيونك الحلوين..

كلام نام بشفاهك وخفتي لا تصحينه..
ذخرتي الغرام إلي ينام ويتركك تصحين..

تغانمتي غيابي لين رجحتي موازينه..
تعلم من يدك لمس الكفوف وعلمك تجفين..

وليتك لاقيته به شي فيني ما تلاقينه..
مهوب غرور لكن خابرك مالك امل تلقين..

تغافلك بغلا وإلا الحلا مهوب من زينه..!!
تزينه الصور والصحيح ابن الحلال زوين..

وانا ماني ناقص عنه يوم انتي تبدينه..
نصيبي هو نصيبي لو يسددها من الصوبين..

قنوع بمظهري والسم مايذبح ثعابينه..
على قول المثل ماني حلو لاكن ماني شين..

إذا اهداك الزهر مره فأنا اهديتك بساتينه..
وإذا الهاك بفرح ليله انا اقتل بكاك سنين..

وإذا استضعفتك املاكه وشتتك ملايينه..
انا حتى فتات الخبز اقسمها معك نصين..

طموحي بس اجي واظفر بشئ تستحقينه..
تدينته تسلفته سرقته مو مهم منين..

كاني من كثر ماارضى بكل إلي تمنينه..
لو إنك تطلبين الله يعنيني بقول آمين..

انا ماالعب على الحبلين وقت الطيش وسنينه..
تبين الحين يوم إني كبرت العب على الحبلين..

ترى عند البدو بذات عيب إلي تسوينه..
حلاتك لاعشقتيني تعشقيني ليوم الدين..

غرام نسكن ضلوعه حشيمه من مجانينه..
جفا يجمع معزتنا ولا عشق يذل ثنين..

كثار إلي تحدوني وقالوا تحبينه
امانه لاتخليني صغير بعينهم تكفين..

لأني كل ماقالوا تخون اقول مسكينه..
عليك الله وامانه علميهم من هو المسكين..

انا خايف لاطاح الجمل تكثر سكاكينه..
وانا ماعادت ضلوعي تحمل طعنة السكين..

مثل ماقالوا المكتوب واضح من عناوينه..
لو ارحل منك للغربه واسافر من ضلامك وين..

كفايه كل حلم يمر في رقادي تزورينه..
كفايه من تفارقنا وانا ماغمضت لي عين..

عندما تنصدم بوحدتك وتتفاجئ بتوقف سير مركبك …
في بحر مظلم وقد خانك اقرب الناس إليك خذلك قمرك فغاب ….وابى إلا البعد وعدم الاقتراب
تبدأ الغيوم تحيط بك والامطار تنهمر ولكنها من عينيك ….
نعم …. فقدابعدت النجوم .. وامنت عودة الغيوم … وودعت كل الهموم …لكن أخطأت .. فقد أملت صداقة لاتنقطع … وقمرا لايغيب … وهم لايعود … وطول ود بلا حدود ….
ولكن طال الانتظار … ولم يعد باليد خياااار ……
جدفت بالمركب وحدي بعيدا عن هذا القمر………..
فقد صدمة من صدمة العمر ……
وعلمت ان الحياة لاتقف للاحباب …. ولكنها بالالم تطرق الابواب
وتدخل حتى لو لم تسمع الجواب
علمت ان الصداقة بااب يزخرف بالورود …. ولكنه مكان للوفاء فيه حدود
لامكان للثقه فيه … ولا للصدق مأمن فيه …
فعندما غاب القمر اشتد الظلام ولكن لا بد للشمس أن تشرق …. ولقمر ااخر ان يشرق على مركبي …
لكنه سيغيب